11 حقيقة عن أول سنة جواز

كل حاجة المفروض تتوقعها من أصعب سنة هتعدي عليكم مع بعض

Large

لو هنعمل الموضوع ده، يبقى نعمله صح من غير لف ودوران ومجاملة. أول سنة جواز هي أصعب سنة جواز ودي حاجة مثبوتة علميا. ايمي هرتستاين، أخصائية العلاقات الزوجية بتقول إن في كام سبب أساسي ورا صعوبة أول سنة جواز، وإن السنة اللي قبل الفرح على طول بتبقى مليانة توتر وفزع. دلوقتي وانتوا بدأتوا تفهموا اللي فيها كدة، ده الوقت اللي المفروض تبدأوا تعرفوا فيه ليفل الوحش بيتعدى إزاي. صدق أو لا تصدق بس القرن الـ21 خلى موضوع الجواز ده حاجة صعبة ومعقدة بسبب حاجات كتير قوي، زي إنكم تضموا حسابكم في البنك وتبطلوا تتخضوا لما تلاقوا بعض في نفس الشقة وتتعودوا إن في حد موجود في مساحتكم الشخصية وتتقبلوا إن أهاليكم جايين من خلفيات مختلفة وإحساس إنكم لسة صغيرين على اللي إنتوا داخلين عليه وإرتفاع أسعار كل حاجة في الحياة والضغط الرهيب بتاع السوشيال ميديا...أكمل؟

بعد ما الفرح يخلص وبعد ما ترجعوا من شهر عسل جامد كدة إن شاء الله، إنتوا الاتنين هتبدأوا تسألوا نفسكوا "ماشي، وبعدين؟". أهو أنا بكتب اللي أنا بكتبوا دلوقتي ده عشان أجاوب على السؤال ده بالتحديد. 

1-  صدمة ما بعد شهر العسل:

بعد شهر العسل بتحصل حالة من الهدوء الغريب. فجأة مفيش تحضيرات وتجهيزات وسرعة وأنفاس سريعة بسبب إن المرحلة دي عدت، هتبدأوا تواجهوا صعوبة في انكم ترجعوا لحياتكم الطبيعية بالسرعة اللي إنتوا كنتم فاكرينها. فبراحة على نفسكم وخدوا الموضوع براحة وهو هيعدي بسلاسة.

٢. "ثانية-واحدة-بس-هي-دي-هتبقى-بقية-حياتي-؟":

بعد الجواز، كل حاجة بتحصل بينكم معناها بيختلف شوية؛ الخناقات، النقاشات، الاحباطات...هتبتدوا تفهموا إن وقت المرح إنتهى وإن دلوقتي وقت الجد. لازم تساعدوا بعض إنكم تنضجوا سوا. 

٣. حماتك وحماك/حماكي:

أيوا، فكرتهم لوحدها هتصبح حاجة إنتوا بتفكروا فيها على طول أول ما أي حاجة كبيرة تحصل بينكم انتوا الاتنين. فنصيحة لوجه الله: إتفقوا مع بعض من الاول انكم متدخلوش أي حد ما بينكم حتى لو الحد ده أهلك.

٤. الضغط:

فاكرين الناس اللي فجأة إتحولوا لمكنة أسئلة وآراء مبتنتهيش من أول ما سمعوا عن الخطوبة؟ أهو دول نفس الناس اللي مش هتبطل تزن عشان تعرف هتخلفوا امتى، فعلياً أول ما يتقفل عليكم باب واحد.

أقرا أكتر: بعد 6-8 شهور من الجواز: فن التعامل مع ضغط الأهل في موضوع الخلفة

٥. فلوس إيه؟:

في متجوزين بيفضلوا إن كل واحد يبقى مسؤول عن فلوسه ويبقى عنده حسابه الخاص في البنك مثلا. وفي متجوزين العكس تماما، بيحبوا يخلطوا الاتنين على بعض. لو انتوا النوع التاني؛ لازم تتعلموا ازاي تتشاركوا مع بعض وتتعودوا انكم تعدوا مع بعض وتتناقشوا لما يبقى المفروض تاخدوا قرارات كبيرة ليها دعوة بالفلوس.

