10 خطاء بيقع فيها العرسان وهما بيختاروا مزيكا الفرح! خلي المزيكا تولع الفرح!

Large

فرح في مصر يعني هيصة ورقص، أيوا إحنا بنحب كدة، روحنا حلوة ونحب نفرح، خلي مزيكا الفرح تولع الدنيا وإختاروا الباند أو الدي جي، أو الأغاني اللي بتعبر عن شخصيتكم والناس كمان تحبها، المزيكا جزء مهم جدا في الفرح ولو مش مظبوطة ممكن تعكنن عليكم الليلة من غير لازمة! 

في شوية حاجات لازم تراعوها في اختيار مزيكا ودي جي الفرح، في 10 غلطات ممكن العرسان يقعوا فيها وهما بيختاروا مزيكا الفرح:

1) المزيكا عالية بزيادة:

عارفين لما تكونوا في فرح ومش عارفين تسمعوا بعض وانتوا جنب بعض! أو لما المزيكا عالية لدرجة تحسوا إن الـ beat بقى طالع من جواكم!، دي أول غلطة ما تعملوش كده ابدا! المزيكا العالية أوي بتكون مزعجة بشكل كبير ومتعبة لبعض الناس. خدوا بالكم إن مش كل المعازيم هيكونوا عايزين يرقصوا، خصوصا الناس الكبيرة في السن، إنتوا أكيد عايزين تبسطوا كل الموجودين سواء اللي قاعد أو اللي بيرقص.

2) المزيكا صوتها واطي جدا:

مش المفروض المزيكا تكون صوتها واطي لدرجة إنها تقفلك من الرقص والفرح من أساسه، صحيح مش عايزين الصوت عالي أوي للأسباب اللي لسة قايلنها فوق، لكن ما تزودوش الموضوع لدرجة محدش ياخد باله إنهم المفروض يقوموا يرقصوا!

3) بلاش نوع واحد من المزيكا:

حاجة تانية مهمة وهي التنوع في مزيكا الفرح علشان الناس ما تزهقش، تخيلوا كده 3 ساعات متواصلة من مزيكا المهرجانات أو المزيكا الهاوس! مش كل الناس ممكن تتفاعل، لكن لو غيرتوا في نوع الأغاني الناس كلها هترقص طول الليل.

4) بلاش تبتدوا الفرح من غير مزيكا:

غالبية الأفراح المصرية بتبدأ بزفة، لكن أوقات العرسان بيقرروا يعملوا فرح من غير زفة خالص، في الحالة دي لازم يبقى فيه بديل، بلاش بداية الفرح تكون صامتة بدون مزيكا. محدش هياخد باله إن الفرح بدأ!

إقرا أكتر: قبل الفرح بأسبوعين: إزاي تختار أغاني الفرح

5) لازم تقابل المطرب أو الدي جي بنفسك قبل الفرح:

لازم تقابلوا المطربين بنفسكم  قبل الفرح لو قررتوا تجيبوا فرقة موسيقية أو دي جي، ده إجتماع عمل معاهم علشان تبقوا عارفين مين الناس اللي بتتعاملوا معاهم ومدى مهنيتهم، وعلشان يفهموا إنتوا بتحبوا إيه أو ما بتحبوش إيه. 

6) ما تفكسوش للساوند تشيك:

بعد مقابلتكم مع المطربين أو الباند، لازم تتابعوا وتحددوا معاهم معاد للساوند تشيك قبل الفرح، علشان كله يكون تمام، ما تترددوش تعملوا كده لإن ده جزء مهم جدا من شغلهم.

7) إهتموا بأغنية الرقصة الأولى:

أغنية الرقصة الأولى مش مجرد أغنية هادية كلاسيك بتتلعب في أول الفرح وخلاص، المفروض تختاروا أغنية بتعبر عنكم، وبتحكي علاقتكم بشكل ما، خدوا بالكم إن الأغنية ما تكونش طويلة علشان محدش يزهق.

8) ما تنسوش قايمة الأغاني:

لما تقابلوا الدي جي أو الفرقة الموسيقية لازم تتكلموا في الأغاني المفضلة اللي عايزنها تشتغل، وكمان قايمة الأغاني اللي مش عايزنها تشتغل في الفرح، هما مش عارفين إنتوا بتحبوا أو ما بتحبوش إيه فلازم توضحوا ده، غير كده إدوهم فرصتهم يولعوا الفرح. 

9) الأغاني الغلط في الوقت الغلط:

لو إنت/إنتي في فرح وأغنية تميم يونس "إنتي أي كلام" أو مهرجان خارج شوية إشتغل تاني أو تالت أغنية في الفرح هتفكروا في إيه! فيه أغاني كده مينفعش تشتغل إلا في آخر بعد ما الناس الكبيرة تكون مشيت والباقي مهيصين على الدانس فلور كده كده! إلا لو قاصدين تشغلوا الأغاني دي في الوقت ده علشان توصلوا رسالة معينة، غير كده خلوها أحسن للأخر.

