13 نصيحة جمالية لكل عروسة قبل الفرح بـ6 شهور

Large

جمال العروسة مش بيظهر يوم الفرح من خلال المكياج والشعر، دول الشكل النهائي، لكن قبلهم في خطوات كتيرة لازم تعمليها، العناية الجمالية، الخطوات دي هي الأساسيات لجمال بشرتك وشعرك وجسمك، والعناية بيهم بيدي النتيجة النهائية اللي بتكوني عليها يوم الفرح.

كل عروسة بتحلم إنها تكون في أبهى وأجمل صورها يوم فرحها، لكن دايما السؤال أبدأ من منين وإمتى وإزاي؟. إحنا هنا علشان جواب على كل الأسئلة دي، ونساعدك تاخدي أول خطوة في خطوات العناية بجمالك.

العناية الجمالية تبدأ قبل الفرح بشهور، وأقل حاجة 6 شهور، لكن إزاي والبداية هتكون منين ده اللي هتعرفيه في 13 نصيحة:

1- الأظافر واليدين:

الأظافر ليها أسلوب وطريقة للاهتمام بيهم، ويمكن الاهتمام بيهم بيكون دايما آخر حاجة، لكن اللي متعرفهوش، إنك لازم تهتمي بأظافرك بشكل جيد جدا وبالإيدين، خاصة إنك هتلاقي كثير مركزين على خاتم يوم الفرح، البداية هتكون مباشرة من بعد الخطوبة، بالتغذية الدائمة لليدين والأظافر، من خلال الماسكات الطبيعية والترطيب.

2- تبييض الأسنان:

الأسنان جزء مهم جدا في العناية الجمالية مش موجود في الحسابات، لكن في يوم مهم زي الفرح، لازم يكون على قائمة عناية جمالك. تبييض الأسنان هيديكي الثقة اللي محتاجها كعروسة، يفضل تعمليه قبل الفرح بـ 6 شهور، ويكون أقرب للون الأسنان الطبيعية، لأن أي حاجة خارجة عن المألوف والطبيعي بتظهر بشكل مبالغ فيه في الصور، وممكن تظهر كأنها أسنان مش طبيعية.

3- الأكل الصحي: 

الأكل صحي وقود جسمك، وبيظهر ويأثر على بشرتك بشكل كبير، لأنه بيدي البشرة رونق ونضارة وصحة، ابعدي عن الوجبات السريعة والجاهزة، لازم يسقطوا من نظامك الغذائي. ركزي على الأكلات الصحية اللي بتتكون من الخضار، الفاكهة والسلطة، وابعدي عن المشروبات الغازية وكل المشروبات اللي فيها كافيين، ما تنسيش تشربي 8 كوبيات مية في اليوم علشان تحافظي على ترطيب جسمك.

4- الرياضة: 

الرياضة لازم تكون جزء من حياتك، سواء كنتي عروسة أو لا، الرياضة بتلعب دور رئيسي في حياتنا، فبعيدا عن إنها بتخلي جسمنا شكله حلو، لكن كمان بتساعد الجسم على التخلص من السموم، وتشد ترهلات الجلد، وتخرج الطاقة السلبية، وكمان بتخليكي تشعري بالطاقة والحيوية، مارسي الرياضة على الأقل 3 مرات في الأسبوع، وإذا كان الوقت ضيق، إمشي كل يوم نص ساعة على الأقل.

5- عناية الوجة: 

عناية الوجه تبدأ بالتقشير بشكل أسبوعي لأنه بيزيل الجلد الميت، متنسيش تستخدمي كريمات مرطبة ومغذية للوجه بعد التقشير، ومن الأفضل إن برنامج العناية بالوجه يبدأ قبل الفرح بـ3 شهور على الأقل.

شوفي أكتر: 10 حاجات لازم تعمليها قبل الفرح بأسبوع

6- الهالات السوداء: 

في كثير بيعانوا من الهالات السوداء حول العينين، وإذا كنتي لجأتي للطرق الطبيعية للتخلص منها وفشلتي، في الحالة دي مفيش قدامك غير حقنها بالفيلرز المعززة بحمض الهيالورونيك، واللي هتلاقي معاها نتيجة سريعة.