٦. اكتشافات غير مسبوقة:

هتقعدوا تكتشفوا في بعض حاجات جديدة وبصراحة؛ مش هتبقى كلها اكتشافات جميلة. مهما كان الوقت اللي انتوا أضيتوه مع بعض قبل الجواز طويل ومهما كنتم بتسافروا وبتروحوا وبتيجوا، في حاجات انتوا كدة كدة لسة متعرفوهاش عن بعض. وده بييجي بعديه إدراك انكم لابسين لابسين وبمزاجكم.

٧. انسوا كل حاجة تعرفوها عن الصمت:

لازم تنسوا كل حاجة سمعتوها أو اتعلمتوها عن الصمت، عشان انتوا مش هتقدروا قيمته بجد ولا هتفهموا قد إيه هو حاجة طبيعية وصحية؛ إلا بعد الجواز. في ناس كتير بتخاف قوي من لحظة لما ما يلاقوش حاجة يقولوها للي قدامهم، بس الجواز بيعلمكم العكس وبطريقة كويسة. السكوت حلو، الاوقات اللي هتعد تعاني فيها عشان تدور على حاجة تقولها، هي اللي المفروض تعرف منها إن في حاجة مش تمام.

٨. بعد ما يروح مفعول السحر هنعمل إيه؟:

لازم تبقوا مستعدين لما مفعول السحر اللي بيبقى في الاول يروح، عشان أنا فاهمة السعادة والعبط اللي بيبقوا في الاول بس صدقوني، أوحش خناقة بينكم لسة ما حصلتش. حل الفزورة هنا انكم تتقبلوا وما تقاوموش. الخناق ممكن يبقى حاجة كويسة لما يسمحلك إنك تقول وتعبر عن اللي جواك وهو اللي بيخلق مساحة لانكم تبنوا أساس صح لبقية حياتكم مع بعض.

٩. هتكبر وتنضج مش بمزاجك!:

الجواز بيغصب على الناس انهم يكبروا وينضجوا. الجواز في العشرينات أحيانا بيحسس الواحد إنه بيلعب عريس وعروسة عشان بتلاقي نفسك فجأة بتقول على التافه اللي جمبك "جوزي" أو "مراتي" وهي حاجة تضحك الصراحة. فجأة، في مسؤوليات بتنهال عليكم من كل ناحية زي النقلة لبيت جديد، المشاركة في كل حاجة وإنكم تاخدوا بالكم من بعض لما حد يعيا أو يحصله حاجة. مثلوا الدور لحد ما تتقنوه وشوية بشوية هيروح إحساس إنه دور أصلا.

١٠. إنسى الأي كلام: 

اللحظة اللي بتتجوزوا فيها هي اللحظة اللي بتبدأوا فيها انتوا الاتنين تفهموا يعني إيه روح المشاركة بجد. انتوا الاتنين لازم تطبخوا وتغسلوا وتنضفوا، وفي نفس الوقت تشتغلوا وتاخدوا بالكم من العيال، وتغيرلهم وتصرفوا على البيت لأن مفيش حاجة في دول المفروض تبقى شغلة حد واحد بس فيكم، بما انكم قررتوا تبقوا شركة.انسوا كلام أجدادكم المتحيز جنسيا والاي كلام ده. برضو انسوا خالص عنصر الغموض في العلاقة عشان مع أول حد فيكم هيجيلوا تسمم من الاكل، كل حاجة هتبقى على المكشوف يا عماد.

 ١١. اخرجوا يوم واحد على الأقل:

مش هتفهموا قيمة وأهمية تخصيص على الاقل يوم واحد في الاسبوع تخرجوا فيه مع بعض لوحدكم إلا بعد ما تتجوزوا. 

اللهم إني بلغت.

لو هنعمل الموضوع ده، يبقى نعمله صح من غير لف ودوران ومجاملة. أول سنة جواز هي أصعب سنة جواز ودي حاجة مثبوتة علميا. ايمي هرتستاين، أخصائية العلاقات الزوجية بتقول إن في كام سبب أساسي ورا صعوبة أول سنة جواز، وإن السنة اللي قبل الفرح على طول بتبقى مليانة توتر وفزع. دلوقتي وانتوا بدأتوا تفهموا اللي فيها كدة، ده الوقت اللي المفروض تبدأوا تعرفوا فيه ليفل الوحش بيتعدى إزاي. صدق أو لا تصدق بس القرن الـ21 خلى موضوع الجواز ده حاجة صعبة و معقدة بسبب حاجات كتير قوي، زي إنكم تضموا حسابكم في البنك وتبطلوا تتخضوا لما تلاقوا بعض في نفس الشقة وتتعودوا إن في حد موجود في مساحتكم الشخصية وتتقبلوا إن أهاليكم جايين من خلفيات مختلفة وإحساس إنكم لسة صغيرين على اللي إنتوا داخلين عليه وإرتفاع أسعار كل حاجة في الحياة والضغط الرهيب بتاع السوشيال ميديا...أكمل؟

