3 أسابيع قبل الفرح جه الوقت اللي هتمشي فيه من بيت أهلك..لم عزالك في 10 خطوات؟!

أسهل طريقة تنقل فيها لبيت الزوجية الجديد..

Large

فكرة الانتقال لبيت الزوجية بتخض في الأول، خلاص هتمشي من بيت أهلك وتروح تفرش شقتك الجديدة مع شريك أو شريكة حياتك، لو أخدتوا بس لحظة تفكروا فيها هتحسوا قد إيه هي فكرة مجنونة إن الواحد مش بس بيسيب بيت أهله لأول مرة لكن كمان بيبدأ يشارك حياته مع شخص تاني غريب. كلها تغيرات كبيرة بتحصل بشكل مفاجيء لحياتنا ومهما عملنا علشان نبقى جاهزين لها برضه فيه حاجات معينة عمرنا ما هنتخيلها الا وإحنا في الموقف نفسه.

عملية الانتقال عامة بتحتاج تخطيط وتجهيزات كتيرة، بداية من نقل حاجاتك الشخصية لنقل العفش وترتيبه، مش بس الجزء العملي اللي بيبقى متعب لكن كمان الجزء النفسي والذهني بيبقوا صعبين شوية، أهم حاجة تجهزوا خطة معتبرة لنقل كل حاجاتكم الشخصية وكمان جهازك كعروسة بشكل سلس وعملي في أقل من شهر قبل الفرح.

إزاي تلموا عزالكم وتنتقلوا لشقتكم الجديدة؟

1. جمع كل الأدوات:

أول حاجة جيبوا أي أدوات هتحتاجوها للنقل، زي صناديق كرتون بأحجام مختلفة، جرايد قديمة، مقص، كاتر، لزق تايب، قلم ماركر وورق لف مفقفقbubble wrap، برضه هاتوا أي شنط سفر سواء كبيرة أو صغيرة بالذات لنقل الهدوم.

2. إتخلصوا من أي حاجة مش عاوزنها:

الحاجة المفيدة جدا في عملية النقل هي إن ممكن تتخلصوا من كل حاجة مش عاوزينها، معظمنا عنده ممتلكات شخصية كتيرة في الأغلب بننسى أنها موجودة أصلا، النقل بيخلينا بشكل ما نضطر نبص في حاجاتنا كلها وساعتها هترموا كل اللي مش محتاجينه، بما إن كل الناس بتروح تشتري لبس جديد لنفسها قبل الجواز الطبيعي نتخلص من القديم علشان ما نكومش.

3. قسموا الحاجات الشخصية لـ3 مجموعات أساسية:

• اللي ما ينفعش تعيشوا من غيره

• اللي مش مهم للدرجة وممكن تستغنوا عنه

• اللي أكيد مش عاوزينه

أكيد أول مجموعة هتخدوها على بيتكم الجديد من غير كلام، أما المجموعة التانية هتحتاج شوية تفكير تاني لحد بعد الجواز كمان، تالت مجموعة بقى ممكن تتبرعوا بيها لأي جمعية خيرية.

4. صنفوا حاجاتكم لأنواع:

نظموا كل حاجة على حسب تصنيفها، مثلا كتب، جزم، لبس صيفي، لبس شتوي، ملايات، حاجة المطبخ وحاجات تانية أكتر، التصنيف مهم علشان يسهل عليكم عملية التوضيب في الشقة الجديدة.

5. رقموا الكراتين:

بعد التصنيف لازم تكتبوا إيه جوا الشنط والكراتين عليها من برا، وممكن برضه ترقموا الكراتين، ده مش بس بيسهل عليكم الشيل والحط لكن برضه هيساعدكم تعرفوا تنقلوا كل حاجة إمتى بأولوية أهمية إستخدامها، ممكن تستخدموا مسميات زي مفارش، ملايات، فوط أو كتب.

شوفي أكتر: ترتيبات الشقة آخر ٣ أسابيع قبل الفرح

6. إطلبوا مساعدة:

إطلبوا مساعدة من أخواتكم، قرايبكم أو أصحابكم في نقل الحاجة، ما تترددوش إنكم تطلبوا منهم المساعدة في فرش الشقة الجديدة وترتيبها كمان، دي حاجة متوقعة جدا ما تقلقوش.

7. ما تستخدموش كراتين كبيرة أوي:

الأحسن تستخدموا كرتين وشنط متوسطة أو صغيرة علشان تقدروا تشيلوها بسهولة، غير كده ممكن العلب من تقل أو كتر الحاجة اللي فيها تتقطع.

8. لفوا الحاجة اللي ممكن تتكسر:

لازم تلفوا أي حاجة ممكن تتكسر زي الأطباق، البراويز، الفازات والأبوجورات بورق عادي أو بورق جرايد، bubble wrap أو هدوم قديمة علشان تحموها من أي خبطات.

