٨ خطوات لاختيار خبير المكياج لفرحك
Marwa Yehia
May 21, 2019
وقت القراءة:
4د
٨ خطوات لاختيار خبير المكياج لفرحك
لما يتعلق الموضوع بتحضيرات الفرح، كل عروسة بتدور على الأفضل وخصوصا في المكياج، ورغم معرفتها بأن فيه بعض من خبراء المكياج بيكون سعرهم مبالغ فيه، لكن عندها الاستعداد إنها تدفع مبلغ كبير في نظير أنها تكون الأجمل يوم الفرح.
لكن اختيار خبير المكياج مش سهل زي ما الكل فاكر، خاصة إن كل خبير وله طريقته وأسلوبه في إبراز جمال العروسة، إزاي تختاري خبير المكياج أو الميكب ارتست ليوم فرحك؟، ده اللي هنعرفك عليه في الخطوات اللي جاية.
1- حددي مكياجك
قبل ما تقرري اختيار خبير المكياج، لازم تحددي مكياجك، هل عاوزاه طبيعي سموكي ولا حابة يكون ثقيل،، كمان لازم تحددي الألوان اللي حابة تستعمليها في فرحك، سواء حابة الألوان تكون رايحة على ذهبي، فضي أو بينك، وده هيكون من خلال البحث اللي هتعمليه عن ألوان وأشكال المكياج.
خبيرة المكياج ريهام خليفة
2- صور المكياج
بعد ما حددتي مكياجك وألوانه واختارتي الصور، احتفظي بصور المكياج اللي شايفة إنك عاوزة تعملي زيها، علشان لما تقعدي مع خبير المكياج تقدري توصلي أفكارك له بطريقة سهلة.
3- اختيار خبير المكياج
إسألي البنات المحيطين بيكي، سواء اللي في دايرة الأقارب أو صديقات في لنادي أو زميلاتك في الشغل، عن ترشيحات لأسماء خبراء مكياج، ودوري على صفحاتهم وحساباتهم على السوشيال ميديا، واتفرجي على شغلهم في مكياج العروسة بذات بعناية شديدة، لأنه ممكن يكون شاطر لكن في مكياج العروسة مش شاطر، علشان كدة لازم تركزي جدا في شغله.
شوفي أكتر: إزاي تختاري بوكيه الفرح
خبير المكياج أحمد جمال
4- الحيرة في تحديد خبير المكياج
بعد البحث ممكن تقعي في حيرة الاختيار بين الأفضل، وهنا لازم تكتبي أسماء الخبراء اللي عجبك شغلهم، وأرقام تليفوناتهم.
5- تحديد الأسعار
اتصلي بكل خبراء المكياج اللي اخترتيهم، وأعرفي أسعارهم وشوفي إذا كان السعر هيناسب ميزانيتك ولا لأ، وخدي بالك كل ما كان وقت الفرح قرب كل ما كان السعر أغلى.
خبيرة المكياج سها خوري
6- موعد للزيارة
حددتي خلاص خبير المكياج المناسب لميزانيتك، لازم تآخدي موعد للزيارة، علشان يشوف شكل الوش وتقسيمته، البشرة، وتعرضي عليه أشكال المكياج اللي اخترتيهم، خاصة وإن ممكن تكون فيه حاجة عجباكي بس مش لايقة عليكي، وده اللي هتعرفيه لما تقابلي خبير المكياج.
7- بروفة المكياج
إنتي عروسة، ما تتنازليش أبدا عن بروفة المكياج، لازم تجربي كمان أنواع المكياج اللي هيستخدمها خبير المكياج في الفرح، علشان تعرفي إذا كان في أي حاجة منها ممكن تأثر على بشرتك ولا لأ، ومن الأفضل تكون البروفة قبل الفرح بشهرين أو 3 علشان لو قررتي تروحي لحد تاني يكون عندك وقت.
خبيرة المكياج اّية عبد الحميد
8- الاتفاق النهائي
في حالة إذا كانت بروفة المكياج عجبتك، وأنواع المكياج كانت مناسبة لبشرتك اتفقي وادفعي مبلغ الحجز.
