السؤال المعتاد في آخر السنة"هتعمل إيه في رأس السنة؟" والإجابات أكيد مختلفة، فيه اللي بيحب يجرب مغامرة جديدة عمره ما عملها قبل كده، وفيه ناس تحب تحتفل وترقص في حفلات لوش الصبح! وفيه اللي ولا بيفرق معاه هيقضيها فين ولا إزاي ما دام مع الصحبة الحلوة.
في فرح الأسبوع ده مروة وعلي قرروا يعملوا حاجة عمرهم ما عملوها قبل كده في رأس السنة! قرروا يتجوزوا، ودي في حد ذاتها تجربة جديدة للعرسان.
تيمة الفرح كانت رومانسية وااللي مكانتش هتتنفذ بالشكل الخرافي ده إلا في مكان جميل ببساطته وطبيعته زي Plein Air، التنظيم كان مبهر من أول ما العروسة قابلت عريسها في الجنينة ودخلوا مع بعض مكان الحفل في خيمة كبيرة لونها أبيض متزينة بأنوار ونجف أضافوا جدا لسحر المكان.
إقرا أكتر: صور: نور وعلاء إختاروا يعملوا الفرح في نوت لودج
مصور الفرح، إيهاب زكريا، فضل مع العرسان خطوة بخطوة طول اليوم وسجل كل التفاصيل، كأنه بيروي حكاية مش عايزها تخلص! الأول بدأ بتصوير العريس والعروسة وهما بيجهزوا في أوضهم، بعد كده حكلنا عن أول مرة علي شاف فيها عروسته بفستان فرحها في الجنينة وحواليهم إضاءة رومانسية! إيهاب أبدع في تصوير لقطات حقيقية ومعبرة لعلي ومروة في فوتو شووت الرسمي، وبعدها مع العيلة والأصحاب. قبل غروب الشمس والد العروسة أخدها من إيدها وسلمها لعريسها ومن هنا أخدوا أول خطوة مع بعض كزوج وزوجة! الليلة نورت بحب، دفيء، ضحك من القلب، لغاية ما االعرسان ودعوا فيه الكل علشان يبدأوا رحلتهم سوا.
ما ينفعش طبعا ننسى الفاشون في فرح الأسبوع ده! مروة اختارت اللون الأخضر التركوازي لفساتين الـ Bridesmaids واللي كان لايق ومناسب جدا لفرح أوت دور في الشتاء، أما مروة فكان شكلها أجمل من حلم أي بنت بتحلمه من صغرها! الفستان كان تول بقصة برنسيس وأوف شولدر، قماشته مطرزة بدانتيل على أشكال ورود مكان الوسط، الصدر، الديل، واطراف الفستان، اختارت حلق وعقد رقيق مناسب مع فاتحة الصدر الواسعة، لبست هيد بيس رقيقة مع طرحة شبه الطرحة الأسباني، أطرافها من الدانتيل، سابت شعرها الطويل الأسود المموج على كتافها بشكل طبيعي. أما المكياج كان ألوانه ترابية مع أي شادو دهبي، واختارت ألوان ورد البوكيه من اللون الزهري. أما علي فكان اللوك بتاعه شيك ووسيم جدا في بدلته الأنيقة بجاكيت أوف وايت مع ببيونة سودة، الحلاقة الدقيقة للدقن والشعر، ساعة الإيد الدهبي، والجزمة الكلاسيكية.
منظمين الفرح:
المكان: Plein Air
المصور: إيهاب زكريا
السؤال المعتاد في آخر السنة"هتعمل إيه في رأس السنة؟" والإجابات أكيد مختلفة، فيه اللي بيحب يجرب مغامرة جديدة عمره ما عملها قبل كده، وفيه ناس تحب تحتفل وترقص في حفلات لوش الصبح! وفيه اللي ولا بيفرق معاه هيقضيها فين ولا إزاي ما دام مع الصحبة الحلوة.
في فرح الأسبوع ده مروة وعلي قرروا يعملوا حاجة عمرهم ما عملوها قبل كده في رأس السنة! قرروا يتجوزوا، ودي في حد ذاتها تجربة جديدة للعرسان.
تيمة الفرح كانت رومانسية وااللي مكانتش هتتنفذ بالشكل الخرافي ده إلا في مكان جميل ببساطته وطبيعته زي Plein Air، التنظيم كان مبهر من أول ما العروسة قابلت عريسها في الجنينة ودخلوا مع بعض مكان الحفل في خيمة كبيرة لونها أبيض متزينة بأنوار ونجف أضافوا جدا لسحر المكان.
إقرا أكتر: صور: نور وعلاء إختاروا يعملوا الفرح في نوت لودج
مصور الفرح، إيهاب زكريا، فضل مع العرسان خطوة بخطوة طول اليوم وسجل كل التفاصيل، كأنه بيروي حكاية مش عايزها تخلص! الأول بدأ بتصوير العريس والعروسة وهما بيجهزوا في أوضهم، بعد كده حكلنا عن أول مرة علي شاف فيها عروسته بفستان فرحها في الجنينة وحواليهم إضاءة رومانسية! إيهاب أبدع في تصوير لقطات حقيقية ومعبرة لعلي ومروة في فوتو شووت الرسمي، وبعدها مع العيلة والأصحاب. قبل غروب الشمس والد العروسة أخدها من إيدها وسلمها لعريسها ومن هنا أخدوا أول خطوة مع بعض كزوج وزوجة! الليلة نورت بحب، دفيء، ضحك من القلب، لغاية ما االعرسان ودعوا فيه الكل علشان يبدأوا رحلتهم سوا.
ما ينفعش طبعا ننسى الفاشون في فرح الأسبوع ده! مروة اختارت اللون الأخضر التركوازي لفساتين الـ Bridesmaids واللي كان لايق ومناسب جدا لفرح أوت دور في الشتاء، أما مروة فكان شكلها أجمل من حلم أي بنت بتحلمه من صغرها! الفستان كان تول بقصة برنسيس وأوف شولدر، قماشته مطرزة بدانتيل على أشكال ورود مكان الوسط، الصدر، الديل، واطراف الفستان، اختارت حلق وعقد رقيق مناسب مع فاتحة الصدر الواسعة، لبست هيد بيس رقيقة مع طرحة شبه الطرحة الأسباني، أطرافها من الدانتيل، سابت شعرها الطويل الأسود المموج على كتافها بشكل طبيعي. أما المكياج كان ألوانه ترابية مع أي شادو دهبي، واختارت ألوان ورد البوكيه من اللون الزهري. أما علي فكان اللوك بتاعه شيك ووسيم جدا في بدلته الأنيقة بجاكيت أوف وايت مع ببيونة سودة، الحلاقة الدقيقة للدقن والشعر، ساعة الإيد الدهبي، والجزمة الكلاسيكية.
منظمين الفرح:
المكان: Plein Air
المصور: إيهاب زكريا