بعد ما الفرح يخلص وبعد ما ترجعوا من شهر عسل جامد كدة إن شاء الله، إنتوا الاتنين هتبدأوا تسألوا نفسكوا "ماشي، وبعدين؟". أهو أنا بكتب اللي أنا بكتبوا دلوقتي ده عشان أجاوب على السؤال ده بالتحديد. 

١. صدمة ما بعد شهر العسل:

بعد شهر العسل بتحصل حالة من الهدوء الغريب. فجأة مفيش تحضيرات وتجهيزات وسرعة وأنفاس سريعة بسبب إن المرحلة دي عدت، هتبدأوا تواجهوا صعوبة في انكم ترجعوا لحياتكم الطبيعية بالسرعة اللي إنتوا كنتم فاكرينها. فبراحة على نفسكم وخدوا الموضوع براحة وهو هيعدي بسلاسة.

٢. "ثانية-واحدة-بس-هي-دي-هتبقى-بقية-حياتي-؟":

بعد الجواز، كل حاجة بتحصل بينكم معناها بيختلف شوية؛ الخناقات، النقاشات، الاحباطات...هتبتدوا تفهموا إن وقت المرح إنتهى وإن دلوقتي وقت الجد. لازم تساعدوا بعض إنكم تنضجوا سوا. 

٣. حماتك وحماك/حماكي:

أيوا، فكرتهم لوحدها هتصبح حاجة إنتوا بتفكروا فيها على طول أول ما أي حاجة كبيرة تحصل بينكم انتوا الاتنين. فنصيحة لوجه الله: إتفقوا مع بعض من الاول انكم متدخلوش أي حد ما بينكم حتى لو الحد ده أهلك.

٤. الضغط:

فاكرين الناس اللي فجأة إتحولوا لمكنة أسئلة وآراء مبتنتهيش من أول ما سمعوا عن الخطوبة؟ أهو دول نفس الناس اللي مش هتبطل تزن عشان تعرف هتخلفوا امتى، فعلياً أول ما يتقفل عليكم باب واحد.

أقرا أكتر: بعد 6-8 شهور من الجواز: فن التعامل مع ضغط الأهل في موضوع الخلفة

٥. فلوس إيه؟:

في متجوزين بيفضلوا إن كل واحد يبقى مسؤول عن فلوسه ويبقى عنده حسابه الخاص في البنك مثلا. وفي متجوزين العكس تماما، بيحبوا يخلطوا الاتنين على بعض. لو انتوا النوع التاني؛ لازم تتعلموا ازاي تتشاركوا مع بعض وتتعودوا انكم تعدوا مع بعض وتتناقشوا لما يبقى المفروض تاخدوا قرارات كبيرة ليها دعوة بالفلوس.

٦. اكتشافات غير مسبوقة:

هتقعدوا تكتشفوا في بعض حاجات جديدة وبصراحة؛ مش هتبقى كلها اكتشافات جميلة. مهما كان الوقت اللي انتوا أضيتوه مع بعض قبل الجواز طويل ومهما كنتم بتسافروا وبتروحوا وبتيجوا، في حاجات انتوا كدة كدة لسة متعرفوهاش عن بعض. وده بييجي بعديه إدراك انكم لابسين لابسين وبمزاجكم.

٧. انسوا كل حاجة تعرفوها عن الصمت:

لازم تنسوا كل حاجة سمعتوها أو اتعلمتوها عن الصمت، عشان انتوا مش هتقدروا قيمته بجد ولا هتفهموا قد إيه هو حاجة طبيعية وصحية؛ إلا بعد الجواز. في ناس كتير بتخاف قوي من لحظة لما ما يلاقوش حاجة يقولوها للي قدامهم، بس الجواز بيعلمكم العكس وبطريقة كويسة. السكوت حلو، الاوقات اللي هتعد تعاني فيها عشان تدور على حاجة تقولها، هي اللي المفروض تعرف منها إن في حاجة مش تمام.

