10 أفلام لازم كل عروسة تشوفهم قبل فرحها

"رومانتيك كوميدى"..هتعيطى وتضحكى

Large

معاد فرحك قرب، كلها أيام وهتبقى "ماريد" مش "سنجل" ؟ ده أكتر وقت مناسب إنك  تهدى وتعملى "ريلاكسيشن"، وتتفرجى على أفلام عن الأفراح، الأفلام الرومانتيك كوميدى الى بتدور حوالين الأفراح، عشان تبعدى عن التوتر والتفكير الكتير.. حطى "ماسك" حلو لبشرتك، وإتفرجى على 10 أفلام إخترناهملك كلهم عن الأفراح:

"ماى بيست فريندس ويدنج"

من أحسن الأفلام عن الأفراح، واتعمل سنة 1997 ، وبيحكى عن واحد وواحده أصحاب، لحد ما هو يحب بنت ويطلب يتجوزها، وبطلة الفيلم جوليا روبرتس بتقوم بدور صاحبته إلى بتغير عليه أوى وتحس إنها بتحبه.. فبتعمل مواقف كتير عشان تبعده عن حبيبته وتبوظ فرحهم.

"ذا ويدنج بلانر"

فيلم جميل بطلته جينيفر لوبيز، وبيحكى عن "ويدنج بلانر" بتحب العريس إلى بتنظمله فرحه.اتبسطى بالمواقف الرومانسية والى كمان بتضحك وهى بتحاول تنقذ حبها.

"برايدز ووار"

عروستين، وفرحين، لكن خناقات كتير هتحصل لما كل واحده فيهم تحاول تبوظ فرح صاحبتها، بسبب الغيرة.

"ماما ميا!"

ده بقى فيلم "ميوزيكال" هيديكى طاقة إيجابيه خصوصا إن "اللوكيشن" إلى إتصور فيه الفيلم جميل ومليان مناظر طبيعية، وبيتكلم عن عيله كبيرة بتتجمع عشان تحضر فرح . والفيلم كله رقص وأغانى حلوه.

"بى إس. أى لوف يو" 

بعد ما حبيبها بيموت فجأه، بتكتشف إنه سابلها جوابات كتير، كل واحد منهم فيه مفاجآت مكانتش تعرفها. 

"ذا بروبوزال"

بتحاول تنقذ شغلها فى البلد إلى هى عايشه فيها، بعد ما قرروا يرحلوها لأن فترة إقامتها خلصت، فبتطلب مع زميلها فى الشغل إنه يتجوزها "كده وكده" عشان تقدر تاخد الإقامة، لكن المفاجأه أنها هتقلب بجد وتحبه.

"27 دريسيز"

دى عدد الفساتين إلى لبستها وهى "برايد مات"، وبتتمنى أوى إنها تلبس فستان فرحها فى يوم من الأيام، عشان زهقت من أنها طول الوقت بتحاول تبسط إلى حواليها بس، تابعى الفيلم وإعرفى "جين" قدرت تلاقى الحب إلى بتدور عليه ولا لأ.

إقرا أكتر: حماتك مين فيهم؟ ماري منيب ولا ميمي شكيب؟!

"لايف آذ وي نو إت"

اتنين بيلاقوا نفسهم فجأه بقوا مسئولين عن "بيبى"، بعد ما باباها ومامتها إلى هما  أصحابهم ماتوا فى حادثة عربية، وحياتهم بتتغير أوى وشغلهم بيبوظ، بعد ما يعيشوا دور بابا وماما. لكن التجربه دى بتقربهم وتخليهم يحبو بعض.

"برايدز مايدز"