10) إعملوا بحث مكثف للدي جي أو الفرقة:

ما تفكسوش لفكرة الدي جي أو الفرقة من غير ما تدوروا كويس في السوق، لو عندكم ميزاينة تكفي إنكوا تجيبوا دي جي محترف أو فرقة موسيقية يبقى على الأقل لازم تبذلوا شوية مجهود وتدوروا على حد مناسب، مفيش حد مش بيحب المزيكا اللايف لان بيكون فيها حماس وتفاعل أكتر. إعملوا أبحاثكم كويس قبل ما تستقروا على مزيكا الفرح!

فرح في مصر يعني هيصة ورقص، أيوا إحنا بنحب كدة، روحنا حلوة ونحب نفرح، خلي مزيكا الفرح تولع الدنيا وإختاروا الباند أو الدي جي، أو الأغاني اللي بتعبر عن شخصيتكم والناس كمان تحبها، المزيكا جزء مهم جدا في الفرح ولو مش مظبوطة ممكن تعكنن عليكم الليلة من غير لازمة! 

في شوية حاجات لازم تراعوها في اختيار مزيكا ودي جي الفرح، في 10 غلطات ممكن العرسان يقعوا فيها وهما بيختاروا مزيكا الفرح:

1) المزيكا عالية بزيادة:

عارفين لما تكونوا في فرح ومش عارفين تسمعوا بعض وانتوا جنب بعض! أو لما المزيكا عالية لدرجة تحسوا إن الـ beat بقى طالع من جواكم!، دي أول غلطة ما تعملوش كده ابدا! المزيكا العالية أوي بتكون مزعجة بشكل كبير ومتعبة لبعض الناس. خدوا بالكم إن مش كل المعازيم هيكونوا عايزين يرقصوا، خصوصا الناس الكبيرة في السن، إنتوا أكيد عايزين تبسطوا كل الموجودين سواء اللي قاعد أو اللي بيرقص.

2) المزيكا صوتها واطي جدا:

مش المفروض المزيكا تكون صوتها واطي لدرجة إنها تقفلك من الرقص والفرح من أساسه، صحيح مش عايزين الصوت عالي أوي للأسباب اللي لسة قايلنها فوق، لكن ما تزودوش الموضوع لدرجة محدش ياخد باله إنهم المفروض يقوموا يرقصوا!

3) بلاش نوع واحد من المزيكا:

حاجة تانية مهمة وهي التنوع في مزيكا الفرح علشان الناس ما تزهقش، تخيلوا كده 3 ساعات متواصلة من مزيكا المهرجانات أو المزيكا الهاوس! مش كل الناس ممكن تتفاعل، لكن لو غيرتوا في نوع الأغاني الناس كلها هترقص طول الليل.

4) بلاش تبتدوا الفرح من غير مزيكا:

غالبية الأفراح المصرية بتبدأ بزفة، لكن أوقات العرسان بيقرروا يعملوا فرح من غير زفة خالص، في الحالة دي لازم يبقى فيه بديل، بلاش بداية الفرح تكون صامتة بدون مزيكا. محدش هياخد باله إن الفرح بدأ!

إقرا أكتر: قبل الفرح بأسبوعين: إزاي تختار أغاني الفرح

5) لازم تقابل المطرب أو الدي جي بنفسك قبل الفرح:

لازم تقابلوا المطربين بنفسكم  قبل الفرح لو قررتوا تجيبوا فرقة موسيقية أو دي جي، ده إجتماع عمل معاهم علشان تبقوا عارفين مين الناس اللي بتتعاملوا معاهم ومدى مهنيتهم، وعلشان يفهموا إنتوا بتحبوا إيه أو ما بتحبوش إيه. 

6) ما تفكسوش للساوند تشيك:

بعد مقابلتكم مع المطربين أو الباند، لازم تتابعوا وتحددوا معاهم معاد للساوند تشيك قبل الفرح، علشان كله يكون تمام، ما تترددوش تعملوا كده لإن ده جزء مهم جدا من شغلهم.

7) إهتموا بأغنية الرقصة الأولى:

أغنية الرقصة الأولى مش مجرد أغنية هادية كلاسيك بتتلعب في أول الفرح وخلاص، المفروض تختاروا أغنية بتعبر عنكم، وبتحكي علاقتكم بشكل ما، خدوا بالكم إن الأغنية ما تكونش طويلة علشان محدش يزهق.

8) ما تنسوش قايمة الأغاني:

لما تقابلوا الدي جي أو الفرقة الموسيقية لازم تتكلموا في الأغاني المفضلة اللي عايزنها تشتغل، وكمان قايمة الأغاني اللي مش عايزنها تشتغل في الفرح، هما مش عارفين إنتوا بتحبوا أو ما بتحبوش إيه فلازم توضحوا ده، غير كده إدوهم فرصتهم يولعوا الفرح.