5 أشكال للجواز.. عزمي وأشجان ولا أمينة وسي السيد

إعرفوا إنتوا أي شكل من الـ 5

Large

أي علاقة بتستمر على مدى طويل بتحتاج مجهود مستمر، علشان تكبر وتتطور بشكل إيجابي وصحي، أبسط الحاجات اللي ممكن نعملها وتقصر المشوار إننا نفهم نوع وشكل علاقتنا، وعلى أساسه هنقدر نكيف نفسنا عليها ونتعامل بأفضل شكل يناسبنا ويناسب العلاقة، زي ما تقولوا كده هنعمل حاجة زي تقييم للعلاقة، وعلشان نعمل التقييم ده محتاجين نعرف شكل الجواز وديناميكية العلاقة بتاعتنا عاملة ازاي. 

هنناقش في المقالة دي 5 أشكال للجواز، واللي بيمثلوا معظم الجوازات، مفيش جوازة أو علاقة زي التانية وده لأن كل واحدة بيبقى ليها خصائص معينة مش موجودة في علاقات تانية، لكن برضه فيه خصائص ظاهرية اتحدد على أساسهم 5 أشكال للجواز. 

Photo by: Chronicle Studios

الرومانسيين: 

الحب ولع في الدرة ومفيش مخلوق في الدنيا يقدر يدخل بينكم! الرومانسيين بيعملوا كل حاجة مع بعض إلا الحاجات اللي بيتضطروا يعملوها لوحدهم، الجزء الإيجابي لشكل العلاقة دي إن الرومانسية موجودة على طول ودي حاجة كتير من المتجوزين بينسوها تماما ومع الوقت بتختفي نهائيا.

المشكلة بقى لما الارتباط والحب دول بيزيدوا أوي لدرجة إنكم تفقدوا فرديتكم وإعتمادكم على نفسكم، وده بيخلي الجوازة راكدة في مكانها مش بتكبر، لو إنتوا الإتنين ما عندكمش اهتمامات فردية مش هتلاقوا حاجة تتكلموا فيها، وقتها الملل هيتسرسب واحدة واحدة في حياتكم، ده غير علاقتكم بأهلكم وأصحابكم هتتأثر بشكل سلبي لأنكم في الأغلب مركزين مع بعض بزيادة، وعلى الجانب التاني ناسيين كل الناس اللي حواليكم.

الحل، لازم تدوا بعض مساحة، مش لازم كل تفصيلة تعملوها سوا، مبدئيا إعملوا حاجة بتحبوها لوحدكم على الأقل مرة في الأسبوع، إرجعوا تواصلوا مع أصدقائكم تاني وأخرجوا خروجات مختلفة مع ناس مختلفة، كمان ممكن تقضوا وقت لطيف مع أهلكم أكتر.

 

المستقليين: 

الإتنين منغمسين بشكل مبالغ فيه كل واحد في حياته المنفصلة، سواء الشغل، الأصحاب، أو الإهتمامات الشخصية، لدرجة إن مفيش وقت بيفضل علشان يتشاركوه مع بعض، مش شرط تكونوا بتواجهوا مشاكل كبيرة في علاقتكم، لكن أوقات موضوع الإستقلال بالنفس ده بيوسع أوي لحد ما بيبقى شكلكم زي الأصحاب، لأن محدش فيكم مستني أو متوقع أي حاجة من التاني. 

علاقتكم في العموم سهلة، كل واحد فيكم في الأساس قوي، واثق من نفسه، متقدم في شغله، نظام ما قدرش أعيش من غيرك ده مش موجود على عكس الرومانسيين، ببساطة أنتوا مش معتمدين على بعض علشان تبقوا سعداء ومستقرين، لإن دي حاجات أساسية بالنسبة لكم، وبتوفروها لنفسكم بشكل طبيعي، كونكم أشخاص سوية ومهتمة بفرديتها ده شيء مهم جدا في الجواز والعلاقات.

الأزمة لو مش شايفيين غير نفسكم في العلاقة، وبتنسوا روح الفريق والمشاركة، والتعامل مع بعض بشكل عملي بزيادة بيخاطر بعلاقتكم، وبالتالي العلاقة بتفقد حميميتها وتطورها، أوقات هتحسوا أنكم في علاقة لوحدكم ومش مع حد بتشاركو حياتكم معاه.

