١٥ حاجة للعريس والعروسة مينفعش تتعمل يوم الفرح

ابعدوا عن الحاجات دي يوم الفرح

Large

مفيش كتالوج أو دليل للعريس والعروسة يمشوا عليه يوم الفرح علشان يتفادوا أي أخطاء ممكن تحصل، وحرصا على توفير كل سبل الراحة لليوم ده، هنقولكم على بعض الحاجات اللي مينفعش تقعوا فيها يوم الفرح، لأنها ممكن تيجي بنتائج عكسية لو التعامل معاها مكانش بالشكل الصحيح.

15 حاجة ابعدوا عنها يوم الفرح:

1- أول لبسة

كلنا بنحب نلبس اللبس الجديد في المناسبات ويا سلام بقى لو المناسبة دي فرحك، لكن اللي مش لطيف إنك تحس بالألم، وهي دي مشكلة الجزم الجديدة. علشان كده لازم الجزمة تريح في الرجل الأول لأن وجع الرجلين وبالذات القدم ممكن يخليكم متضايقين طول اليوم.

2- تغيير جذري

البدايات دايما حلوة، فيها تغيير كبير سواء في المشاعر أو الشكل، لكن بلاش تعملوا التغيير ده يوم الفرح حتى لو أصحابكم أو متخصصين فرحكم بيشجعوكم عليه، لأن ببساطة عمرك ما هتعرف التغيير حلو أو لأ غير لما يحصل. خليها ليوم تانى بلاش مخاطرة يوم الفرح.

3- نسيان الأكل

تخطي أي وجبة من الوجبات الأساسية تعتبر أسوأ فكرة في العالم ممكن تعملوها، خصوصا لو يوم الفرح! أكيد مش عاوزين تشعروا بدوخة أو غثيان أو حتى كسل قبل الفرح. لازم تفطروا كويس جدا، ولو مش عارفين تاكلوا إيه ممكن تقروا  للعريس والعروسة هتفطروا إيه يوم الفرح؟

4- خدوا نفس عميق واهدوا كده

بعد فترة طويلة من الإرهاق وعمل كل حاجة بنفسكم، بلاش تحسسوا نفسكم بمسؤولية يوم الفرح، سيبوا كل المسؤوليات لأشخاص تانيين. اهدوا ابعدوا عن أي حاجة ممكن توتركم وتعصبكم ، كل حاجة هتتعمل.

5- الحركة والتمرين

لو متعودين على التمرينات والحركة بشكل كبير خلال اليوم العادي، حاولوا في اليوم ده تبعدوا عن أي تدريبات صعبة أو بتحتاج لمجهود كبير. ممكن تعملوا يوجا أو استشريتشات، علشان ما توصلوش الفرح وانتوا مجهدين.

6- توصلوا بدري أو متأخر

كل حاجة بالعقل حلوة، يعني ما توصلوش الفرح بدري ولا تتأخروا بشكل كبير. إدوا الضيوف فرصة من 30 لـ 40 دقيقة بعد المعاد المحدد في الدعوة الفرح. في نفس الوقت بلاش تتأخروا بشكل كبير وتخلوا الضيوف تسأل عليكم وعلى سبب التأخير.

شوفي أكتر: النهارده فرحي يا جدعان!

7- خارج عن السيطرة

في حاجات ممكن تحصل اليوم ده مش في الحسبان، ولا حتى في إيدك إنك تقدر تسيطر عليها! زي إن الدنيا تمطر! ده مش معناه إن الفرح باظ أو اتدمر، بلاش تضايقوا وطلعوا أي حاجة من دماغكم، انبسطوا بلاش تضيعوا وقت ممكن تنبسطوا فيه.

8- اختفاء مطول

نداء الطبيعة هو الاختفاء الوحيد المسموح بيه، غير كده ممكن الناس تتضايق والأقاويل تتكاثر وبعدين محبكتش تستفردوا ببعض دلوقتي. قدامكم العمر كله إن شاء الله.

