4 تقاليع في الأفراح لازم نخلص منها متفتوش رقم 4

Large

تقاليع الأفراح بتتغير كل شوية أكتر من تغيير الفصول، وكل سنة بتطلع تقليعة جديدة لأماكن الفرح، أو الجزم، أو اللبس،  وبعد موضتهم ما بتخلص مع الوقت بنحس أنها غريبه وبنسأل نفسنا هى كانت حلوه؟ ياترى الناس إزاى حبوها؟ الأفراح زيها زى أى صناعة تانيه لازم تتطور وتتجدد كل شوية، عشان كده قررنا نعمل لسته بتقاليع الأفراح إلى لازم تنتهى قبل سنة 2021، ونتمنى منشوفهاش مرة تانيه فى أى فرح!

أول تقليعه مش عايزين نشوفها تانى فى الأفراح هى الـfloral walls، أكيد كلنا بنحب الورد، وهيفضل دايما موجود فى أى فرح، وبيكون خلفية حلوه للصور السيلفى، لكن ممكن نغير ونعمل حاجه زى "arch" يتحط عليه الورد بشكل حلو، والمعازيم يتصوروا تحته أو جنبه.

إقرا أكتر: حط التتش بتاعك 5 حاجات تعلى بيها مستوى فرحك

التقليعه التانيه نتمنى تنتهى موضتها من تقاليع الأفراح هى الـ barn weddings، ومع إنها بتكون حلوه بإضاءتها الخيالية لكن الأحسن نختار ستايل أجدد من الأفراح الريفية، ويكون فى نفس الوقت جذاب وأنيق وينفع صور "إنستجرام".

الفاير ووركس من أكتر الحاجات التقليدية إلى بنشوفها فى كل الأفراح، لكن استخدامها بيضر البيئة وكمان خطر لو ما اتعملش بالشكل الصح، وممكن نبدلها بالـ "سكاى لانترن"، أو مثلا "مينى فاير ووركس" لكل واحد من المعازيم ويتصوروا بيها ويجربوها، بدل ما يكون وجودها فى الفرح "شو" بس.

إقرا أكتر: خلى فرحك "fairy tale" واستفيد من سحر الشتا

آخر تقليعه محتاجين نبطل نعملها فى الأفراح هى الـphoto-booth، طبعا التصوير هسيبلنا ذكرى جميلة، لكن ممكن نبدلها بحاجه تانيه زى سيلفى ستايشن، أو ركن للتصوير بالكاميرا البولارويد، هتكون تجربة ليها نفس الاحساس لكن بمجهود أأقل.