لازم تلاقوا الوقت والقدرة إنكم تقضوا وقت مع بعض كفاية، علشان يفضل فيه رابط قوي بينكم، ما تستنوش لحد ما يوم تصحوا من النوم وتلاقوا إن كل واحد فيكم له حياته اللي ملهاش أي علاقة بالتاني. إخرجوا مع بعض مرة كل الأسبوع، ممكن تتفقوا تعملوا حاجة مختلفة كل خروجة، ممكن تسهروا تتفرجوا على فيلم رومانسي سوا، التوازن في العلاقة مهم، بمعنى إن يبقى لكم إستقلاليتكم، وفي نفس الوقت تحافظوا على تواصلكم ببعض.

  

التقليديين:

الإتنين دول طبيعة جوازتهم تقليدية جدا كنهم لسة طالعين من فيلم ستيناتي بالظبط، في الأغلب الزوجة بتقرر تسيب شغلها وتبقى ست بيت خصوصا بعد الخلفة، الهدف الأساسي  بالنسبة لها بيكون الإهتمام بجوزها وتربية أولادها، والراجل في الحالة دي طبعا بيكون عليه المصاريف كلها، الأدوار في شكل الجوازة دي بتكون واضحة وده بيخلي التعامل سهل بينهم في معظم الأوقات، لإن المتوقع من الإتنين متفق عليه وبيحصل. 

المشاكل ممكن تحصل لو الزوجة حست أنها طرف ضعيف في العلاقة وملهاش أي سلطة أو سيطرة على بيتها أو على حياتها، ساعتها هتفقد ثقتها بنفسها، وهتبدأ تحس إن حياتها بلا هدف، مع الوقت هتمل وهتتعب من الوضع ده، في نفس الوقت الزوج هيلاقي نفسه بيقوم بدور الأب مش الزوج في معظم الأوقات. 

لو الزوجة حاسة إنها محتاجة مساحة وإستقلالية عن بيتها وجوزها شوية لازم تدور على شغل أو تبتدي تمارس أنشطة مختلفة وجديدة تكون حباها، لازم تركز في إنها تنمي قدراتها ومواهبها الفردية وتهتم بالوقت اللي هتقضيه لنفسها بعيد عن حياتها الزوجية.

المتزنين: 

وسطيين في كل حاجة، بيقدروا يتواصلوا ويتفاهموا في معظم الأوقات، وبالتالي خناقتهم بيكون في معدلها الطبيعي، اللي هو ولا على كل كبيرة وصغيرة ولا هو مفيش خالص، المتزنين متأثرين بالتغيرات الإجتماعية والجنذرية اللي حصلت في مجتمعنا في السنين اللي فاتت، علاقتهم بتكون مبنية على صداقة، مساواه، تفاهم متبادل، وحميمية، عارفين أهمية التوازن ما بين حياتهم الشخصية وإستقلاليتهم وما بين علاقتهم الزوجية، بيقدروا يدوا بعض مساحة فردية وفي نفس الوقت بيتصرفوا ويتعاملوا كفريق واحد.

الحياة بينهم أكيد مش كلها بمبي!، علاقتهم ممكن تقلب لعلاقة صحاب مش إتنين متجوزين لو الموضوع بقى كاجوال بزيادة، ساعات المتزنين بيعتقدوا إن تفادي الخناق أحسن حل يوصلوا به لجوازة بدون مشاكل وده طبعا غير واقعي. 

خلوا بالكم من إن علاقتكم تفقد شغفها وتلاقوا نفسكم مجرد أصحاب بعد فترة، مش معنى إن الإعتماد على النفس والمساحات الشخصية حاجة مهمة جدا في أي علاقة سوية، إن كل واحد يعمل اللي على مزاجه في أي وقت هو عايزه، لازم تفكروا في الشركة اللي ما بينكم في كل خطوة حتى في الحاجات اللي تخصكم لوحدكم، وما تخافوش تعبروا لبعض عن مشاعركم حتى لو هتختلفوا، إفتكروا إن الهروب من المواجهة بيراكم مشاعر سلبية كتير جوانا مع الوقت.

 

الدراميين: 

العلاقة معظم الوقت بتكون عبار عن خناقات، مين عمل ومين سوى أو مسواش، بدل ما يبقى فيه مناقشات جدية وسوية لحل المشاكل، الإتنين دول بيبقوا دراميين وحساسيين جدا وهما بيتخانقوا، الحياة بينهم بتبقى عاملة زي المرجيحة يوم تحت ويوم فوق، يوم يتخانقوا خناقة لرب السما، واليوم التاني كأنهم لسة في أول يوم في شهر العسل.

