7 حاجات لازم تتأكد منها قبل ما تختار مصور الفرح

Large

الاتفاق ميبقاش اتفاق من غير كلام ومناقشات، علشان كل حاجة تبقى واضحة للطرفين وبعدها يكتبوا العقد. قبل ما تتفق مع أي مصور للفرح، عندك ٧ حاجات تتأكد منها وتسأل عنها وأنت بتختار مصور فرحك. 

1-  ميزانيتك والتكلفة: 

حاول تشوف أكتر من عرض للأسعار، وقارن بينهم كويس. قارن بين حقوقك واللي هيقدمهولك كل شخص والوقت اللي هيسلم فيه الشغل وكل التفاصيل. ولو لسه مش عارف تحدد، خلينا نقولك إن التكلفة المعقولة للتصوير هي من 10 لـ 15% من ميزانية الفرح كلها. وافتكر دايما إن في الموضوع ده، ممكن تخاطر علشان الفلوس وتختار مصور الفرح مش مشهور أو لسه بيبدأ لتقليل التكاليف، بس اتأكد من نوعية شغله وإنه مصور محترف قبل أي حاجة. 

2- الخطة البديلة إيه؟

لازم تكون متأكد إن مصور الفرح ده عنده حلول وخطة بديلة في حالة أي طوارئ تحصل. ده معناه إنه يكون مجهز معاه مساعد أو مصور تاني يقدر يساعده ويكون بيعمل أكتر من نسخة للصور أونلاين أو غيره في حالة إن الكارت أو الهارد حصلهم حاجة.

3- إيه اللي بيقدمهولك العرض؟

بناء على ميزانيتك، هتختار أحسن عرض ليك، لكن متتفقش قبل ما تعرف كل حاجة بيقدمهالك العرض ده. بنفكرك تسأل عن حقوقك وعن الزيادات اللي ممكن تطلبها ضمن المبلغ ده، زي مثلا جلسة تصوير قبل الفرح أو تصوير للعروسة وقت الميك آب وغيره، لأن لو مسألتش عن حقوقك محدش هيقولك عليها.

4- التقييمات والتواجد أونلاين:

رأي الناس في شغل وتصوير الشخص اللي اخترته هو ده المهم. واتأكد مرتين إنه بيرد وصفحته شغالة وإنك تقدر توصله بسهولة.

شوفي أكتر: قبل الفرح بأسبوع: إزاي تختار الترابيزات للمعازيم وتنسى خناقات الأفراح؟

تقييم احد عملاء المصوير: دانيال صليب

5- مرحلة ما بعد الفرح:

دي المرحلة اللي بيحصل فيها 80% من المشاكل وعشان كده إسأل كويس إيه اللي بيحصل بعد تصوير الفرح. إيه نوعية التعديلات اللي هتتعمل لصورك؟ كام عدد الصور اللي أنت تتوقعه؟ وهيكونوا جاهزين إمتى؟، هل حد هيوصلهملك؟، ممكن حد غير العريس والعروسة يستلم الصور؟، هتكون الجودة شكلها إيه وهل ينفع تتكبر وتتطبع ولا لأ؟، هتستلم الصور أونلاين ولا بشكل تاني؟، هل المصور هيستخدم صور فرحك على صفحته الشخصية أو موقعه؟ كل دي نقط مهمة جدا لازم تناقشها مع المصور قبل ما تقرر وتتفق.

 

6- أنت مرتاح كفاية؟

مفيش نقاش إنك لازم تكون مرتاح في التعامل مع مصور فرحك 100% ولو مكنتش مرتاح، إهرب فورا. لو محبتش شخصية المصور وإزاي بيتعامل، مش هتعجبك أبدا صورتك في عينيه. ولأنك هتحتاج تحكيله عن قصتكم وحياتكم قبل ما يبدأ تصوير، فلازم يكون مستمع كويس جدا.

7- كل حاجة واضحة؟

اتأكد مرتين إن اللي أنت فاهمه ومتوقعه هو اللي هيقدمهولك مصور الفرح قبل ما تتفق. متتوقعش إنه فاهم قصدك من غير ما تسأل، اتأكد أكتر من مرة إن كل حاجة واضحة.

 

الاتفاق ميبقاش اتفاق من غير كلام ومناقشات، علشان كل حاجة تبقى واضحة للطرفين وبعدها يكتبوا العقد. قبل ما تتفق مع أي مصور للفرح، عندك ٧ حاجات تتأكد منها وتسأل عنها وأنت بتختار مصور فرحك. 

1-  ميزانيتك والتكلفة: 

حاول تشوف أكتر من عرض للأسعار، وقارن بينهم كويس. قارن بين حقوقك واللي هيقدمهولك كل شخص والوقت اللي هيسلم فيه الشغل وكل التفاصيل. ولو لسه مش عارف تحدد، خلينا نقولك إن التكلفة المعقولة للتصوير هي من 10 لـ 15% من ميزانية الفرح كلها. وافتكر دايما إن في الموضوع ده، ممكن تخاطر علشان الفلوس وتختار مصور الفرح مش مشهور أو لسه بيبدأ لتقليل التكاليف، بس اتأكد من نوعية شغله وإنه مصور محترف قبل أي حاجة. 

2- الخطة البديلة إيه؟

لازم تكون متأكد إن مصور الفرح ده عنده حلول وخطة بديلة في حالة أي طوارئ تحصل. ده معناه إنه يكون مجهز معاه مساعد أو مصور تاني يقدر يساعده ويكون بيعمل أكتر من نسخة للصور أونلاين أو غيره في حالة إن الكارت أو الهارد حصلهم حاجة.

3- إيه اللي بيقدمهولك العرض؟

بناء على ميزانيتك، هتختار أحسن عرض ليك، لكن متتفقش قبل ما تعرف كل حاجة بيقدمهالك العرض ده. بنفكرك تسأل عن حقوقك وعن الزيادات اللي ممكن تطلبها ضمن المبلغ ده، زي مثلا جلسة تصوير قبل الفرح أو تصوير للعروسة وقت الميك آب وغيره، لأن لو مسألتش عن حقوقك محدش هيقولك عليها.

4- التقييمات والتواجد أونلاين:

رأي الناس في شغل وتصوير الشخص اللي اخترته هو ده المهم. واتأكد مرتين إنه بيرد وصفحته شغالة وإنك تقدر توصله بسهولة.

شوفي أكتر: قبل الفرح بأسبوع: إزاي تختار الترابيزات للمعازيم وتنسى خناقات الأفراح؟