7 نصائح قبل ما تشتري جزمة الفرح لازم تعرفيهم

Large

وقت اختيار وشراء فستان الفرح، دايما في بالك عاوزة تكوني أجمل من أي يوم، وبتختاري بعناية شديدة كل حاجة، سواء خبير المكياج أو الكوافير وطبعا الفستان، ومن أهم الحاجات هو اختيار جزمة الفرح، لكن قبل ما تشتري في 7 نصائح لازم تعرفيهم لاختيار الجزمة المناسبة للفرح.

1- الراحة والحركة هي سر اختيار جزمة الفرح: 

أول حاجة بنركز عليها وقت اختيار جزمة الفرح الموديل، وعلى قد ما موديل وستايل الجزمة مهم، لكن الراحة وانتي لابساها مهمة برضه، لإنك مش هتعرفي تتحركي وإنتي حاسة بألم في رجلك، أول حاجة تركزي عليها بعد اختيار الموديل الكعب، لازم يكون طول الكعب مناسب للحركة بالنسبة لك، فكل ما الكعب كان عالي كل ما شعورك بالألم هيكون أقوى. ممكن تختاري الكعب العريض وبرضه ما يكونش عالي. وإنتي بتجربي الجزمة روحي وتعالي بيها كذا مرة، لو ما حستيش بالراحة يبقى مش مناسبة.

2- تجربة جزمة الفرح:

حطي في بالك إن يوم الفرح هيكون أطول يوم تلبسي فيه جزمة جديدة بكعب عالي، ده غير إن الحركة في الفرح هتكون كثيرة، وفي وقفة الزفة والرقص وغيره، وبالتالي لازم تجربي الجزمة، ومش معنى إنك اشترتيها يبقى خلاص. طالما ممكن ترجعيها أو تبديلها يبقى جربيها في البيت، وطبعا اتمشي بيها على أرض نظيفة أو على السجاد، علشان لو قررتي ترجعيها تبقى لسة جديدة.

يفضل تلبسيها ساعة كاملة، وتوقفي بيها فترة طويلة، لو لقيتي نفسك مش قادرة تكملي الساعة، يبقى مش دي الجزمة المثالية للفرح. 

3- اختيار اللون المناسب مع الفستان:

حتى لو شايفة إن الفستان طويل وممكن الحذاء ما يظهرش، لازم تحطي في بالك أن في أي لحظة ممكن يظهر بطريقة أو بأخرى، حتى لو في لحظة خاطفة، وبالتالي لازم يكون اللون ماشي ومناسب مع الفستان. 

بالنسبة للون الجزمة، ده بيعتمد على شخصية العروسة وشكل الفستان والفرح، لو إنتي عروسة بتحب التقاليد بدون شك هتروحي لللون الأابيض، الشامبين والأوف وايت أو اللون العاجي، لكن إذا كنتي مش تقليدية للدرجة، ممكن تروحي لألوان زي الذهبي، الفضي أو الروز الفاتح.

 أفضل طريقة لاختيار لون جزمة الفرح إن يكون معاكي قطعة من قماش الفستان، خصوصا لو الفستان مش أبيض صريح.

شوفي أكتر: إزاي تختاري بوكيه الفرح

4- إطلقي شخصيتك: 

في حالة إنك قررتي تلبسي نوعين من الأحذية في الفرح، مفيش مشكلة طبعا، لكن بعد الجزء الأول في الحفل والمراسم الأساسية، زي الزفة تقطيع التورتة وتبديل الدبل، في الحالة دي إطلقي شخصيك الحقيقية، وإلبسي حذاء تاني أكتر عملية، حتى لو كان حذاء رياضي، علشان ترقصي براحتك طول الفرح من غير ما تشعري بأي تعب.

5- الحذاء المناسب للمكان المناسب: 

مهم جدا إن اختيار جزمة الفرح يكون مناسب لمكان الفرح. مش هينفع تعملي فرحك على البحر وتلبسي جزمة بكعب عالي فريع، في الحالة دي اختيار جزمة بكعب عريض أو كعب قطعة واحدة الـ "wedges shoe" أفضل اختيار. لكن في حالة إذا كان فرحك في قاعة أو فيلا المهم إن الأرض مستوية ومفيهاش مشاكل يبقى البسي اللي إنتي عاوزاه.

6- استخدام الحذاء مرة تاني: 

على عكس فستان الفرح اللي مش هيتلبس غير مرة واحدة بس، الحذاء ممكن تلبسيه أكثر من مرة، وهتستفيده منه على مدار كذا سنة، علشان كدة حطي في بالك وإنتي بتشتري إنك ممكن تستخدميه تاني سواء لحضور أفراح تانية أو سهرات، فاختاري لون ممكن يمشي مع فساتينك.

7- الخطة التانية: 

دايما حطي خطة تانية أو خطة بديلة، وخاصة في موضوع الجزمة. الخطة التانية لازم يكون معاكي جزمة فرح تانية احتياطي، في حالة تعرضتي لأي موقف غير محسوب، زي مثلا الكعب اتكسر، يكون معاكي واحد تاني تلبسيه، علشان ما تلاقيش نفسك في موقف محرج.