سقف الشغف عالي عندهم وده بيبقى سلاح ذو حدين، الجزء الكويس إنهم بيعبروا عن مشاعرهم بصراحة وشغوفين جدا إتجاه بعض، ودول حاجتين مهمين لنجاح أي علاقة زوجية، لكن المشكلة بقى إن مشاعرهم بتسيطر على أفعالهم جدا، وده بيخليهم يتخانقوا على طول خناقات وحشة لحد ما الحياة بينهم بتبقى عبارة عن مسلسل درامي هندي.

بدل الخناق اللي عمال على بطال ده، حاولوا تتمالكوا أعصابكم في المواقف الحياتية البسيطة، وإعرفوا إمتى تكون دي حاجة تستدعى للخناق وإمتى لا، لازم تكسروا الدايرة المفرغة بتاعة الخناق المستمر ده قبل ما يبقى الخناق واخد حياتكم ومجهودكم كله، قبل أي خناقة اقفوا وفكروا كويس لو كانت الحاجة دي مستاهلة تزعلوا من بعض عليها ولا لأ،  الخناق المستمر بيبني حيطة بينكم مع الوقت، إكسرواها قبل ما تبقى سد.

المقالة مستوحاه من كتاب “The Newly Wed’s Instruction Manual” 

أي علاقة بتستمر على مدى طويل بتحتاج مجهود مستمر، علشان تكبر وتتطور بشكل إيجابي وصحي، أبسط الحاجات اللي ممكن نعملها وتقصر المشوار إننا نفهم نوع وشكل علاقتنا، وعلى أساسه هنقدر نكيف نفسنا عليها ونتعامل بأفضل شكل يناسبنا ويناسب العلاقة، زي ما تقولوا كده هنعمل حاجة زي تقييم للعلاقة، وعلشان نعمل التقييم ده محتاجين نعرف شكل الجواز وديناميكية العلاقة بتاعتنا عاملة ازاي. 

هنناقش في المقالة دي 5 أشكال للجواز، واللي بيمثلوا معظم الجوازات، مفيش جوازة أو علاقة زي التانية وده لأن كل واحدة بيبقى ليها خصائص معينة مش موجودة في علاقات تانية، لكن برضه فيه خصائص ظاهرية اتحدد على أساسهم 5 أشكال للجواز. 

Photo by: Chronicle Studios

الرومانسيين: 

الحب ولع في الدرة ومفيش مخلوق في الدنيا يقدر يدخل بينكم! الرومانسيين بيعملوا كل حاجة مع بعض إلا الحاجات اللي بيتضطروا يعملوها لوحدهم، الجزء الإيجابي لشكل العلاقة دي إن الرومانسية موجودة على طول ودي حاجة كتير من المتجوزين بينسوها تماما ومع الوقت بتختفي نهائيا.

المشكلة بقى لما الارتباط والحب دول بيزيدوا أوي لدرجة إنكم تفقدوا فرديتكم وإعتمادكم على نفسكم، وده بيخلي الجوازة راكدة في مكانها مش بتكبر، لو إنتوا الإتنين ما عندكمش اهتمامات فردية مش هتلاقوا حاجة تتكلموا فيها، وقتها الملل هيتسرسب واحدة واحدة في حياتكم، ده غير علاقتكم بأهلكم وأصحابكم هتتأثر بشكل سلبي لأنكم في الأغلب مركزين مع بعض بزيادة، وعلى الجانب التاني ناسيين كل الناس اللي حواليكم.

الحل، لازم تدوا بعض مساحة، مش لازم كل تفصيلة تعملوها سوا، مبدئيا إعملوا حاجة بتحبوها لوحدكم على الأقل مرة في الأسبوع، إرجعوا تواصلوا مع أصدقائكم تاني وأخرجوا خروجات مختلفة مع ناس مختلفة، كمان ممكن تقضوا وقت لطيف مع أهلكم أكتر.

 

المستقليين: 

الإتنين منغمسين بشكل مبالغ فيه كل واحد في حياته المنفصلة، سواء الشغل، الأصحاب، أو الإهتمامات الشخصية، لدرجة إن مفيش وقت بيفضل علشان يتشاركوه مع بعض، مش شرط تكونوا بتواجهوا مشاكل كبيرة في علاقتكم، لكن أوقات موضوع الإستقلال بالنفس ده بيوسع أوي لحد ما بيبقى شكلكم زي الأصحاب، لأن محدش فيكم مستني أو متوقع أي حاجة من التاني. 

