٥ حاجات مكنتش تعرفهم عن دورك كعريس يوم الفرح

زوق معايا اليوم!

Large

عارف إحساسك لما تقول رأي ويطلع صح؟ عارف اللحظة الفاصلة بين إنه تحصل مشكلة وإن اليوم يعدي عادي وتكون أنت السبب في إنه اليوم يعدي بسلام؟ ده أحلى إحساس ممكن يكون عندك يوم فرحك، لما بسببك وبحاجات بسيطة تآخد بالك منها تخلي اليوم أحلى ليك ولعروستك ومتوصلش لمرحلة "زوق معايا اليوم!"

خلينا نقولك على ٥ حاجات مكنتش تعرفهم عن دورك كعريس يوم فرحك

١- أنت اللي مسؤول عن:

- الأهل: التعامل مع أهلك وأهلها يوم الفرح أحلى حاجة في الدنيا ممكن تقدمهالها، ومش هتنسالك الحركة دي العمر كله لو قدرت تبعد عنها توتر وقلق كل أم وأب في اليوم ده. 

- شكلك: متستناش حد يسألك أو يأكد عليك. شكلك وبدلتك وأي حاجة اتفقت مع عروستك عليها خليها جاهزة من قبل الفرح بيوم وريح دماغك. 

- أصحابك: أكد على القريبين منك يكونوا موجودين في المعاد وخصوصا لو هيكونوا معاك وقت التصوير، لأن في الفرح أنت اللي مسؤول عن أصحابك واللي ممكن يعملوه.

تصوير Chronicle Studios

- الشبكة والدبل: خليهم معاك أو مع حد من أصحابك القريبين لأنهم مسؤوليتك اليوم ده.

- الشكليات والرسميات: أي حاجة ليها علاقة بالورق والإجراءات والتغييرات وهكذا مهمتك أنت، فخليك دايما متابع ومتأكد إن كله تمام.

٢- إتأكد من:

- العربية: تنقلات اليوم من مسؤولياتك، سواء عربيتك أنت والعروسة أو عربية الأهل أو عربية الأصدقاء المقربين، فأكد على العربيات أول حاجة الصبح.

تصوير رامي مزيكا

- المكان: قبل ما تطلع أوضتك أو تروح تلبس بدلتك، اتأكد بس إن المكان جاهز واللي اتفقتوا عليه للفرح كله موجود.

- المواعيد: المصور هيوصل امتى؟ الفرح هيبدأ الساعة كام؟ التورتة والبوفيه امتى؟ وكل الأسئلة اللي ليها علاقة بمواعيد اليوم هتكون اجاباتها عندك أنت، فخليك جاهز وعارف تتواصل مع مين علشان يوم الفرح مفيش أي حاجة تفاجأك.

- المفاجآت: دي بقى الحاجات الطارئة، اللي مش معمول حسابها واللي طبيعي ممكن تحصل. ولو جالك أنت الأول خبر إن أي حاجة اتغيرت أو مش جاهزة، حاول تتصرف من غير ما تقول لحد، وخصوصا العروسة، غالبا هي مش هتآخد بالها أصلا لو الموضوع اتحل من برا برا. 

٣- عروستك متوقعة منك:

- اهتمام:هي متوقعة منك شوية اهتمام، بس مش بيها ولكن بفكرة الفرح نفسها، اهتمام بإن اليوم يطلع جميل. ففي يوم فرحك، حاول تقولها حاجة تعرفها قد إيه أنت كمان مهتم زيها باليوم ده. 

تصوير ميلاد نصيف

- مجاملات وكلام حلو: عروستك مستنية منك كلمتين حلوين اليوم ده، المجاملات مش هتخسرك حاجة ولكن الأكيد إنها هتكسبك كتير. "بحبك" "شكلك أحلى مما كنت مُتخيل" "كله هيبقى كويس" كلام زي ده، هيكون ليه مفعول السحر.

- هدية الفرح: هو مش لازم، بس من الآخر عروستك هتبقى مستنية منك هدية بسيطة وصغيرة يوم الفرح. هدية تقولها قد إيه هي مهمة عندك. لو قدرت تجيبلها يوم الفرح الصبح حاجة كان نفسها فيها ومطلبتهاش، مش هتصدق قد إيه هي هتكون مبسوطة وأنت كمان.

