8 علامات هتعرفكم أن جوازكم انتهى.. رقم 7 إنذار

Large

مفيش حد بيتجوز وعنده اعتقاد إنه هينفصل، لكن للأسف إنت ممكن تكون وصلت للمرحلة دي دلوقتي! في مناطق رمادية كتيرة في علاقة المتجوزين في الفترة اللي قبل الانفصال، لدرجة إنك تبقى مش عارف الجوازة دي هتكمل ولا مش هتكمل. أكيد كان فيه خناقات، كنت بتتحمل حاجات مش قادر تتحملها في المرحلة دي.. إنك تاخد قرار الانفصال أصعب كتير من إنك تاخد قرار البعد. في كتير من المتجوزين بيحاولوا ينقذوا جوازهم من الدمار، لكن لو العلامات دي موجودة في علاقتكم للأسف لازم تعرف إن الجوازة دي انتهت ومفيش حاجة ممكن تصلحها، ووصلت لمرحلة الإنفصال:

خطط المستبقل مفيهاش غيرك

لو بتفكر فى نفسك بس وخططك فى المستقبل ما فيهاش شريك حياتكم! دي علامة كبيرة على أنكم مش هتكملوا فى العلاقة. أهم حاجه فى الجواز هو ارتباطكم ببعض فى كل حاجه، وطول ما في طرف بيفكر في نفسه بس يبقى مينفعش تستمروا، ودى أكتر علامات هتعرفوا منها إن الجواز قرب ينتهي.

مفيش تواصل

مفيش تواصل، مفيش كلام بينكم، ولو حصل بتتجادلوا كتير، قلة التواصل بينكم هتبعدكم وهتبطلوا تفهموا وجهات نظر بعض، لإن مش هتبقوا عارفين إيه الطرف التاني بيفكر في إيه وحاسس بإيه. 

مش مهتمين

ببساطة مش مهتمين تحلوا مشاكلكم أو تنقذوا جوازكم، مهما زادت الخلافات والمشاكل بينكم، ولو معندكوش النيه أو الدافع إنكم تصلحو علاقتكم، فهى مش هتتصلح من نفسها.

الطرف التاني مزعج

لو وصلت حالتكم لدرجة إن البصة لشريك حياتكم أو سماع صوته أو حتى التفكير فيه بيضايقكم، فمفيش مجال هنا أنكم تصلحوا العلاقة، لإن بصرف النظر عن الى هيعمله ليك أو لجوازكم حلو أو وحش مش هتقبلو ومش هتحسوا بيه.

بتخبو عن بعض 

سواء كانت خيانة أو حتى كدبه بيضا، لو بتخبوا أو عندكم أسرار بعيد عن شريك حياتكم، وهيبدأ الكدب والأسرار يظهروا، فده هيكون كأنكم بتحطوا الملح على جرح، لو مش قادرين تكونوا مخلصين أو صادقين مع بعض، فالأحسن إنكم تنهوا علاقتكم.

إقرا أكتر: خمس مراحل للانفصال هتعيشوها.. إزاي تلاقوا السعادة تاني!

مش على طبيعتكم

ناس كتير بينسوا نفسهم ويتوهوا عنها فى الجواز والطلاق، لو بدأتوا تحسوا إنكم مش على طبيعتكم، فده الوقت الى لازم تعيدوا فيه النظر فى علاقتكم، مفيش حاجه تستاهل انكم تعافروا فى علاقة مش سليمة ومكسورة هتخسروا فيها نفسكم وشخصيتكم طول الطريق.

الاحترام راح

الاحترام أهم من الحب، ومش لازم يضيع في الجواز، ولو مبقتوش قادرين تحترموا شريك حياتكم والكلام بينكم بقى كله إهانات، فلازم دى تكون الإشارة الى تخليكم تنهوا بعدها العلاقة دى، عشان عدم الاحترام هيبوظ علاقتكم ويسممها ويخلى فيه دايما معاملة وحشة.

لو جبتو سيرة الطلاق

أخيرا، لو جات سيرة الطلاق فى أى مناقشة أو خناقة بينكم، ممكن يكون ده الوقت الى تاخدوا فيه قرار، أحيانًا بيكون الأحسن إنكم تركزوا فى العلامات من بدرى ومتسيبوش علاقتكم تبوظ للدرجة إلى مش ممكن تتصلح بعدها، ولو انتو الاتنين فضلتوا تفكروا فى الطلاق، فده أكيد ليه سبب.

مفيش حد بيتجوز وعنده اعتقاد إنه هينفصل، لكن للأسف إنت ممكن تكون وصلت للمرحلة دي دلوقتي! في مناطق رمادية كتيرة في علاقة المتجوزين في الفترة اللي قبل الانفصال، لدرجة إنك تبقى مش عارف الجوازة دي هتكمل ولا مش هتكمل. أكيد كان فيه خناقات، كنت بتتحمل حاجات مش قادر تتحملها في المرحلة دي.. إنك تاخد قرار الانفصال أصعب كتير من إنك تاخد قرار البعد. في كتير من المتجوزين بيحاولوا ينقذوا جوازهم من الدمار، لكن لو العلامات دي موجودة في علاقتكم للأسف لازم تعرف إن الجوازة دي انتهت ومفيش حاجة ممكن تصلحها، ووصلت لمرحلة الإنفصال:

خطط المستبقل مفيهاش غيرك

لو بتفكر فى نفسك بس وخططك فى المستقبل ما فيهاش شريك حياتكم! دي علامة كبيرة على أنكم مش هتكملوا فى العلاقة. أهم حاجه فى الجواز هو ارتباطكم ببعض فى كل حاجه، وطول ما في طرف بيفكر في نفسه بس يبقى مينفعش تستمروا، ودى أكتر علامات هتعرفوا منها إن الجواز قرب ينتهي.

مفيش تواصل

مفيش تواصل، مفيش كلام بينكم، ولو حصل بتتجادلوا كتير، قلة التواصل بينكم هتبعدكم وهتبطلوا تفهموا وجهات نظر بعض، لإن مش هتبقوا عارفين إيه الطرف التاني بيفكر في إيه وحاسس بإيه. 

مش مهتمين

ببساطة مش مهتمين تحلوا مشاكلكم أو تنقذوا جوازكم، مهما زادت الخلافات والمشاكل بينكم، ولو معندكوش النيه أو الدافع إنكم تصلحو علاقتكم، فهى مش هتتصلح من نفسها.