علاقتكم في العموم سهلة، كل واحد فيكم في الأساس قوي، واثق من نفسه، متقدم في شغله، نظام ما قدرش أعيش من غيرك ده مش موجود على عكس الرومانسيين، ببساطة أنتوا مش معتمدين على بعض علشان تبقوا سعداء ومستقرين، لإن دي حاجات أساسية بالنسبة لكم، وبتوفروها لنفسكم بشكل طبيعي، كونكم أشخاص سوية ومهتمة بفرديتها ده شيء مهم جدا في الجواز والعلاقات.

الأزمة لو مش شايفيين غير نفسكم في العلاقة، وبتنسوا روح الفريق والمشاركة، والتعامل مع بعض بشكل عملي بزيادة بيخاطر بعلاقتكم، وبالتالي العلاقة بتفقد حميميتها وتطورها، أوقات هتحسوا أنكم في علاقة لوحدكم ومش مع حد بتشاركو حياتكم معاه.

لازم تلاقوا الوقت والقدرة إنكم تقضوا وقت مع بعض كفاية، علشان يفضل فيه رابط قوي بينكم، ما تستنوش لحد ما يوم تصحوا من النوم وتلاقوا إن كل واحد فيكم له حياته اللي ملهاش أي علاقة بالتاني. إخرجوا مع بعض مرة كل الأسبوع، ممكن تتفقوا تعملوا حاجة مختلفة كل خروجة، ممكن تسهروا تتفرجوا على فيلم رومانسي سوا، التوازن في العلاقة مهم، بمعنى إن يبقى لكم إستقلاليتكم، وفي نفس الوقت تحافظوا على تواصلكم ببعض.

  

التقليديين:

الإتنين دول طبيعة جوازتهم تقليدية جدا كنهم لسة طالعين من فيلم ستيناتي بالظبط، في الأغلب الزوجة بتقرر تسيب شغلها وتبقى ست بيت خصوصا بعد الخلفة، الهدف الأساسي  بالنسبة لها بيكون الإهتمام بجوزها وتربية أولادها، والراجل في الحالة دي طبعا بيكون عليه المصاريف كلها، الأدوار في شكل الجوازة دي بتكون واضحة وده بيخلي التعامل سهل بينهم في معظم الأوقات، لإن المتوقع من الإتنين متفق عليه وبيحصل. 

المشاكل ممكن تحصل لو الزوجة حست أنها طرف ضعيف في العلاقة وملهاش أي سلطة أو سيطرة على بيتها أو على حياتها، ساعتها هتفقد ثقتها بنفسها، وهتبدأ تحس إن حياتها بلا هدف، مع الوقت هتمل وهتتعب من الوضع ده، في نفس الوقت الزوج هيلاقي نفسه بيقوم بدور الأب مش الزوج في معظم الأوقات. 

لو الزوجة حاسة إنها محتاجة مساحة وإستقلالية عن بيتها وجوزها شوية لازم تدور على شغل أو تبتدي تمارس أنشطة مختلفة وجديدة تكون حباها، لازم تركز في إنها تنمي قدراتها ومواهبها الفردية وتهتم بالوقت اللي هتقضيه لنفسها بعيد عن حياتها الزوجية.

المتزنين: 

وسطيين في كل حاجة، بيقدروا يتواصلوا ويتفاهموا في معظم الأوقات، وبالتالي خناقتهم بيكون في معدلها الطبيعي، اللي هو ولا على كل كبيرة وصغيرة ولا هو مفيش خالص، المتزنين متأثرين بالتغيرات الإجتماعية والجنذرية اللي حصلت في مجتمعنا في السنين اللي فاتت، علاقتهم بتكون مبنية على صداقة، مساواه، تفاهم متبادل، وحميمية، عارفين أهمية التوازن ما بين حياتهم الشخصية وإستقلاليتهم وما بين علاقتهم الزوجية، بيقدروا يدوا بعض مساحة فردية وفي نفس الوقت بيتصرفوا ويتعاملوا كفريق واحد.

الحياة بينهم أكيد مش كلها بمبي!، علاقتهم ممكن تقلب لعلاقة صحاب مش إتنين متجوزين لو الموضوع بقى كاجوال بزيادة، ساعات المتزنين بيعتقدوا إن تفادي الخناق أحسن حل يوصلوا به لجوازة بدون مشاكل وده طبعا غير واقعي. 

