4 خطوات لاختيار حجاب العروسة يوم الفرح

Large

اختيار حجاب العروسة على فستان الفرح خطوة كل العرايس بيقلقوا منها في الأول. وبيحتاروا في أنواع القماش المختلفة ودرجات الألوان حتى طريقة اللفة الحجاب. بس فى خطوات لو كل عروسة مشيت عليهم هتعرف تختار الحجاب والطرحة الى تناسبها والطريقة الى تلبسها بيها. شوفي الخطوات اللي المفروض تعمليها لو عاوزة تختاري حجاب العروسة الى يليق على وشك وفستانك :

القماش

bridal hijab_حجاب العروسه

Mas Couture

اختيار قماش الحجاب هو أهم خطوة، عشان لازم الحجاب يكون من نفس نوع قماش الفستان أو أقرب حاجة ليه. ومهم كمان تختاري قماش مناسب لاستايلك وللجو. مثلا لو الفرح في الصيف فالأحسن يكون القماش خفيف عشان متحسيش بالحر أو تبقي مش مرتاحة، خصوصا لو كان الفرح أوت دور. ولو كان الجو في هوا جامد لازم قماش الطرحة يكون ثابت عشان ميتفكش منك وتحتاجى تظبطيه كل شوية. فى أنواع كتير من القماش بقي يتعمل منها حجاب العروسة زى الحرير والساتان والقماش المطرز، وأهم حاجه لازم متستخسريش وتشترى قماش كويس.

اللون

Maram Borhan

اختيار لون حجاب العروسة من الخطوات اللي تعتبر صعبة، ومع إن ناس كتير بتفتكر إن اللون الأبيض بيليق كل حاجة وهو أسهل وأأمن، لكن الحقيقة ان لو بشرتك شاحبة، هتلاقي الحجاب الأبيض مش حلو عليكى، بالعكس هيزود الشحوب، عشان كده متتردديش وغيري فى لون الحجاب. مش لازم يكون لون ظاهر بالصورة، بس ممكن تحطى طبقة من الستان الروز جولد بين طبقتين شفافين أو لون الشامبين. وطبعا مفيش حاجة ثابتة فى اختيار  الألوان وأهم حاجه تكون لايقة عليكي وعلى فستان الفرح.

إقرا أكتر: تفرجي على 20 ستايل وطريقة مختلفة تقدري تلبسي بيهم حجابك في الفرح

الاستايل

White by J&N

ده بقي أكبر تحدي قدام أي عروسه محجبة، المفروض تختار الاستايل الى هى متعوده تلبسه كل يوم، ولا تبقي جريئة وتجرب حاجة جديدة ؟ في الحالتين مهم إنك تجربي أكتر من ستايل قبل الفرح عشان تعرفي شكلهم هيكون إيه عليكي. وفيه طرق كتير تعملى بيها الحجاب زي العادي التقليدي، أو الاسبانش، أو التربون، عشان كده لازم تتأكدي من اختيار الاستايل الى يناسبك ويليق على فستانك .

الإكسسوارات

The Headpiece

الإكسسوارات ممكن تخلي حجاب العروسة شكله حلو أو للأسف تبوظه، حسب الطريقة الى هتحطيها بيها. حاولي لما تحطس إكسسوارات انها تضيف لمسة للحجاب مش بس تثبته، سواء كانت هيدبيس بسيطة أو عقد شكله شيك يتلف على الحجاب، وهتلاقي دائما اختيارات كتير تخلى بيها حجابك مميز وجميل يوم الفرح.

اختيار حجاب العروسة على فستان الفرح خطوة كل العرايس بيقلقوا منها في الأول. وبيحتاروا في أنواع القماش المختلفة ودرجات الألوان حتى طريقة اللفة الحجاب. بس فى خطوات لو كل عروسة مشيت عليهم هتعرف تختار الحجاب والطرحة الى تناسبها والطريقة الى تلبسها بيها. شوفي الخطوات اللي المفروض تعمليها لو عاوزة تختاري حجاب العروسة الى يليق على وشك وفستانك :

القماش

bridal hijab_حجاب العروسه

Mas Couture

اختيار قماش الحجاب هو أهم خطوة، عشان لازم الحجاب يكون من نفس نوع قماش الفستان أو أقرب حاجة ليه. ومهم كمان تختاري قماش مناسب لاستايلك وللجو. مثلا لو الفرح في الصيف فالأحسن يكون القماش خفيف عشان متحسيش بالحر أو تبقي مش مرتاحة، خصوصا لو كان الفرح أوت دور. ولو كان الجو في هوا جامد لازم قماش الطرحة يكون ثابت عشان ميتفكش منك وتحتاجى تظبطيه كل شوية. فى أنواع كتير من القماش بقي يتعمل منها حجاب العروسة زى الحرير والساتان والقماش المطرز، وأهم حاجه لازم متستخسريش وتشترى قماش كويس.

اللون