6 نصائح للعريس قبل الزواج تخليه يتغلب على القلق

Large

الكل بيعتقد أن العروسة بس هي اللي بتمر بحالة كبيرة من القلق والتوتر قبل الزواج، لكن اللي كثير من الناس اللي ما جربوش الجواز ميعرفهوش، إن نفس حالة القلق دي بيمر بيها العريس كمان، ورغم إنه مش عيب أبدا التعبير عن المشاعر وحالة القلق، لكن الرجل عموما مش بيقدر يعبر عن المشاعر اللي بيحس بيها زي المرأة.

هنا هنساعدك تطلع وتعبر عن مشاعرك بشكل مش هتحس إنه ممكن يقلل منك، بنعرض 6 نصائح للعريس علشان يتغلب على القلق قبل الفرح:

1- الاستعداد ليوم الفرح 

لازم تعد نفسك نفسيا ليوم الفرح، أكيد فكرة إن كل الناس متابعاك وبصالك ممكن تصيبك بالقلق وتخليه يتمكن منك كمان لو ما عرفتش تسيطر عليه، وتدخل في حالة من العصبية اللي إنت نفسك مش عارف سببها. أفضل حاجة علشان تخرج من حالة القلق والارتباك إنك مثلا تعمل بروفة للرقصة الأولى اللي هتقدمها مع عروستك، ويكون معاكوا أصحابكم علشان تعيشوا جو الفرح.

2- شارك قلقك مع والدك أو أخوك الكبير أو صديق متجوز: 

العروسة ممكن تشارك والدتها أو أختها الكبيرة بمشاعر القلق اللي بتحس بيها، عكس الرجل مش من السهل أنه يشارك قلقه مع حد، خاصة إنها بتكون حالة ذهنية بتنعكس في صورة تصرفات مش مفهومة، زي العصبية أو العزلة. بس في اليوم ده لازم يا عريس تتكلم مع والدك واخوك، لأنهم الوحيدين اللي يقدروا يساعدوك في تخطي حالة القلق دي، ولو شايف إن ده عبء، اختار صديق قريب منك يكون متجوز وخاض التجربة دي واتكلم معاه.

في الوقت نفسه لازم تبعد عن الأشخاص السلبيين، لأنهم ممكن يزودوا حالة القلق والارتباك، حاوط نفسك الفترة دي بالناس اللي بتحبهم، واللي بتحس معاهم بالطاقة الإيجابية.

3- شارك في ترتيبات الفرح:

طول ما عقلك فاضي هتفضل تفكر كثير وده هيزود حالة القلق والتوتر اللي قبل الفرح عندك، لكن لما تشغل نفسك مش هتلحق تفكر في حاجة. أفضل طريقة علشان تعمل مسافة كبيرة بينك وبين التفكير السلبي إنك تشارك في ترتيبات الفرح وتفاصيله هتلاقي نفسك مشغول جدا، ومش هيكون عندك الوقت اللي يخليك تفكر في حاجة، وفي الوقت نفسه عروستك هتحس إنك بتشاركها تفاصيل فرحتكم.

شوفي أكتر: 7 خطوات هتساعد كل عروسة وعريس على نوم هادي ليلة الفرح

4- اتكلم مع عروستك: 

جه الوقت اللي تبدأ تتكلم فيه مع عروستك وتشاركها مخاوفك وقلقك، ما تنساش إن إنتوا الاثنين في نفس الموقف، ومن حقها تعرف كل اللي بتفكر فيه لمستقبلكم. فرحكم أهم يوم في حياتكم وبداية فصل جديد في حياة كل واحد فيكم، خليك صادق مشاعرك وكلامك معاها، كلها ساعات هتكون شريكة حياتك رسميا.