7- اختبارات المكياج: 

من ضمن العناية الجمالية، لازم يكون المكياج موجود في القائمة، وتختاري شكل مكياج فرحك وألوانه قبل الفرح بـ3 شهور على الأقل، وقبل الـ3 شهور اعملي اختبار لألوان وشكل المكياج لغاية ما تستقري على الألوان والشكل اللي هتظهري به في الفرح.

8- الحواجب:

لو مش راضية عن شكل حواجبك الطبيعي، في طرق كتيرة لتظبيطها. عندك فرصة قبل الفرح بـ3 شهور على الأقل للعناية بحواجبك، خاصة إذا كانت العناية طبيعية من خلال تغذيتها بالزيوت زي زيت الخروع وجوز الهند، أما إذا كانت حواجبك خفيفة وعاوزة تخليها تظهر بشكل جذاب دائم، هتخضعي لرسم الحواجب أو الـ microblading، ولازم يبقى عندك فرصة لاختيار شكل حواجب يليق على وشك. ملحوظة التغيير الكبير في شكل الحاجب بيغير كمان في شكل الوش فكوني حرصية جدا وإنتي بتتعاملي مع حواجبك.

9- الرموش: 

حلم كل بنت إن رموشها تبقى طويلة وغزيرة، في الطرق الطبيعية في التغذية عن طريق زيت الخروع، لكن أحيانا مش بنقدر نستنى ظهور آثار المنتجات الطبيعية وبندور على نتائج سريعة، وده بيكون عن طريق تركيب الرموش. خدي بالك وإنتي بتختاري شكل الرموش وطولها، لازم تكون متماشية مع رسمة العين وشكل الوجه، لأن في منها أكثر من شكل وطول.

10- العناية بالشفايف: 

زي العناية بالوش بالظبط، العناية بالشفايف معناها الغسيل والترطيب والتقشير "سكراب" بشكل منتظم، في أنواع معينة من السكراب معمولة مخصوص للشفايف، وممكن تعمليه إنتي باستخدام زيت الزيتون والسكر البني. قبل النوم كل يوم استخدمي زبدة الكاكاو أو الفازلين، والأفضل أنك تحطيه بإيدك بشكل دائري، ده هيعمل عملية تقشير وتنعيم في الوقت نفسه

11- العناية بالشعر: 

الشعر أكثر حاجة بتاخد عناية واهتمام من البنات، وفي اكثر من طريقة تهتمي بشعرك بيهم، الطريقة الأولى بتكون من خلال الكوافير الخاص بيكي، والطريقة الثانية من خلالك انتي، وده عن طريق تغذيته بزيت الأفوكادو وزيت الزيتون وجوز الهند، وقص أطرافه، وظيفتك الفترة دي إنك تحافظي على صحة شعرك، تحميه من الحرارة، ترطبيه، وتعالجيه لو محتاج علاج. أفضل فترة للاهتمام بالشعر قبل الفرح بـ 6 شهور على الأقل.

12- بشرة زي الحرير

لازم تاخدي بالك من بشترك كويس جدا، كل عروسة وأي بنت بتسعى إن بشرتها تكون خالية من العيوب. وعلشان تخلي بشرتك زي الحرير، إعملي تقشير للجسم قبل الشاور للتخلص من الجلد الميت، من خلال لوف خشن أو قطعة قماش خشنة، وبعد الحمام استخدمي مرطب من زيت اللوز أو زبدة الشيا علشان تحافظي على رطوبة الجسم بعد الشاور.

13- إزالة الشعر:

مع العناية بنضارة بشرتك، بالتأكيد لازم بالتوازي معاه إزالة شعر، بشكل شهري إذا بتفضلي تستخدمي الطرق الطبيعية، أما إذا كنتي بتخضعي لجلسات إزالة الشعر بالليزر، بيكون على حسب مواعيد الجلسات المهم أنها تكون قبل الفرح بـ6 أو 8 شهور.