٤- أنت محتاج:

- توصل بدري: أكبر هاجس عند كل عروسة إن العريس يتأخر عن التصوير أو الفرح. فوصولك بدري هيريحها ويريحلك دماغك وهتبقى كسبتها وكسبت ثقتها للأبد.

تصوير حامد كامل

- تكون جاهز:أنت بس خليك جاهز من بدري وهتلاقي ٨٠٪ من قلق اليوم اختفى عندك وعندها.

- تعمل نفسك هادي وتبتسم: حتى لو الواقع غير كده، اعمل إنك هادي وإنه عادي جدا وكله هيبقى كويس وابتسم. وبعد شوية، هتلاقيها هي كمان فكت ومبقاش فيه أي حاجة قلقاها.

٥- اعرض إنك:

- تقول كلمة: حاول توجه كلام حلو للمهمين بالنسبالك في الفرح، أصحابك، أهلك، عروستك أو حد معين من المعازيم، ده هيخلي فرحك مميز ليك وليهم. وممكن بدل الكلام، تقرر تغني مثلا أو ترقص من حد منهم.

- تعمل حركة غير متوقعة: أكيد ده زيادة، بس لو قدرت تفاجئ عروستك بحركة غير متوقعة ليها، هتبقى عريس أكتر من مثالي بكتير. 

- ترقص: عرض الرقص هنا مش مقصود بيه الرقصة الأولى لعروستك، إنما مقصود بيه إنك ترقص مع أم العروسة أو مامتك وممكن ترقص مع اخواتك أو اخواتها ولو ليها صديقة مقربة جدا أو فيه طفلة في العيلة مهمة ليك أو ليها، اعرض إنك ترقص معاهم. حاجة زي دي، هتفرق مع كل واحدة من دول كتير ومع عروستك أول حد، لأن اهتمامك باللي يهموها والبنات اللي في عيلتك هيخليها تطمنلك فوق ما تتخيل وحبها ليك يزيد أضعاف. مين ممكن يرفض عرض رقص زي ده من عريس ليلة فرحه؟! 

تصوير محمد عاطف

- تسجل وتوثق اللحظة:مش مطلوب منك تخترع حاجات جديدة، بس لو قدرت يوم فرحك تعمل مشهد يستحق التوثيق والتسجيل هيكون شيء هايل، زي إنك تشيل العروسة أو تقرر ترقص رقصة جماعية مع أصحابك أو تغنوا أغنية كلكم سوا.

 

عارف إحساسك لما تقول رأي ويطلع صح؟ عارف اللحظة الفاصلة بين إنه تحصل مشكلة وإن اليوم يعدي عادي وتكون أنت السبب في إنه اليوم يعدي بسلام؟ ده أحلى إحساس ممكن يكون عندك يوم فرحك، لما بسببك وبحاجات بسيطة تآخد بالك منها تخلي اليوم أحلى ليك ولعروستك ومتوصلش لمرحلة "زوق معايا اليوم!"

خلينا نقولك على ٥ حاجات مكنتش تعرفهم عن دورك كعريس يوم فرحك

١- أنت اللي مسؤول عن:

- الأهل: التعامل مع أهلك وأهلها يوم الفرح أحلى حاجة في الدنيا ممكن تقدمهالها، ومش هتنسالك الحركة دي العمر كله لو قدرت تبعد عنها توتر وقلق كل أم وأب في اليوم ده. 

- شكلك: متستناش حد يسألك أو يأكد عليك. شكلك وبدلتك وأي حاجة اتفقت مع عروستك عليها خليها جاهزة من قبل الفرح بيوم وريح دماغك. 

- أصحابك: أكد على القريبين منك يكونوا موجودين في المعاد وخصوصا لو هيكونوا معاك وقت التصوير، لأن في الفرح أنت اللي مسؤول عن أصحابك واللي ممكن يعملوه.

تصوير Chronicle Studios

- الشبكة والدبل: خليهم معاك أو مع حد من أصحابك القريبين لأنهم مسؤوليتك اليوم ده.

- الشكليات والرسميات: أي حاجة ليها علاقة بالورق والإجراءات والتغييرات وهكذا مهمتك أنت، فخليك دايما متابع ومتأكد إن كله تمام.

٢- إتأكد من:

- العربية: تنقلات اليوم من مسؤولياتك، سواء عربيتك أنت والعروسة أو عربية الأهل أو عربية الأصدقاء المقربين، فأكد على العربيات أول حاجة الصبح.