5- الرياضة والتأمل: 

الرياضة والتأمل أفضل الوسائل اللي تخرجك من القلق والارتباك. حاول الفترة دي تواظب على ممارسة الرياضة، ولو مش مشترك في الجيم ممكن تمشي ساعة في اليوم تهدي أعصابك فيها. أما التأمل هو أسلوب علمي هيساعدك إنك تتعامل مع حالة العصبية والقلق، التأمل بيساعد على استعادة التوازن النفسي لما تحس إنك مش عارف تتغلب على نفسك في بعض الأوقات.

6- إمتى تعمل حفلة توديع العزوبية؟: 

إوعى تعمل حفلة توديع العزوبية قبل الفرح بيوم واحد، الأفضل أنها تكون قبل بيومين، أو قبل كدة كمان بس برضه يكون خلال أسبوع الفرح. اليوم اللي قبل الفرح لازم يكون أجازة من كل حاجة، لأنها الليلة الأصعب، الهروب من القلق والتوتر اللي قبل الفرح ممكن يكون بسماع موسيقى هادية، والبس ملابس فضفاضة قطنية.

أكيد مفيش أجمل من لمة الصحاب، وممكن يكون التخلي عن الاستقلالية والحرية موضوع مش حلو ومزعج لبعض الرجالة، لكن لازم تبقى متأكد إن الحياة الزوجية لها سحرها الخاص، وفيها استقلالية من نوع تاني.

الكل بيعتقد أن العروسة بس هي اللي بتمر بحالة كبيرة من القلق والتوتر قبل الزواج، لكن اللي كثير من الناس اللي ما جربوش الجواز ميعرفهوش، إن نفس حالة القلق دي بيمر بيها العريس كمان، ورغم إنه مش عيب أبدا التعبير عن المشاعر وحالة القلق، لكن الرجل عموما مش بيقدر يعبر عن المشاعر اللي بيحس بيها زي المرأة.

هنا هنساعدك تطلع وتعبر عن مشاعرك بشكل مش هتحس إنه ممكن يقلل منك، بنعرض 6 نصائح للعريس علشان يتغلب على القلق قبل الفرح:

1- الاستعداد ليوم الفرح 

لازم تعد نفسك نفسيا ليوم الفرح، أكيد فكرة إن كل الناس متابعاك وبصالك ممكن تصيبك بالقلق وتخليه يتمكن منك كمان لو ما عرفتش تسيطر عليه، وتدخل في حالة من العصبية اللي إنت نفسك مش عارف سببها. أفضل حاجة علشان تخرج من حالة القلق والارتباك إنك مثلا تعمل بروفة للرقصة الأولى اللي هتقدمها مع عروستك، ويكون معاكوا أصحابكم علشان تعيشوا جو الفرح.

2- شارك قلقك مع والدك أو أخوك الكبير أو صديق متجوز: 

العروسة ممكن تشارك والدتها أو أختها الكبيرة بمشاعر القلق اللي بتحس بيها، عكس الرجل مش من السهل أنه يشارك قلقه مع حد، خاصة إنها بتكون حالة ذهنية بتنعكس في صورة تصرفات مش مفهومة، زي العصبية أو العزلة. بس في اليوم ده لازم يا عريس تتكلم مع والدك واخوك، لأنهم الوحيدين اللي يقدروا يساعدوك في تخطي حالة القلق دي، ولو شايف إن ده عبء، اختار صديق قريب منك يكون متجوز وخاض التجربة دي واتكلم معاه.

في الوقت نفسه لازم تبعد عن الأشخاص السلبيين، لأنهم ممكن يزودوا حالة القلق والارتباك، حاوط نفسك الفترة دي بالناس اللي بتحبهم، واللي بتحس معاهم بالطاقة الإيجابية.

3- شارك في ترتيبات الفرح:

طول ما عقلك فاضي هتفضل تفكر كثير وده هيزود حالة القلق والتوتر اللي قبل الفرح عندك، لكن لما تشغل نفسك مش هتلحق تفكر في حاجة. أفضل طريقة علشان تعمل مسافة كبيرة بينك وبين التفكير السلبي إنك تشارك في ترتيبات الفرح وتفاصيله هتلاقي نفسك مشغول جدا، ومش هيكون عندك الوقت اللي يخليك تفكر في حاجة، وفي الوقت نفسه عروستك هتحس إنك بتشاركها تفاصيل فرحتكم.