 

جمال العروسة مش بيظهر يوم الفرح من خلال المكياج والشعر، دول الشكل النهائي، لكن قبلهم في خطوات كتيرة لازم تعمليها، العناية الجمالية، الخطوات دي هي الأساسيات لجمال بشرتك وشعرك وجسمك، والعناية بيهم بيدي النتيجة النهائية اللي بتكوني عليها يوم الفرح.

كل عروسة بتحلم إنها تكون في أبهى وأجمل صورها يوم فرحها، لكن دايما السؤال أبدأ من منين وإمتى وإزاي؟. إحنا هنا علشان جواب على كل الأسئلة دي، ونساعدك تاخدي أول خطوة في خطوات العناية بجمالك.

العناية الجمالية تبدأ قبل الفرح بشهور، وأقل حاجة 6 شهور، لكن إزاي والبداية هتكون منين ده اللي هتعرفيه في 13 نصيحة:

1- الأظافر واليدين:

الأظافر ليها أسلوب وطريقة للاهتمام بيهم، ويمكن الاهتمام بيهم بيكون دايما آخر حاجة، لكن اللي متعرفهوش، إنك لازم تهتمي بأظافرك بشكل جيد جدا وبالإيدين، خاصة إنك هتلاقي كثير مركزين على خاتم يوم الفرح، البداية هتكون مباشرة من بعد الخطوبة، بالتغذية الدائمة لليدين والأظافر، من خلال الماسكات الطبيعية والترطيب.

2- تبييض الأسنان:

الأسنان جزء مهم جدا في العناية الجمالية مش موجود في الحسابات، لكن في يوم مهم زي الفرح، لازم يكون على قائمة عناية جمالك. تبييض الأسنان هيديكي الثقة اللي محتاجها كعروسة، يفضل تعمليه قبل الفرح بـ 6 شهور، ويكون أقرب للون الأسنان الطبيعية، لأن أي حاجة خارجة عن المألوف والطبيعي بتظهر بشكل مبالغ فيه في الصور، وممكن تظهر كأنها أسنان مش طبيعية.

3- الأكل الصحي: 

الأكل صحي وقود جسمك، وبيظهر ويأثر على بشرتك بشكل كبير، لأنه بيدي البشرة رونق ونضارة وصحة، ابعدي عن الوجبات السريعة والجاهزة، لازم يسقطوا من نظامك الغذائي. ركزي على الأكلات الصحية اللي بتتكون من الخضار، الفاكهة والسلطة، وابعدي عن المشروبات الغازية وكل المشروبات اللي فيها كافيين، ما تنسيش تشربي 8 كوبيات مية في اليوم علشان تحافظي على ترطيب جسمك.

4- الرياضة: 

الرياضة لازم تكون جزء من حياتك، سواء كنتي عروسة أو لا، الرياضة بتلعب دور رئيسي في حياتنا، فبعيدا عن إنها بتخلي جسمنا شكله حلو، لكن كمان بتساعد الجسم على التخلص من السموم، وتشد ترهلات الجلد، وتخرج الطاقة السلبية، وكمان بتخليكي تشعري بالطاقة والحيوية، مارسي الرياضة على الأقل 3 مرات في الأسبوع، وإذا كان الوقت ضيق، إمشي كل يوم نص ساعة على الأقل.

5- عناية الوجة: 

عناية الوجه تبدأ بالتقشير بشكل أسبوعي لأنه بيزيل الجلد الميت، متنسيش تستخدمي كريمات مرطبة ومغذية للوجه بعد التقشير، ومن الأفضل إن برنامج العناية بالوجه يبدأ قبل الفرح بـ3 شهور على الأقل.

شوفي أكتر: 10 حاجات لازم تعمليها قبل الفرح بأسبوع

6- الهالات السوداء: 

في كثير بيعانوا من الهالات السوداء حول العينين، وإذا كنتي لجأتي للطرق الطبيعية للتخلص منها وفشلتي، في الحالة دي مفيش قدامك غير حقنها بالفيلرز المعززة بحمض الهيالورونيك، واللي هتلاقي معاها نتيجة سريعة.

