11 مهمة للعريس يعملها قبل الفرح بأسبوع

كثير بيفتكروا إن العريس مش بيمر بضغوط نفسية زي العروسة، خاصة قبل الفرح بأسبوع، لكن الحقيقة هو كمان بيعيش نفس الضغوط دي لكن بشكل تاني. بين أنه بيحاول يلبي كل طلبات عروسته لأنه عارف كويس قد إيه الفرح مهم بالنسبة لها، وما بين بيحاول يخلص المهام المسؤول عنها، طبعا غير الشغل وتفاصيل الحياة اليومية بتزيد الضغوط النفسية، ودي حاجة مش سهلة أبدا.

ما تقلقش، إحنا هنساعدك تخرج من الضغوط دي، من خلال ترتيبات بسيطة جدا، هتقدر تعدي بيها الفترة الصعبة، عندك 11 مهمة لازم تعملها قبل الفرح بأسبوع، علشان يوم فرحك تكون أعصابك هادية:

1- أعمل البروفة النهائية للبدلة قبل الفرح بأسبوع، واستلمها قبل الفرح بيومين على الأقل

2- راجع ألوان الحذاء، الكرافت والحزام، في الأسبوع ده، علشان لو في حاجة عاوز تغيرها تلحق تظبطها

3- أكد على المعازيم سواء من العائلة، الأصدقاء المقربين أو المهمين

4- اتفق مع عروستك تروحوا لمنظم الفرح، وتراجعوا معاه كل التفاصيل

5- قسم الفلوس اللي هتدفع يوم الفرح في أظرف مقفولة، واكتب على كل ظرف الفلوس دي بتاعة إيه، وخليهم مع حد تثق فيه يوم الفرح

6- أكد على أصحابك اللي هيكونوا في الفرح، وظبط معاهم شكل وألوان البدل

إقرا أكتر: ألف مبروك يا عريس .. عروستك مجنونه!

7- اختار مع عروستك أغنية الرقصة الأولى

8- راجع وأكد مع عروستك على تفاصيل شهر العسل وحجز التذاكر والفندق

9- ما تنساش هديتك لعروستك يوم الفرح

10- ما تنساش تحضر شنطة ليلة الفرح

11- اتأكد إن جوازات السفر والتذاكر معاكم قبل الفرح بيوم