شوفي أكتر: 7 خطوات هتساعد كل عروسة وعريس على نوم هادي ليلة الفرح

4- اتكلم مع عروستك: 

جه الوقت اللي تبدأ تتكلم فيه مع عروستك وتشاركها مخاوفك وقلقك، ما تنساش إن إنتوا الاثنين في نفس الموقف، ومن حقها تعرف كل اللي بتفكر فيه لمستقبلكم. فرحكم أهم يوم في حياتكم وبداية فصل جديد في حياة كل واحد فيكم، خليك صادق مشاعرك وكلامك معاها، كلها ساعات هتكون شريكة حياتك رسميا.

5- الرياضة والتأمل: 

الرياضة والتأمل أفضل الوسائل اللي تخرجك من القلق والارتباك. حاول الفترة دي تواظب على ممارسة الرياضة، ولو مش مشترك في الجيم ممكن تمشي ساعة في اليوم تهدي أعصابك فيها. أما التأمل هو أسلوب علمي هيساعدك إنك تتعامل مع حالة العصبية والقلق، التأمل بيساعد على استعادة التوازن النفسي لما تحس إنك مش عارف تتغلب على نفسك في بعض الأوقات.

6- إمتى تعمل حفلة توديع العزوبية؟: 

إوعى تعمل حفلة توديع العزوبية قبل الفرح بيوم واحد، الأفضل أنها تكون قبل بيومين، أو قبل كدة كمان بس برضه يكون خلال أسبوع الفرح. اليوم اللي قبل الفرح لازم يكون أجازة من كل حاجة، لأنها الليلة الأصعب، الهروب من القلق والتوتر اللي قبل الفرح ممكن يكون بسماع موسيقى هادية، والبس ملابس فضفاضة قطنية.

أكيد مفيش أجمل من لمة الصحاب، وممكن يكون التخلي عن الاستقلالية والحرية موضوع مش حلو ومزعج لبعض الرجالة، لكن لازم تبقى متأكد إن الحياة الزوجية لها سحرها الخاص، وفيها استقلالية من نوع تاني.

الترتيب لفرحك أسهل كتير مع Weds360. لأننا عارفين إيه المهم، تقدر تعتمد علينا في كل تفصيلة.

Tools website

موقع الفرح

ده المكان اللي هتحتفظ فيه بكل الأوقات الحلوة وكل صور الفرح للأبد وتتحكم في كل التفاصيل. وهتقدر تختار تصميمه، وتخلي المعازيم يبعتولك عليه الصور والفيديوهات واللحظات المميزة في فرحك. اختار موقع الفرح
Tools budgeter

تكاليف الفرح

لو محدد الرقم اللي هتصرفه في الفرح، هنساعدك هنا تعرف تستغله صح وترتب التكاليف صح. اتحكم في فلوس فرحك
Tools checklist

جدول المهام

حدد الحاجات اللي وراك، اعمل لنفسك جدول بالمهم منها وبأولوياتك في تنظيم الفرح علشان متنساش حاجة. ابدأ من هنا
Tools guestlist

المعازيم

مين اللي جاي الفرح؟ ومين اللي لازم تأكد عليه؟ ومين اعتذر؟ كلها حاجات هتقدر تنظمها، تتحكم فيها وتبعت دعوات فرح مخصصة لكل مجموعة. ابدأ من هنا
Tools vendors

متخصصين الفرح

اعرف أكتر عن متخصصين الأفراح في كل المجالات وشوف شغلهم واختار الأفضل ليك ولفرحك. ابدأ من هنا
Tools registry

هدايا الفرح

جمع كل هدية نفسك فيها، كل محل بتحبه في مكان واحد، وساعد المعازيم يختاروا هدية الجواز من غير مواقف محرجة أو تكرار للهدايا. ابدأ من هنا
× Logo
Weds360
Mobile App
Install now