9. جهزوا شنطة المتعلقات الأساسية:

سواء هتطلعوا على بيت الزوجية بعد الفرح على طول ولا هتقضوا الليلة في فندق الفرح، لازم تحضروا شنطة فيها كل حاجة هتستخدموها ليلة الدخلة، ولو هتطلعوا على المطار علشان تسافروا لشهر العسل إعملوا حسابكم تكونوا مجهزين الحاجة اللي هتحتاجوها معاكم هناك والباقي هيكون في بيتكم مسيتنيكم لما ترجعوا. 

10. خططوا على حسب معاد الفرح:

جهزوا قائمة للحاجات اللي محتاجين تعملوها علشان تفرشوا كل حاجة في بيت الزوجية في الميعاد من غير ما تتزنقوا في الآخر، إعملوا جدول زمني وعلموا على أجنداتكم معاد نقل كل حاجة على حسب مدى أهميتها، أكيد هتخدوا الحاجة الأهم الأول وهتخلوا اللي ممكن يستنى لبعدين، مثلا إنقلوا اللبس على حسب الموسم اللي هتتجوزوا فيه، يعني لو الفرح في الصيف خدوا الهدوم الشتوي الأول وسيبوا شوية الهدوم الصيفي لآخر لحظة علشان أكيد هتكونوا لسة بتلبسوها، أما الحاجات اللي بتستخدموها بشكل يومي أكيد هتستني للآخر خالص.

 

فكرة الانتقال لبيت الزوجية بتخض في الأول، خلاص هتمشي من بيت أهلك وتروح تفرش شقتك الجديدة مع شريك أو شريكة حياتك، لو أخدتوا بس لحظة تفكروا فيها هتحسوا قد إيه هي فكرة مجنونة إن الواحد مش بس بيسيب بيت أهله لأول مرة لكن كمان بيبدأ يشارك حياته مع شخص تاني غريب. كلها تغيرات كبيرة بتحصل بشكل مفاجيء لحياتنا ومهما عملنا علشان نبقى جاهزين لها برضه فيه حاجات معينة عمرنا ما هنتخيلها الا وإحنا في الموقف نفسه.

عملية الانتقال عامة بتحتاج تخطيط وتجهيزات كتيرة، بداية من نقل حاجاتك الشخصية لنقل العفش وترتيبه، مش بس الجزء العملي اللي بيبقى متعب لكن كمان الجزء النفسي والذهني بيبقوا صعبين شوية، أهم حاجة تجهزوا خطة معتبرة لنقل كل حاجاتكم الشخصية وكمان جهازك كعروسة بشكل سلس وعملي في أقل من شهر قبل الفرح.

إزاي تلموا عزالكم وتنتقلوا لشقتكم الجديدة؟

1. جمع كل الأدوات:

أول حاجة جيبوا أي أدوات هتحتاجوها للنقل، زي صناديق كرتون بأحجام مختلفة، جرايد قديمة، مقص، كاتر، لزق تايب، قلم ماركر وورق لف مفقفقbubble wrap، برضه هاتوا أي شنط سفر سواء كبيرة أو صغيرة بالذات لنقل الهدوم.

2. إتخلصوا من أي حاجة مش عاوزنها:

الحاجة المفيدة جدا في عملية النقل هي إن ممكن تتخلصوا من كل حاجة مش عاوزينها، معظمنا عنده ممتلكات شخصية كتيرة في الأغلب بننسى أنها موجودة أصلا، النقل بيخلينا بشكل ما نضطر نبص في حاجاتنا كلها وساعتها هترموا كل اللي مش محتاجينه، بما إن كل الناس بتروح تشتري لبس جديد لنفسها قبل الجواز الطبيعي نتخلص من القديم علشان ما نكومش.

3. قسموا الحاجات الشخصية لـ3 مجموعات أساسية:

• اللي ما ينفعش تعيشوا من غيره

• اللي مش مهم للدرجة وممكن تستغنوا عنه

• اللي أكيد مش عاوزينه

أكيد أول مجموعة هتخدوها على بيتكم الجديد من غير كلام، أما المجموعة التانية هتحتاج شوية تفكير تاني لحد بعد الجواز كمان، تالت مجموعة بقى ممكن تتبرعوا بيها لأي جمعية خيرية.

4. صنفوا حاجاتكم لأنواع:

نظموا كل حاجة على حسب تصنيفها، مثلا كتب، جزم، لبس صيفي، لبس شتوي، ملايات، حاجة المطبخ وحاجات تانية أكتر، التصنيف مهم علشان يسهل عليكم عملية التوضيب في الشقة الجديدة.

5. رقموا الكراتين:

بعد التصنيف لازم تكتبوا إيه جوا الشنط والكراتين عليها من برا، وممكن برضه ترقموا الكراتين، ده مش بس بيسهل عليكم الشيل والحط لكن برضه هيساعدكم تعرفوا تنقلوا كل حاجة إمتى بأولوية أهمية إستخدامها، ممكن تستخدموا مسميات زي مفارش، ملايات، فوط أو كتب.

شوفي أكتر: ترتيبات الشقة آخر ٣ أسابيع قبل الفرح