7حاجات ضيوف الفرح مش بيهتموا بيها رقم 5 هتصدمك

Large

حقيقة مش ممكن نختلف عليها، إن تحضيرات الفرح وتفاصيله أمر مرهق جدا، بخلاف الاختيارات والقرارات اللي بتسبب ضغوط على العروسين، ما بين معازيم الفرح، الميزانة، المكان، الورود، الديكور، البوفيه، والفستان وخلافه.

ورغم اهتمام العرسان بكل التفاصيل الكبيرة والصغيرة، لكن الحقيقة الصادمة إن في بعض الحاجات اللي بيديها العرسان اهتمام كبير بتكون أقل أهمية بكثير بالنسبة للمعازيم، فبدل من تضييع الوقت والفلوس في أمور بتكون بالنسبة للمعازيم أقل درجة في الاهتمام، وجهوا كل طاقتكم للحاجات اللي لازم تهتموا بيها أكثر.

هنعرفكم إيه هي الحاجات اللي معازيم الفرح مش بيهتموا بيها: 

1- الدعوات: 

الحقيقة المُرة، إن دعوات الفرح الورقية مش بيكون لها أي قيمة بالنسبة للمعازيم، مهما كان شكلها جميل وقيمة ومصنوعة من أفضل أنواع الورق وتكلفتها عالية، هتكون أقل قيمة بالنسبة للمعازيم، الحل إنكم تقسموا الدعوات على جزئين، جزء للصحاب والأقارب الشباب ودول تدعوهم من خلال موقع فرحكم الخاص بيكم، واللي تقدروا تعملوه بخطوتين اتنين بس من هنا، أما الجزء الثاني هيكون للشخصيات المهمة اللي هتكون في الفرح والأقارب الكبار، وبرضه ممكن تصمموا دعوة خاصة بيكم لما تعملوا أكونت من هنا وتطبعوها على الورق اللي تختاروا من أي مكان، وبكدة هتوفروا كثير.

2- برنامج الفرح: 

على الرغم من وجود المطربين في إحياء الأفراح بيكون له طابع خاص، لكن في حالة إن العروسين قرروا إنهم يستغنوا عن المطرب والاكتفاء بالـDJ محدش من المعازيم هيفرق معاه. يعني لو مجبتوش عمرو دياب محدش هيقول حاجة، الفكرة في الفرحة مش في برنامج الفرح.

تصوير ريمون الماركيز

3- الـGuest Book:

رغم إن الـGuest Book له أهمية كبيرة عند العرسان، حتى إن شكل وطريقة الـGuest Book اتطورت واتغيرت من كونه دفتر بيتكتب فيه الامنيات والتهاني من معازيم الفرح، إلى شجرة بيتعلق فيها أوراق مكتوب عليها التهاني وغيرها من الكلمات الرقيقة من قبل المعازيم، وغيرها من الأشكال الكثيرة المكلفة، إلا أن عدم وجود الـGuest Book في الفرح، مش هيفرق بالنسبة للمعازيم، خاصة وإننا في عصر التكنولوجيا.

الحل، إما أن يكون الـGuest Book بشكله التقليدي العادي أو تصميم مجسم مش متكلف بالصورة. وما تنسوش إن نشر صورة فرحك على السوشيال ميديا هيجي عليها الكثير من المباركات والتهاني والأمنيات.

4- الورود: 

بالرغم من إن الورود من أكثر الأمور المهمة في ديكور الفرح، والعروسة بتهتم به جدا، لكن الإسراف فيها واختيار أنواع غالية ونادرة مش هيفرق بالنسبة للمعازيم، خاصة أن مش هيكون من أولوياتهم يعرفوا الورود منين أو بكام.

شوفي أكتر: قبل الفرح بشهرين دعوات الفرح: الأسئلة المهمة والإجابات اللي من الآخر

5- الفستان:

هي دي الصدمة، بالرغم من إن العروسة بتدي اهتمام زيادة للفستان، واختياره من خلال مصمم مشهور، لكن في الحقيقة مش هي دي النقطة الرئيسية بالنسبة للمعازيم. النقطة الرئيسية إن الفستان يكون شيك ولايق عليكي، الحقيقة هنا مش إنتي لابسة إيه بقدر إنتي لابسة إزاي، وطلتك شكلها إزاي.

أهم حاجة اختيار فستان مناسب ليكي بعيد عن الإسراف الزائد في التطريز، ومش لازم يكون من عند مصمم شهير، لأنك ممكن تلبسي فستان فرح من عند مصمم أزياء مش مشهور لكنه أكثر واحد قدر يفهم جسمك واختار معاكي تصميم مناسب ليكي.

6- الرقصة الأولى: 

بالرغم من إن الرقصة الأولى تقليد أساسي في الأفراح، لكن ما تتصدموش لو عرفتوا إنها لا تمثل شيء مهم بالنسبة للمعازيم، خاصة إن في اللحظة دي غالبية الضيوف بيسلموا على بعض، يعني لو ما حصلتش محدش هياخد باله. أكثر واحد بيستفيد من الرقصة الأولى هو مصور الفرح، لأنه بيقدر يلتقط شوية صور مميزة ورومانسية.

