10 حاجات لازم تعمليها قبل الفرح بأسبوع

Large

بدأ العد التنازلي، أسبوع واحد على الفرح، وكعادة أي عروسة قبل الفرح بتكون مضغوطة جدا، دايما عندها شعور بأنها ناسية حاجات كتيرة، لا، ده ممكن يخليها تنسى حاجات مهمة فعلا وتفتكرها يوم الفرح. الموضوع كله مش بيحتاج غير بعض الترتيبات والتنظيم اللي هتخليكي ما تنسيش حاجة، وفي الوقت نفسه مش هتكوني مضغوطة.

هنقولك على 10 حاجات مهمة تعمليها قبل الفرح بأسبوع بدون أي ضغوط.

1- التأكيد على معاد يوم التجميل في صالون التجميل، سواء السبا، المانيكير والباديكير، وقبل يومين لازم تتأكدي من ألوان اللي حابة تستخدميها في فرح.

2- لازم تعملي آخر بروفة لفستان الفرح قبل بأسبوع، علشان لو في حاجة يبقى عندك وقت، واستلام الفستان يكون قبل الفرح بيومين على الأقل

3- إلبسي حذاء الفرح في البيت الفترة دي، علشان ياخد شكل رجلك وميكونش ضيق عليكي يوم الفرح

4- أكدي على صحباتك القريبين أنهم يكونوا معاكي يوم الفرح من بدري

5- إتأكدي من إن الدعوات وصلت، وإن كل المعازيم عندهم علم بمعاد ومكان الفرح، وده هيكون بمساعدة والدتك وأختك

شوفي أكتر: 7 حاجات لازم تتأكد منها قبل ما تختار مصور الفرح

6- متابعة تفاصيل الفرح مع منسق ومنظم الفرح من ألوان الورد، الديكور إلخ..

7- إتأكدي إن المصور الخاص بالفرح، معاه كل اللقطات اللي اتفقتوا عليها، ومش محتاج أي حاجة تانية علشان ما تتفجئيش بأي حاجة يوم الفرح.

8- اتأكدي من إنك إشتريته كل حاجة لشهر العسل، زي ملابس البحر، خروجات بليل، كريمات الشمس

9- أكدي على حجوزات شهر العسل، تذاكر السفر والفندق

10- قبل الفرح بأسبوع حضري شنطة ليلة الفرح، وإتأكدي أنها معاكي وأنت راحية الفندق يوم الفرح