٨. بعد ما يروح مفعول السحر هنعمل إيه؟:

لازم تبقوا مستعدين لما مفعول السحر اللي بيبقى في الاول يروح، عشان أنا فاهمة السعادة والعبط اللي بيبقوا في الاول بس صدقوني، أوحش خناقة بينكم لسة ما حصلتش. حل الفزورة هنا انكم تتقبلوا وما تقاوموش. الخناق ممكن يبقى حاجة كويسة لما يسمحلك إنك تقول وتعبر عن اللي جواك وهو اللي بيخلق مساحة لانكم تبنوا أساس صح لبقية حياتكم مع بعض.

٩. هتكبر وتنضج مش بمزاجك!:

الجواز بيغصب على الناس انهم يكبروا وينضجوا. الجواز في العشرينات أحيانا بيحسس الواحد إنه بيلعب عريس وعروسة عشان بتلاقي نفسك فجأة بتقول على التافه اللي جمبك "جوزي" أو "مراتي" وهي حاجة تضحك الصراحة. فجأة، في مسؤوليات بتنهال عليكم من كل ناحية زي النقلة لبيت جديد، المشاركة في كل حاجة وإنكم تاخدوا بالكم من بعض لما حد يعيا أو يحصله حاجة. مثلوا الدور لحد ما تتقنوه وشوية بشوية هيروح إحساس إنه دور أصلا.

١٠. إنسى الأي كلام: 

اللحظة اللي بتتجوزوا فيها هي اللحظة اللي بتبدأوا فيها انتوا الاتنين تفهموا يعني إيه روح المشاركة بجد. انتوا الاتنين لازم تطبخوا وتغسلوا وتنضفوا، وفي نفس الوقت تشتغلوا وتاخدوا بالكم من العيال، وتغيرلهم وتصرفوا على البيت لأن مفيش حاجة في دول المفروض تبقى شغلة حد واحد بس فيكم، بما انكم قررتوا تبقوا شركة.انسوا كلام أجدادكم المتحيز جنسيا والاي كلام ده. برضو انسوا خالص عنصر الغموض في العلاقة عشان مع أول حد فيكم هيجيلوا تسمم من الاكل، كل حاجة هتبقى على المكشوف يا عماد.

 ١١. اخرجوا يوم واحد على الأقل:

مش هتفهموا قيمة وأهمية تخصيص على الاقل يوم واحد في الاسبوع تخرجوا فيه مع بعض لوحدكم إلا بعد ما تتجوزوا. 

اللهم إني بلغت.

الترتيب لفرحك أسهل كتير مع Weds360. لأننا عارفين إيه المهم، تقدر تعتمد علينا في كل تفصيلة.

Tools website

موقع الفرح

ده المكان اللي هتحتفظ فيه بكل الأوقات الحلوة وكل صور الفرح للأبد وتتحكم في كل التفاصيل. وهتقدر تختار تصميمه، وتخلي المعازيم يبعتولك عليه الصور والفيديوهات واللحظات المميزة في فرحك. اختار موقع الفرح
Tools budgeter

تكاليف الفرح

لو محدد الرقم اللي هتصرفه في الفرح، هنساعدك هنا تعرف تستغله صح وترتب التكاليف صح. اتحكم في فلوس فرحك
Tools checklist

جدول المهام

حدد الحاجات اللي وراك، اعمل لنفسك جدول بالمهم منها وبأولوياتك في تنظيم الفرح علشان متنساش حاجة. ابدأ من هنا
Tools guestlist

المعازيم

مين اللي جاي الفرح؟ ومين اللي لازم تأكد عليه؟ ومين اعتذر؟ كلها حاجات هتقدر تنظمها، تتحكم فيها وتبعت دعوات فرح مخصصة لكل مجموعة. ابدأ من هنا
Tools vendors

متخصصين الفرح

اعرف أكتر عن متخصصين الأفراح في كل المجالات وشوف شغلهم واختار الأفضل ليك ولفرحك. ابدأ من هنا
Tools registry

هدايا الفرح

جمع كل هدية نفسك فيها، كل محل بتحبه في مكان واحد، وساعد المعازيم يختاروا هدية الجواز من غير مواقف محرجة أو تكرار للهدايا. ابدأ من هنا
× Logo
Weds360
Mobile App
Install now