6 حاجات مش أساسية.. أوعي تنسيهم في فرحك

Large

وسط  تحضيرات الفرح وانشغال العروسة بين التفاصيل الكتيرة ومتابعة تنفيذ الفستان، هيفضل السؤال.. في حاجة نسيتيها؟، دايما الشعور ده هيفضل جواكي، ودايما هتقولي لنفسك في حاجة نسيتها! حابين نطمنك إنك مش لوحدك اللي بتحس الإحساس ده، بس الحقيقة أيوا في حاجات ممكن تنساها أي عروسة، وعلى قد ما هي مش أساسية، على قد ما هي بتعمل فرق كبير جدا لو اتعملت. 

ما تقلقيش هتلاقينا دايما في ضهرك ونسهللك كل أمورك الخاصة بالفرح، النهاردة هنقولك على التفاصيل الصغيرة اللي هتعمل معاكي فرق في الفرح، هنقولك على حاجات مش أساسية بس أوعي تنسيهم ليوم الفرح.

-الملابس الداخلية لفستان الفرح

الاهتمام الأكبر بيكون بفستان الفرح، لكن زي ما بتهتمي بالفستان وتفاصيله لازم تهتمي بالملابس الداخلية اللي هتلبسيهم يوم الفرح، ولازم تكون مناسبة تماما مع الفستان. لازم اختيارها يكون من بدري مش قبل الفرح بأيام، خصوصا حمالة الصدر اللي بتاخد وقت طويل في اختيارها علشان تكون مناسبة.

-اللمسات الخاصة اللي تبرز شخصيتك

 كل بنت ليها لمسة خاصة بيها، وده مش في اختيار الفستان بس.. كمان اللمسة الخاصة دي بتظهر في الفرح، سواء في اللمسات الأخيرة بالديكور أو بالرسايل اللي بتحمل كلمات الشكر للمعازيم على الترابيزات في الفرح وغيرها كثير من الأفكار اللي ممكن تعمليها وتظهر شخصيتك يوم فرحك

-  اختيار اللبس المناسب يوم الفرح الصبح وإنتي بتجهزي نفسك

وانتي رايحة الفندق يوم الفرح الصبح، علشان تبدي تجهزي مكياجك وشعرك، لازم تختاري لبس سهل وإنتي بتقلعيه، وفي الوقت نفسه يكون شيك، مش مهم إذا كان كاجوال أو لا، المهم أن الساعات اللي بتقضيها في المكياج والشعر وسط أصحابك وطبعا هتاخدوا صور كثير للذكرى فلازم تكوني شيك جدا في الوقت ده.

إقرا أكتر: كل حاجة عاوزة تعرفيها عن التان قبل الفرح

-أسلوب وطريقة  تقديم تورتة االفرح

أكيد تورتة الفرح ليها شكل وطريقة خاصة بيها في التقديم في الفرح، بس ده ميمنعش أنك تضيفي لمستك اللي أكيد هتكون مختلفة عن أي حد، ممكن تزيني ترابيزة التورتة من الورود الطبيعية، أو تحفري اسمك واسم عريسك وتاريخ الفرح على سكينة التورتة، وهتكون تذكار جميل لسنوات طويلة

-الهدايا

المعروف والعادي إن العروسة والعريس هما اللي بيتجيلهم الهدايا بمناسبة الجواز، لكن ممكن تكسري القاعدة دي وتقدمي إنتي وعريسك هدية رمزية لوالدتك ووالدك، ووالدة ووالد العريس، تعبروا فيها عن مدى تقديركم وحبكم لهم

-الاهتمام بالأمور الصغيرة يدي انطباع أفضل

اهتمامك بالضيوف وأمورهم الصغيرة، بيدي انطباع إنك شخصية تحب الاهتمام بكل الناس اللي حوليها، وده هيظهر لمساتك النهائية خصوصا إذا كان الفرح مش في فندق، فممكن تحطي في الحمام صندوق صغير فيه أقراص النعناع، دبابيس، إبرة خياطة وبكرة خيط، أو مزيل للبقع، أو سبراي طارد الحشرات وحاجات تانية كتيرة

وسط  تحضيرات الفرح وانشغال العروسة بين التفاصيل الكتيرة ومتابعة تنفيذ الفستان، هيفضل السؤال.. في حاجة نسيتيها؟، دايما الشعور ده هيفضل جواكي، ودايما هتقولي لنفسك في حاجة نسيتها! حابين نطمنك إنك مش لوحدك اللي بتحس الإحساس ده، بس الحقيقة أيوا في حاجات ممكن تنساها أي عروسة، وعلى قد ما هي مش أساسية، على قد ما هي بتعمل فرق كبير جدا لو اتعملت. 

ما تقلقيش هتلاقينا دايما في ضهرك ونسهللك كل أمورك الخاصة بالفرح، النهاردة هنقولك على التفاصيل الصغيرة اللي هتعمل معاكي فرق في الفرح، هنقولك على حاجات مش أساسية بس أوعي تنسيهم ليوم الفرح.

-الملابس الداخلية لفستان الفرح

الاهتمام الأكبر بيكون بفستان الفرح، لكن زي ما بتهتمي بالفستان وتفاصيله لازم تهتمي بالملابس الداخلية اللي هتلبسيهم يوم الفرح، ولازم تكون مناسبة تماما مع الفستان. لازم اختيارها يكون من بدري مش قبل الفرح بأيام، خصوصا حمالة الصدر اللي بتاخد وقت طويل في اختيارها علشان تكون مناسبة.

-اللمسات الخاصة اللي تبرز شخصيتك

 كل بنت ليها لمسة خاصة بيها، وده مش في اختيار الفستان بس.. كمان اللمسة الخاصة دي بتظهر في الفرح، سواء في اللمسات الأخيرة بالديكور أو بالرسايل اللي بتحمل كلمات الشكر للمعازيم على الترابيزات في الفرح وغيرها كثير من الأفكار اللي ممكن تعمليها وتظهر شخصيتك يوم فرحك

-  اختيار اللبس المناسب يوم الفرح الصبح وإنتي بتجهزي نفسك

وانتي رايحة الفندق يوم الفرح الصبح، علشان تبدي تجهزي مكياجك وشعرك، لازم تختاري لبس سهل وإنتي بتقلعيه، وفي الوقت نفسه يكون شيك، مش مهم إذا كان كاجوال أو لا، المهم أن الساعات اللي بتقضيها في المكياج والشعر وسط أصحابك وطبعا هتاخدوا صور كثير للذكرى فلازم تكوني شيك جدا في الوقت ده.

إقرا أكتر: كل حاجة عاوزة تعرفيها عن التان قبل الفرح

-أسلوب وطريقة  تقديم تورتة االفرح