7- رمي البوكيه:

أصبح تقليد رمي بوكيه الورد من العروسة لصديقاتها قديم بعض الشيء في السنوات الأخيرة، وهو اللي خلى كثير من العرايس تتخطي الفكرة دي، لكن رمي البوكيه من عدمه متوقف على رؤيتك إنتي، ولو قررتي ما تعملهوش محدش هيسأل ليه.

 

حقيقة مش ممكن نختلف عليها، إن تحضيرات الفرح وتفاصيله أمر مرهق جدا، بخلاف الاختيارات والقرارات اللي بتسبب ضغوط على العروسين، ما بين معازيم الفرح، الميزانة، المكان، الورود، الديكور، البوفيه، والفستان وخلافه.

ورغم اهتمام العرسان بكل التفاصيل الكبيرة والصغيرة، لكن الحقيقة الصادمة إن في بعض الحاجات اللي بيديها العرسان اهتمام كبير بتكون أقل أهمية بكثير بالنسبة للمعازيم، فبدل من تضييع الوقت والفلوس في أمور بتكون بالنسبة للمعازيم أقل درجة في الاهتمام، وجهوا كل طاقتكم للحاجات اللي لازم تهتموا بيها أكثر.

هنعرفكم إيه هي الحاجات اللي معازيم الفرح مش بيهتموا بيها: 

1- الدعوات: 

الحقيقة المُرة، إن دعوات الفرح الورقية مش بيكون لها أي قيمة بالنسبة للمعازيم، مهما كان شكلها جميل وقيمة ومصنوعة من أفضل أنواع الورق وتكلفتها عالية، هتكون أقل قيمة بالنسبة للمعازيم، الحل إنكم تقسموا الدعوات على جزئين، جزء للصحاب والأقارب الشباب ودول تدعوهم من خلال موقع فرحكم الخاص بيكم، واللي تقدروا تعملوه بخطوتين اتنين بس من هنا، أما الجزء الثاني هيكون للشخصيات المهمة اللي هتكون في الفرح والأقارب الكبار، وبرضه ممكن تصمموا دعوة خاصة بيكم لما تعملوا أكونت من هنا وتطبعوها على الورق اللي تختاروا من أي مكان، وبكدة هتوفروا كثير.

2- برنامج الفرح: 

على الرغم من وجود المطربين في إحياء الأفراح بيكون له طابع خاص، لكن في حالة إن العروسين قرروا إنهم يستغنوا عن المطرب والاكتفاء بالـDJ محدش من المعازيم هيفرق معاه. يعني لو مجبتوش عمرو دياب محدش هيقول حاجة، الفكرة في الفرحة مش في برنامج الفرح.

تصوير ريمون الماركيز

3- الـGuest Book:

رغم إن الـGuest Book له أهمية كبيرة عند العرسان، حتى إن شكل وطريقة الـGuest Book اتطورت واتغيرت من كونه دفتر بيتكتب فيه الامنيات والتهاني من معازيم الفرح، إلى شجرة بيتعلق فيها أوراق مكتوب عليها التهاني وغيرها من الكلمات الرقيقة من قبل المعازيم، وغيرها من الأشكال الكثيرة المكلفة، إلا أن عدم وجود الـGuest Book في الفرح، مش هيفرق بالنسبة للمعازيم، خاصة وإننا في عصر التكنولوجيا.

الحل، إما أن يكون الـGuest Book بشكله التقليدي العادي أو تصميم مجسم مش متكلف بالصورة. وما تنسوش إن نشر صورة فرحك على السوشيال ميديا هيجي عليها الكثير من المباركات والتهاني والأمنيات.

4- الورود: 

بالرغم من إن الورود من أكثر الأمور المهمة في ديكور الفرح، والعروسة بتهتم به جدا، لكن الإسراف فيها واختيار أنواع غالية ونادرة مش هيفرق بالنسبة للمعازيم، خاصة أن مش هيكون من أولوياتهم يعرفوا الورود منين أو بكام.

شوفي أكتر: قبل الفرح بشهرين دعوات الفرح: الأسئلة المهمة والإجابات اللي من الآخر

5- الفستان:

هي دي الصدمة، بالرغم من إن العروسة بتدي اهتمام زيادة للفستان، واختياره من خلال مصمم مشهور، لكن في الحقيقة مش هي دي النقطة الرئيسية بالنسبة للمعازيم. النقطة الرئيسية إن الفستان يكون شيك ولايق عليكي، الحقيقة هنا مش إنتي لابسة إيه بقدر إنتي لابسة إزاي، وطلتك شكلها إزاي.

أهم حاجة اختيار فستان مناسب ليكي بعيد عن الإسراف الزائد في التطريز، ومش لازم يكون من عند مصمم شهير، لأنك ممكن تلبسي فستان فرح من عند مصمم أزياء مش مشهور لكنه أكثر واحد قدر يفهم جسمك واختار معاكي تصميم مناسب ليكي.

6- الرقصة الأولى: 

بالرغم من إن الرقصة الأولى تقليد أساسي في الأفراح، لكن ما تتصدموش لو عرفتوا إنها لا تمثل شيء مهم بالنسبة للمعازيم، خاصة إن في اللحظة دي غالبية الضيوف بيسلموا على بعض، يعني لو ما حصلتش محدش هياخد باله. أكثر واحد بيستفيد من الرقصة الأولى هو مصور الفرح، لأنه بيقدر يلتقط شوية صور مميزة ورومانسية.