8 قواعد لاختيار بدلة فرحك

علشان تكون أشيك واحد في فرحك

Large

الموضة بالنسبة للرجل العربي بالتحديد آخر حاجة ممكن يفكر فيها، وده لأنه شخص عملي، لكن بدلة الفرح بالنسبة للعريس مهمة جدا، حتى لو كان من الأشخاص اللي مش بتفضل تلبس رسمي، ورغم أن البدلة مهمة جدا، لكن مع عدد كبير من الشباب بتمثل لهم عبء كبير وقت الاختيار، خصوصا لو كان الفرح مش واخد الشكل التقليدي.

في 8 طرق وأساسيات لازم تحطهم في بالك وأنت بتختار بدلة الفرح، وده هيسهل عليك حاجات كثيرة: 

1- حدد شكل فرحك مع عروستك، بمعنى إذا كان بالنهار أو باليل، وهيكون كاجوال ولا رسمي، وإذا كان outdoor  ولا في قاعة، فرح كبير ولا فرح كوكتيل

 

2- اتكلم مع عروستك واعرف منها إذا كان فستان الفرح هيكون طويل ولا قصير وواخد شكل فساتين السهرة الكاجوال، لأن بدلة العريس لازم تكون من نفس روح فستان العروسة

3- بدلة العريس بتكمل فستان العروسة مش بتطغى عليها، زي ما العروسة لازم تكون أجمل واحدة في الفرح، العريس لازم يكون أوسم وأشيك واحد في الفرح

4- إذا كان الفرح كبير وبليل هتكون البدلة توكسيدو، لكن إذا كان كاجوال ممكن تلبس بدلة مش سوداء وفي نفس الوقت تقدر تستخدمها بعد كدة في أي لقاءات أو مناسبات تفرض عليك لبس بدلة

5- مش معنى أنك ممكن تخرج برا إطار البدلة السوداء إنك ممكن تلبس بدلة لونها خارج الإطار الكلاسيكي، لا خليك في إطار الألوان الكلاسيكية زي الرمادي، الأزرق الملكي والأبيض

6- الصدرية أو الصديري، في كثيرمن العرسان مش بيدوه الأهمية، وبيتنازلوا عنه، ده في حد ذاته خطأ كبير، لأن الصديري بيداري الحزام وبيدي مظهر شيك جدا