لما يتعلق الموضوع بتحضيرات الفرح، كل عروسة بتدور على الأفضل وخصوصا في المكياج، ورغم معرفتها بأن فيه بعض من خبراء المكياج بيكون سعرهم مبالغ فيه، لكن عندها الاستعداد إنها تدفع مبلغ كبير في نظير أنها تكون الأجمل يوم الفرح.
لكن اختيار خبير المكياج مش سهل زي ما الكل فاكر، خاصة إن كل خبير وله طريقته وأسلوبه في إبراز جمال العروسة، إزاي تختاري خبير المكياج أو الميكب ارتست ليوم فرحك؟، ده اللي هنعرفك عليه في الخطوات اللي جاية.
1- حددي مكياجك
قبل ما تقرري اختيار خبير المكياج، لازم تحددي مكياجك، هل عاوزاه طبيعي سموكي ولا حابة يكون ثقيل،، كمان لازم تحددي الألوان اللي حابة تستعمليها في فرحك، سواء حابة الألوان تكون رايحة على ذهبي، فضي أو بينك، وده هيكون من خلال البحث اللي هتعمليه عن ألوان وأشكال المكياج.
خبيرة المكياج ريهام خليفة
2- صور المكياج
بعد ما حددتي مكياجك وألوانه واختارتي الصور، احتفظي بصور المكياج اللي شايفة إنك عاوزة تعملي زيها، علشان لما تقعدي مع خبير المكياج تقدري توصلي أفكارك له بطريقة سهلة.
3- اختيار خبير المكياج
إسألي البنات المحيطين بيكي، سواء اللي في دايرة الأقارب أو صديقات في لنادي أو زميلاتك في الشغل، عن ترشيحات لأسماء خبراء مكياج، ودوري على صفحاتهم وحساباتهم على السوشيال ميديا، واتفرجي على شغلهم في مكياج العروسة بذات بعناية شديدة، لأنه ممكن يكون شاطر لكن في مكياج العروسة مش شاطر، علشان كدة لازم تركزي جدا في شغله.
شوفي أكتر: إزاي تختاري بوكيه الفرح
خبير المكياج أحمد جمال
4- الحيرة في تحديد خبير المكياج
بعد البحث ممكن تقعي في حيرة الاختيار بين الأفضل، وهنا لازم تكتبي أسماء الخبراء اللي عجبك شغلهم، وأرقام تليفوناتهم.
5- تحديد الأسعار
اتصلي بكل خبراء المكياج اللي اخترتيهم، وأعرفي أسعارهم وشوفي إذا كان السعر هيناسب ميزانيتك ولا لأ، وخدي بالك كل ما كان وقت الفرح قرب كل ما كان السعر أغلى.
خبيرة المكياج سها خوري
6- موعد للزيارة
حددتي خلاص خبير المكياج المناسب لميزانيتك، لازم تآخدي موعد للزيارة، علشان يشوف شكل الوش وتقسيمته، البشرة، وتعرضي عليه أشكال المكياج اللي اخترتيهم، خاصة وإن ممكن تكون فيه حاجة عجباكي بس مش لايقة عليكي، وده اللي هتعرفيه لما تقابلي خبير المكياج.
7- بروفة المكياج
إنتي عروسة، ما تتنازليش أبدا عن بروفة المكياج، لازم تجربي كمان أنواع المكياج اللي هيستخدمها خبير المكياج في الفرح، علشان تعرفي إذا كان في أي حاجة منها ممكن تأثر على بشرتك ولا لأ، ومن الأفضل تكون البروفة قبل الفرح بشهرين أو 3 علشان لو قررتي تروحي لحد تاني يكون عندك وقت.
خبيرة المكياج اّية عبد الحميد
8- الاتفاق النهائي
في حالة إذا كانت بروفة المكياج عجبتك، وأنواع المكياج كانت مناسبة لبشرتك اتفقي وادفعي مبلغ الحجز.
