10 نصائح رئيسية لجمالك قبل الفرح بـ6 شهور على الأقل

Large

إنشغال العروسة بين التحضير لعش الزوجية والجهاز والتخطيط للفرح، وهدفها أنها تخلص كل حاجة في الوقت المناسب، بتنسى إن في واجبات ملتزمة بيها قدام نفسها، خاصة إن التوتر وحالة القلق اللي بتمر بيها في المرحلة دي بيكون لها تأثير كبير على البشرة، الشهور بتعدي وفجأة تلاقي الأيام عدت وفاضل أسبوع على الفرح.

إحنا جرس الإنذار اللي هيقولك ما تنسيش نفسك، ونفكرك بإن في حاجات لازم تعمليها، هنساعدك بخطوات بسيطة علشان تاخدي بالك من جمالك طول فترة التحضيرات لمدة شهور.

رجعي جمالك في 10 خطوات: 

1- التنظيف، التجانس والترطيب: 

دول أهم 3 حاجات لازم تواظبي عليهم قبل الفرح بشهور طويلة، هم دول الأصحاب اللي هيكونوا معاكي الفترة دي، لأنهم هيخلوا بشرتك نظيفة ومتوهجهة، تنظيف البشرة العميق بينضفها من الشوائب. رطبي وشك وجسمك مرتين في اليوم الصبح وقبل النوم، ونتيجة اهتمامك ببشرتك هتلاقيها تلقائيا متجانسة الألوان أو لونها واحد. في النهاية هتحصلي على بشرة نضيفة وخالية من المشاكل.

2- التقشير: 

كتير من الناس مش بتؤمن بقوة التقشير، رغم إنه من أفضل الطرق اللي هتخلصك من خلايا الجلد الميت والرؤس السوداء، البقع الغامقة وكمان بتخلي الشعر اللي تحت الجلد يظهر على السطح وتقدري تتخلصي منه بسهولة، ومشاكل تانية كتيرة بيحلها التقشير، وعلشان توصلي لنتائج كويسة قشري وشك مرتين أو ثلاثة في الأسبوع، أما الجسم من مرة لمرتين في الأسبوع.

3- ماسكات الوجه والشعر:

إبدئي ماسكات الوجه والشعر قبل الفرح على الأقل بـ6 شهور، وإذا كان عندك وقت أطول، استغليه في ماسكات الذهب بشكل أسبوعي، خليكي دايما في الماسكات الطبيعية، اللي مفيهاش مواد كيميائية، واللي ممكن بعد قترة من الاستخدام تأثر بشكل سلبي على بشرتك.

4- الجلسات العلاجية في عيادات التجميل:

إذا كان جسمك أو وشك في بعض الخيوط الرفيعة وحروق الشمس، أو إذا كنتي بتعاني من السيلوليت وجربتي تتخلصي من كل المشاكل دي في البيت وفشلتي، فأفضل طريق هو الجلسات العلاجية في عيادات التجميل، لإنك أكيد هتلاقي حل لمشكلتك فيها، ومع انتشار العيادات التجميلية الجلسات مبقتش مش غالية، إبدئي الجلسات العلاجية للخطوط الرفيعة، التجاعيد وحب الشباب قبل الفرح بـ6 شهور.

5- جمالك قدميك ويديك:

في وسط كل خطوات الجمال، إوعي تنسي إن القدم والإيد ليهم نصيب في خطوات وروتين الجمال، أول الخطوات دي، إنك تعملي مساج ليهم بزيت الزيتون قبل النوم، وأثناء الشاور استعملي الحجر الخفاف على قدمك، خليكي حريصة على الاهتمام بالباديكير ونظافة الظوافر كل أسبوعين، غذيهم بالكريمات والزيوت، وبلاش تعرضيهم للشمس والتراب بعد التنظيف أو الترطيب مباشرة.

6- إزالة الشعر: 

من أهم خطوات الجمال والنظافة إزالة شعر الجسم، والحفاظ على شكل الحواجب نظيف ومرسوم، أيا كان الطريقة اللي هتختاري تزيلي بيها شعر الجسم، المهم إنك تهتمي بيها.

