٩ حاجات لازم تعرفها وأنت بتختار مصور الفرح

Large

الفرح بيحصل مرة واحدة في العمر، ودايما الصور هي اللي بترسخ الذكريات الحلوة في ليلة مهمة زي الفرح، وعلشان كده اختيار مصور الفرح مش حاجة سهلة، وكمان له أساسيات.

 قبل ما تختار مصور الفرح في 9 خاجات لازم تعرفها: 

تصوير: ريمون الماركيز

1- مقابلة المصور على الأقل مرتين قبل الفرح:

لازم يحصل اجتماع على الأقل مرتين مع المصور قبل الفرح، في المرة الأولى اتعرف منه على أسلوبه وطريقته، واعرض أفكارك عليه، وإذا اقتنعت بيه، في المرة التانية اتكلم معاه في تفاصيل وشكل وبرنامج الفرح.

 2- النقاط المشتركة بين العروسة والعريس:

النقاط المشتركة بينك وبين عروستك زي الألوان اللي بتحبوها، مكان معين بتحبوا تروحوه، أو مثلا بتحبوا المغامرة وتسلق الجبال، كل الحاجات دي هتساعد مصور الفرح إنه يخلق أفكار جديدة للصور، وكل ما كانت الفكرة جديدة، كل ما كانت الصور أحلى. 

 3- عرض الأفكار:

في المقابلة الأولى اعرض على المصور الأفكار اللي عاوزين تنفذوها، وده هيكون من خلال الصور اللي عجبتكم بعد ما تدوروا كويس جدا وتتفرجوا على عدد كبير ما الأفكار والصور سواء على pinterest أو جوجل، ودي اللي هتكون مرجع بالنسبة لكم، تقدروا تلاقوا أفكار وصور للأفراح هنا.

 تصوير: حامد كامل ولافكار اكتر دور هنا

  4- الحاجات اللي بتحبوها واللي مش بتحبوها:

الحاجات المشتركة بينك وبين عروستك هتكون عامل كبير في تحديد أسلوب تصوير الفرح وخلق فكرة جديدة. وده يخليك من البداية تبلغ المصور بكل حاجة بتحبها أو مش بتحبها أنت وعروستك، علشان يحط كل ده في الاعتبار وهو بيحدد فكرة التصوير.

 5- صور قبل الفرح:

لو ناويين تعملوا جلسة تصوير قبل الفرح، لازم المصور يكون عارف الألوان والملابس اللي هتلبسوها أنتم الاتنين، لإن ممكن الألوان متكونش ماشية مع بعض، أو يكون في فكرة جديدة في باله حابب يعملها.

تصوير: رامي مزيكا

6- The Golden hour أو الوقت الذهبي للصورة:

ده أفضل وقت للصور الرئيسية للفرح، بتكون قبل الغروب بساعة واحدة بس، لو حابين الصور تكون خارج الاستديو، ودي بتكون فرصة كبيرة لصورة مميزة ومش مكررة.

تصوير: Chronicle Studios

7- تفاصيل الديكور والقاعة:

لازم مصور الفرح يعاين قاعة الفرح والديكور على الأقل مرة واحدة قبل الفرح، ده هيساعده بشكل كبير إنه يقدر يرسم صورة كاملة للفرح قبل التصوير، ومش بس كدة، ده ممكن يساعده في تصور شكل مونتاج وموسيقى الفرح.

8- تحديد وقت الصور الجماعية:

لازم تحددوا مع المصور وقت معين للصور الجماعية، سواء مع الأهل أو الأصحاب، مش في أي وقت أي حد عاوز يتصور معاكم يتصور، ده هيديكوا فرصه إنكم تستمتعوا بالفرح، وكام هيخلي في نظام أكتر في التقاط الصور.

 

تصوير: محمد عاطف

9- بغض النظر عن أي حاجة استمتعوا بفرحكم:

في بعض الأحيان ممكن تحصل أي حاجة مش متوقعة، مش معمول حسابها، لكن الأهم إنكم تستمتعوا بفرحكم، لأن اليوم ده مش بيحصل إلا مرة واحدة في العمر، ما تخلوش أي حاجة تسرق فرحتكم.

الفرح بيحصل مرة واحدة في العمر، ودايما الصور هي اللي بترسخ الذكريات الحلوة في ليلة مهمة زي الفرح، وعلشان كده اختيار مصور الفرح مش حاجة سهلة، وكمان له أساسيات.

 قبل ما تختار مصور الفرح في 9 خاجات لازم تعرفها: 

تصوير: ريمون الماركيز

1- مقابلة المصور على الأقل مرتين قبل الفرح:

لازم يحصل اجتماع على الأقل مرتين مع المصور قبل الفرح، في المرة الأولى اتعرف منه على أسلوبه وطريقته، واعرض أفكارك عليه، وإذا اقتنعت بيه، في المرة التانية اتكلم معاه في تفاصيل وشكل وبرنامج الفرح.

 2- النقاط المشتركة بين العروسة والعريس:

النقاط المشتركة بينك وبين عروستك زي الألوان اللي بتحبوها، مكان معين بتحبوا تروحوه، أو مثلا بتحبوا المغامرة وتسلق الجبال، كل الحاجات دي هتساعد مصور الفرح إنه يخلق أفكار جديدة للصور، وكل ما كانت الفكرة جديدة، كل ما كانت الصور أحلى. 

 3- عرض الأفكار:

في المقابلة الأولى اعرض على المصور الأفكار اللي عاوزين تنفذوها، وده هيكون من خلال الصور اللي عجبتكم بعد ما تدوروا كويس جدا وتتفرجوا على عدد كبير ما الأفكار والصور سواء على pinterest أو جوجل، ودي اللي هتكون مرجع بالنسبة لكم، تقدروا تلاقوا أفكار وصور للأفراح هنا.