 

وقت اختيار وشراء فستان الفرح، دايما في بالك عاوزة تكوني أجمل من أي يوم، وبتختاري بعناية شديدة كل حاجة، سواء خبير المكياج  أو الكوافير وطبعا الفستان، ومن أهم الحاجات هو اختيار جزمة الفرح، لكن قبل ما تشتري في 7 نصائح لازم تعرفيهم لاختيار الجزمة المناسبة للفرح.

1- الراحة والحركة هي سر اختيار جزمة الفرح: 

أول حاجة بنركز عليها وقت اختيار جزمة الفرح الموديل، وعلى قد ما موديل وستايل الجزمة مهم، لكن الراحة وانتي لابساها مهمة برضه، لإنك مش هتعرفي تتحركي وإنتي حاسة بألم في رجلك، أول حاجة تركزي عليها بعد اختيار الموديل الكعب، لازم يكون طول الكعب مناسب للحركة بالنسبة لك، فكل ما الكعب كان عالي كل ما شعورك بالألم هيكون أقوى. ممكن تختاري الكعب العريض وبرضه ما يكونش عالي. وإنتي بتجربي الجزمة روحي وتعالي بيها كذا مرة، لو ما حستيش بالراحة يبقى مش مناسبة.

2- تجربة جزمة الفرح:

حطي في بالك إن يوم الفرح هيكون أطول يوم تلبسي فيه جزمة جديدة بكعب عالي، ده غير إن الحركة في الفرح هتكون كثيرة، وفي وقفة الزفة والرقص وغيره، وبالتالي لازم تجربي الجزمة، ومش معنى إنك اشترتيها يبقى خلاص. طالما ممكن ترجعيها أو تبديلها يبقى جربيها في البيت، وطبعا اتمشي بيها على أرض نظيفة أو على السجاد، علشان لو قررتي ترجعيها تبقى لسة جديدة.

يفضل تلبسيها ساعة كاملة، وتوقفي بيها فترة طويلة، لو لقيتي نفسك مش قادرة تكملي الساعة، يبقى مش دي الجزمة المثالية للفرح. 

3- اختيار اللون المناسب مع الفستان:

حتى لو شايفة إن الفستان طويل وممكن الحذاء ما يظهرش، لازم تحطي في بالك أن في أي لحظة ممكن يظهر بطريقة أو بأخرى، حتى لو في لحظة خاطفة، وبالتالي لازم يكون اللون ماشي ومناسب مع الفستان. 

بالنسبة للون الجزمة، ده بيعتمد على شخصية العروسة وشكل الفستان والفرح، لو إنتي عروسة بتحب التقاليد بدون شك هتروحي لللون الأابيض، الشامبين والأوف وايت أو اللون العاجي، لكن إذا كنتي مش تقليدية للدرجة، ممكن تروحي لألوان زي الذهبي، الفضي أو الروز الفاتح.

 أفضل طريقة لاختيار لون جزمة الفرح إن يكون معاكي قطعة من قماش الفستان، خصوصا لو الفستان مش أبيض صريح.

شوفي أكتر: إزاي تختاري بوكيه الفرح

4- إطلقي شخصيتك: 

في حالة إنك قررتي تلبسي نوعين من الأحذية في الفرح، مفيش مشكلة طبعا، لكن بعد الجزء الأول في الحفل والمراسم الأساسية، زي الزفة تقطيع التورتة وتبديل الدبل، في الحالة دي إطلقي شخصيك الحقيقية، وإلبسي حذاء تاني أكتر عملية، حتى لو كان حذاء رياضي، علشان ترقصي براحتك طول الفرح من غير ما تشعري بأي تعب.

5- الحذاء المناسب للمكان المناسب: 

مهم جدا إن اختيار جزمة الفرح يكون مناسب لمكان الفرح. مش هينفع تعملي فرحك على البحر وتلبسي جزمة بكعب عالي فريع، في الحالة دي اختيار جزمة بكعب عريض أو كعب قطعة واحدة الـ "wedges shoe" أفضل اختيار. لكن في حالة إذا كان فرحك في قاعة أو فيلا المهم إن الأرض مستوية ومفيهاش مشاكل يبقى البسي اللي إنتي عاوزاه.

6- استخدام الحذاء مرة تاني: 

على عكس فستان الفرح اللي مش هيتلبس غير مرة واحدة بس، الحذاء ممكن تلبسيه أكثر من مرة، وهتستفيده منه على مدار كذا سنة، علشان كدة حطي في بالك وإنتي بتشتري إنك ممكن تستخدميه تاني سواء لحضور أفراح تانية أو سهرات، فاختاري لون ممكن يمشي مع فساتينك.

7- الخطة التانية: 

دايما حطي خطة تانية أو خطة بديلة، وخاصة في موضوع الجزمة. الخطة التانية لازم يكون معاكي جزمة فرح تانية احتياطي، في حالة تعرضتي لأي موقف غير محسوب، زي مثلا الكعب اتكسر، يكون معاكي واحد تاني تلبسيه، علشان ما تلاقيش نفسك في موقف محرج.