5 علامات واضحة لعلاقة مؤذية.. بتعيش حاجه منهم؟

Large

مفيش علاقة مؤذية بتبدأ من الأول، لإن لو ده حصل هتنهيها من الأول، غالبا بتفضل تفهم المواقف أو تحكم عليها غلط لحد ما توصل للمرحلة دى! بس ياترى تعرف إزاى أنك في علاقة مؤذيه؟ اسأل نفسك شوية أسئلة: الشخص ده بيأثر على ثقتى فى نفسى ومودى واحساسى بقيمتي لنفسي؟ لو حسيت إنه بيستنزفك كل يوم.. ببساطة  لازم تعيد النظر في علاقتك. ولو شوفت العلامات الى هنقولهالك، يبقى إنت أكيد في علاقة مؤذيه.

1. مزاجك وحش طول الوقت

لو انت في علاقة مؤذية، هتكون دايما مش مبسوط. وهتأثر بشكل سلبي على مودك وكل حاجه في يومك! هتحس أنك تعبان على طول وحزين وفاضي من جواك.

2. التحكم

السيطرة مش معناها الحب! لو مش قادر تاخد قراراتك بنفسك، حتى لو كان قرار هتروح فين أو هتلبس إيه، يبقي انت فى علاقة مؤذية جدا. السيطرة طريقة فيها خداع، لإن غالبا بتشوف التحكمات دى على أنها حماية ليك.

إقرا أكتر: خمس مراحل للانفصال هتعيشوها.. إزاي تلاقوا السعادة تاني!

3. مفيش احترام

ده خط أحمر مفيهوش أي تفاوض في أي علاقة، لأن الاحترام هو الأساس للعلاقة الصحية، ولو علاقتك مفيهاش احترام، هتحس بالإهانه والذل دايما وإن ملكش قيمة. ده هيسبب ضرر مينفعش يتصلح أبدا.

4. مفيش أمانة

زى الاحترام بالظبط، الصدق والاخلاص، ممكن يخلو العلاقة تنجح أو تفشل! لو شريكك بيكدب عليك أو بيخدعك، هيخليك مع الوقت تتجنن وتفقد أعصابك، ومينفعش تفضل فى دوامة التفكير فى كل الكدب الى بتسمعه من شريك مش صادق وأمين عليك،. لو مفيش تواصل بينكم بكل صراحة وصدق، يبقى انت معندكش حاجة تحافظ وتبقى عليها؟

5. الغيرة

الغيرة كمان أحيانا بتتفهم غلط، بتتفهم على أنها حب، لكن الشريك الغيور بزياده هيتحكم فيك ويلعب بمشاعرك ويستغلك باسم الغيرة، وهيكون كمان مشاعره سلبية وموده وحش دايما ويبقى قنبلة موقوتة هتنفجر فيك في أي وقت، وده هيخليك قلقان وحذر فى كل تصرفاتك كأنك ماشي على قشر بيض عشان تتجنب الانفجار.

كل دي علامات إنك بتعيش في علاقة مؤذية لازم تتخلص منها قبل ما تخلص عليك.

مفيش علاقة مؤذية بتبدأ من الأول، لإن لو ده حصل هتنهيها من الأول، غالبا بتفضل تفهم المواقف أو تحكم عليها غلط لحد ما توصل للمرحلة دى! بس ياترى تعرف إزاى أنك في علاقة مؤذيه؟ اسأل نفسك شوية أسئلة: الشخص ده بيأثر على ثقتى فى نفسى ومودى واحساسى بقيمتي لنفسي؟ لو حسيت إنه بيستنزفك كل يوم.. ببساطة  لازم تعيد النظر في علاقتك. ولو شوفت العلامات الى هنقولهالك، يبقى إنت أكيد في علاقة مؤذيه.

1. مزاجك وحش طول الوقت

لو انت في علاقة مؤذية، هتكون دايما مش مبسوط. وهتأثر بشكل سلبي على مودك وكل حاجه في يومك! هتحس أنك تعبان على طول وحزين وفاضي من جواك.

2. التحكم

السيطرة مش معناها الحب! لو مش قادر تاخد قراراتك بنفسك، حتى لو كان قرار هتروح فين أو هتلبس إيه، يبقي انت فى علاقة مؤذية جدا. السيطرة طريقة فيها خداع، لإن غالبا بتشوف التحكمات دى على أنها حماية ليك.

إقرا أكتر: خمس مراحل للانفصال هتعيشوها.. إزاي تلاقوا السعادة تاني!

3. مفيش احترام

ده خط أحمر مفيهوش أي تفاوض في أي علاقة، لأن الاحترام هو الأساس للعلاقة الصحية، ولو علاقتك مفيهاش احترام، هتحس بالإهانه والذل دايما وإن ملكش قيمة. ده هيسبب ضرر مينفعش يتصلح أبدا.

4. مفيش أمانة

زى الاحترام بالظبط، الصدق والاخلاص، ممكن يخلو العلاقة تنجح أو تفشل! لو شريكك بيكدب عليك أو بيخدعك، هيخليك مع الوقت تتجنن وتفقد أعصابك، ومينفعش تفضل فى دوامة التفكير فى كل الكدب الى بتسمعه من شريك مش صادق وأمين عليك،. لو مفيش تواصل بينكم بكل صراحة وصدق، يبقى انت معندكش حاجة تحافظ وتبقى عليها؟

5. الغيرة

الغيرة كمان أحيانا بتتفهم غلط، بتتفهم على أنها حب، لكن الشريك الغيور بزياده هيتحكم فيك ويلعب بمشاعرك ويستغلك باسم الغيرة، وهيكون كمان مشاعره سلبية وموده وحش دايما ويبقى قنبلة موقوتة هتنفجر فيك في أي وقت، وده هيخليك قلقان وحذر فى كل تصرفاتك كأنك ماشي على قشر بيض عشان تتجنب الانفجار.

كل دي علامات إنك بتعيش في علاقة مؤذية لازم تتخلص منها قبل ما تخلص عليك.