خلوا بالكم من إن علاقتكم تفقد شغفها وتلاقوا نفسكم مجرد أصحاب بعد فترة، مش معنى إن الإعتماد على النفس والمساحات الشخصية حاجة مهمة جدا في أي علاقة سوية، إن كل واحد يعمل اللي على مزاجه في أي وقت هو عايزه، لازم تفكروا في الشركة اللي ما بينكم في كل خطوة حتى في الحاجات اللي تخصكم لوحدكم، وما تخافوش تعبروا لبعض عن مشاعركم حتى لو هتختلفوا، إفتكروا إن الهروب من المواجهة بيراكم مشاعر سلبية كتير جوانا مع الوقت.

 

الدراميين: 

العلاقة معظم الوقت بتكون عبار عن خناقات، مين عمل ومين سوى أو مسواش، بدل ما يبقى فيه مناقشات جدية وسوية لحل المشاكل، الإتنين دول بيبقوا دراميين وحساسيين جدا وهما بيتخانقوا، الحياة بينهم بتبقى عاملة زي المرجيحة يوم تحت ويوم فوق، يوم يتخانقوا خناقة لرب السما، واليوم التاني كأنهم لسة في أول يوم في شهر العسل.

سقف الشغف عالي عندهم وده بيبقى سلاح ذو حدين، الجزء الكويس إنهم بيعبروا عن مشاعرهم بصراحة وشغوفين جدا إتجاه بعض، ودول حاجتين مهمين لنجاح أي علاقة زوجية، لكن المشكلة بقى إن مشاعرهم بتسيطر على أفعالهم جدا، وده بيخليهم يتخانقوا على طول خناقات وحشة لحد ما الحياة بينهم بتبقى عبارة عن مسلسل درامي هندي.

بدل الخناق اللي عمال على بطال ده، حاولوا تتمالكوا أعصابكم في المواقف الحياتية البسيطة، وإعرفوا إمتى تكون دي حاجة تستدعى للخناق وإمتى لا، لازم تكسروا الدايرة المفرغة بتاعة الخناق المستمر ده قبل ما يبقى الخناق واخد حياتكم ومجهودكم كله، قبل أي خناقة اقفوا وفكروا كويس لو كانت الحاجة دي مستاهلة تزعلوا من بعض عليها ولا لأ،  الخناق المستمر بيبني حيطة بينكم مع الوقت، إكسرواها قبل ما تبقى سد.

المقالة مستوحاه من كتاب “The Newly Wed’s Instruction Manual” 

الترتيب لفرحك أسهل كتير مع Weds360. لأننا عارفين إيه المهم، تقدر تعتمد علينا في كل تفصيلة.

Tools website

موقع الفرح

ده المكان اللي هتحتفظ فيه بكل الأوقات الحلوة وكل صور الفرح للأبد وتتحكم في كل التفاصيل. وهتقدر تختار تصميمه، وتخلي المعازيم يبعتولك عليه الصور والفيديوهات واللحظات المميزة في فرحك. اختار موقع الفرح
Tools budgeter

تكاليف الفرح

لو محدد الرقم اللي هتصرفه في الفرح، هنساعدك هنا تعرف تستغله صح وترتب التكاليف صح. اتحكم في فلوس فرحك
Tools checklist

جدول المهام

حدد الحاجات اللي وراك، اعمل لنفسك جدول بالمهم منها وبأولوياتك في تنظيم الفرح علشان متنساش حاجة. ابدأ من هنا
Tools guestlist

المعازيم

مين اللي جاي الفرح؟ ومين اللي لازم تأكد عليه؟ ومين اعتذر؟ كلها حاجات هتقدر تنظمها، تتحكم فيها وتبعت دعوات فرح مخصصة لكل مجموعة. ابدأ من هنا
Tools vendors

متخصصين الفرح

اعرف أكتر عن متخصصين الأفراح في كل المجالات وشوف شغلهم واختار الأفضل ليك ولفرحك. ابدأ من هنا
Tools registry

هدايا الفرح

جمع كل هدية نفسك فيها، كل محل بتحبه في مكان واحد، وساعد المعازيم يختاروا هدية الجواز من غير مواقف محرجة أو تكرار للهدايا. ابدأ من هنا
× Logo
Weds360
Mobile App
Install now