7- اختبارات المكياج: 

من ضمن العناية الجمالية، لازم يكون المكياج موجود في القائمة، وتختاري شكل مكياج فرحك وألوانه قبل الفرح بـ3 شهور على الأقل، وقبل الـ3 شهور اعملي اختبار لألوان وشكل المكياج لغاية ما تستقري على الألوان والشكل اللي هتظهري به في الفرح.

8- الحواجب:

لو مش راضية عن شكل حواجبك الطبيعي، في طرق كتيرة لتظبيطها. عندك فرصة قبل الفرح بـ3 شهور على الأقل للعناية بحواجبك، خاصة إذا كانت العناية طبيعية من خلال تغذيتها بالزيوت زي زيت الخروع وجوز الهند، أما إذا كانت حواجبك خفيفة وعاوزة تخليها تظهر بشكل جذاب دائم، هتخضعي لرسم الحواجب أو الـ microblading، ولازم يبقى عندك فرصة لاختيار شكل حواجب يليق على وشك. ملحوظة التغيير الكبير في شكل الحاجب بيغير كمان في شكل الوش فكوني حرصية جدا وإنتي بتتعاملي مع حواجبك.

9- الرموش: 

حلم كل بنت إن رموشها تبقى طويلة وغزيرة، في الطرق الطبيعية في التغذية عن طريق زيت الخروع، لكن أحيانا مش بنقدر نستنى ظهور آثار المنتجات الطبيعية وبندور على نتائج سريعة، وده بيكون عن طريق تركيب الرموش. خدي بالك وإنتي بتختاري شكل الرموش وطولها، لازم تكون متماشية مع رسمة العين وشكل الوجه، لأن في منها أكثر من شكل وطول.

10- العناية بالشفايف: 

زي العناية بالوش بالظبط، العناية بالشفايف معناها الغسيل والترطيب والتقشير "سكراب" بشكل منتظم، في أنواع معينة من السكراب معمولة مخصوص للشفايف، وممكن تعمليه إنتي باستخدام زيت الزيتون والسكر البني. قبل النوم كل يوم استخدمي زبدة الكاكاو أو الفازلين، والأفضل أنك تحطيه بإيدك بشكل دائري، ده هيعمل عملية تقشير وتنعيم في الوقت نفسه

11- العناية بالشعر: 

الشعر أكثر حاجة بتاخد عناية واهتمام من البنات، وفي اكثر من طريقة تهتمي بشعرك بيهم، الطريقة الأولى بتكون من خلال الكوافير الخاص بيكي، والطريقة الثانية من خلالك انتي، وده عن طريق تغذيته بزيت الأفوكادو وزيت الزيتون وجوز الهند، وقص أطرافه، وظيفتك الفترة دي إنك تحافظي على صحة شعرك، تحميه من الحرارة، ترطبيه، وتعالجيه لو محتاج علاج. أفضل فترة للاهتمام بالشعر قبل الفرح بـ 6 شهور على الأقل.

12- بشرة زي الحرير

لازم تاخدي بالك من بشترك كويس جدا، كل عروسة وأي بنت بتسعى إن بشرتها تكون خالية من العيوب. وعلشان تخلي بشرتك زي الحرير، إعملي تقشير للجسم قبل الشاور للتخلص من الجلد الميت، من خلال لوف خشن أو قطعة قماش خشنة، وبعد الحمام استخدمي مرطب من زيت اللوز أو زبدة الشيا علشان تحافظي على رطوبة الجسم بعد الشاور.

13- إزالة الشعر:

مع العناية بنضارة بشرتك، بالتأكيد لازم بالتوازي معاه إزالة شعر، بشكل شهري إذا بتفضلي تستخدمي الطرق الطبيعية، أما إذا كنتي بتخضعي لجلسات إزالة الشعر بالليزر، بيكون على حسب مواعيد الجلسات المهم أنها تكون قبل الفرح بـ6 أو 8 شهور.