7- الجيم: 

بلاش تخضعي لدايت وجلسات رياضية قاسية قبل فرحك بشهر أو إثنين، لأن ده ممكن يخليكي تظهري شاحبة وتعبانة، علشان كدة أفضل فترة للدايت والرياضة تكون قبل الفرح بـ6 شهور، ومن الأفضل إنه يكون تحت إشراف متخصصين، سواء في النظام الغذائي أو الرياضة.

8- التأمل: 

أفضل طريقة لتحرير عقلك من الضغوط والتفكير هي التأمل لمدة 20 دقيقة يوميا، التأمل إنك تصفي ذهنك من كل الضغوط، وتفتكري الحاجات الحلوة، ممكن تعملي ده في البيت ولو مش عارفة تبتدي منين ممكن تدوري على اليوتيوب.

9- الدايت:

لازم تشربي من 8 لـ 10 كوبيات ماء في اليوم، وأفضل حاجة إنك تشربي المية بحلقات الليمون علشان تنظف الجسم، لازم يكون نظامك الغذائي يتضمن خضار وفاكهة وبروتين، وابعدي تماما عن الوجبات السريعة، الشيبسي، الشيكولاتة والآيس كريم، المياه الغازية، لأنها بتنفخ البطن وبتعمل مشاكل للبشرة

10- النوم: 

النوم من 8 لـ 10 ساعات يوميا هو الطريقة المثلى للحصول على بشرة وجسم صحي، قلة النوم بتظهر الوجهة شاحب وبقع سوداء حولين العين، وكمان بشرة غير نقية، مهما حاولتي تعالجيها، مش بس الأسباب اللي تخليكي تهتمي بنومك، لا ده كمان هيأثر على حالتك المزاجية وصحتك البدنية والعقلية والذاكرة، ولإن القائمة تطول هنكتفي بالأسباب اللي ذكرناها.  حاولي تنامي قبل الساعة 12 بليل.

إنشغال العروسة بين التحضير لعش الزوجية والجهاز والتخطيط للفرح، وهدفها أنها تخلص كل حاجة في الوقت المناسب، بتنسى إن في واجبات ملتزمة بيها قدام نفسها، خاصة إن التوتر وحالة القلق اللي بتمر بيها في المرحلة دي بيكون لها تأثير كبير على البشرة، الشهور بتعدي وفجأة تلاقي الأيام عدت وفاضل أسبوع على الفرح.

إحنا جرس الإنذار اللي هيقولك ما تنسيش نفسك، ونفكرك بإن في حاجات لازم تعمليها، هنساعدك بخطوات بسيطة علشان تاخدي بالك من جمالك طول فترة التحضيرات لمدة شهور.

رجعي جمالك في 10 خطوات: 

1- التنظيف، التجانس والترطيب: 

دول أهم 3 حاجات لازم تواظبي عليهم قبل الفرح بشهور طويلة، هم دول الأصحاب اللي هيكونوا معاكي الفترة دي، لأنهم هيخلوا بشرتك نظيفة ومتوهجهة، تنظيف البشرة العميق بينضفها من الشوائب. رطبي وشك وجسمك مرتين في اليوم الصبح وقبل النوم، ونتيجة اهتمامك ببشرتك هتلاقيها تلقائيا متجانسة الألوان أو لونها واحد. في النهاية هتحصلي على بشرة نضيفة وخالية من المشاكل.

2- التقشير: 

كتير من الناس مش بتؤمن بقوة التقشير، رغم إنه من أفضل الطرق اللي هتخلصك من خلايا الجلد الميت والرؤس السوداء، البقع الغامقة وكمان بتخلي الشعر اللي تحت الجلد يظهر على السطح وتقدري تتخلصي منه بسهولة، ومشاكل تانية كتيرة بيحلها التقشير، وعلشان توصلي لنتائج كويسة قشري وشك مرتين أو ثلاثة في الأسبوع، أما الجسم من مرة لمرتين في الأسبوع.

3- ماسكات الوجه والشعر:

إبدئي ماسكات الوجه والشعر قبل الفرح على الأقل بـ6 شهور، وإذا كان عندك وقت أطول، استغليه في ماسكات الذهب بشكل أسبوعي، خليكي دايما في الماسكات الطبيعية، اللي مفيهاش مواد كيميائية، واللي ممكن بعد قترة من الاستخدام تأثر بشكل سلبي على بشرتك.