9- ركزوا مع بعض وبس

انتم الاتنين في اليوم ده هتكونوا الوحيدين اللي عندكم شعور وإحساس واحد بين كل الناس اللي حواليكم، خليكم حوالين بعض، ركزوا مع بعض، لأن اليوم ده هو يوم احتفالكم بحبكم لبعض.

10- دراما المعازيم 

ممكن ناس توصل متأخر، وممكن ناس تانية ما تجيش الفرح من الأساس، وتاس تانية ممكن تقلبها دراما! نصيحة، ملكوش دعوة بأي حاجة، لازم تقنعوا نفسكم إن أي حاجة من الحاجات دي مش هتأثر عليكم بأي شكل من الأشكال، بلاش تخلوا حد يضايقكم أو يشد أعصابكم في اليوم ده.

11- تحضير الشنط

تحضير شنطة يوم الفرح أو شهر العسل تكون قبل الفرح بأيام، لازم تحضروها قبل الفرح بكام يوم ومش يوم الفرح، علشان ما تنسوش أي حاجة لأن ممكن تنسوا حاجات من كتر الاستعجال.

12- الخروج عن شعوركم

سيطروا واتحكموا في أعصابكم، اللي بيآخد خطوة الجواز شخص عقلاني، قادر يتحكم ويسيطر على الأمور، وبالتالي لو فيه أي حاجة من المتفق عليها ما حصلتش، سيطر على أعصابك واتعامل بمنتهى الهدوء.

13- ماما هتقول إيه

طبقوا الأخلاقيات اللي أمهاتنا كانت بتقولها زمان، زي إننا نتكلم بطريقة كويسة، نسلم على الناس ونرحب بيهم. جاملوا الناس اللي أخدوا من وقتهم وفضوا نفسهم علشان يحضروا فرحكم.

 

14- الرغي الكتير بلاش منه

يوم فرحكم مش زيارة منزلية أو مقابلة على الماشي في الشارع، مينفعش تقفوا تتكلموا وقت طويل مع حد، خلوا الكلام في حدود المعقول، وخدوا بالكم وانتم بتنهوا الحديث، لازم يكون بطريقة لطيفة فيها نوع من المجاملة.

15- مكان الرقص 

بلاش تخلوا الـDance floor  متقسمة مكان لأصحاب العريس ومكان لأصحاب العروسة، يعني الاتنين يبقوا بيرقصوا في مكان واحد ومفيش أي تفاعل بينهم. آخر نقطة، بلاش تحسوا بإنكم مضغوطين لما تلاقوا نفسكم جوا دايرة وأصحابكم بيرقصوا حواليكم، ده جزء من الفرح المصري الأصيل.

كل النصايح اللي فاتت دي من عرسان وعرايس مروا بنفس التجربة يوم الفرح، مش لازم تنطبق على كل واحد لأن كل واحد مفهوم الفرحة عنده مختلف عن التاني، وتعريف يومكم الحلو يكون من وجهة نظركم انتم.

 

مفيش كتالوج أو دليل للعريس والعروسة يمشوا عليه يوم الفرح علشان يتفادوا أي أخطاء ممكن تحصل، وحرصا على توفير كل سبل الراحة لليوم ده، هنقولكم على بعض الحاجات اللي مينفعش تقعوا فيها يوم الفرح، لأنها ممكن تيجي بنتائج عكسية لو التعامل معاها مكانش بالشكل الصحيح.

15 حاجة ابعدوا عنها يوم الفرح:

1- أول لبسة

كلنا بنحب نلبس اللبس الجديد في المناسبات ويا سلام بقى لو المناسبة دي فرحك، لكن اللي مش لطيف إنك تحس بالألم، وهي دي مشكلة الجزم الجديدة. علشان كده لازم الجزمة تريح في الرجل الأول لأن وجع الرجلين وبالذات القدم ممكن يخليكم متضايقين طول اليوم.

2- تغيير جذري

البدايات دايما حلوة، فيها تغيير كبير سواء في المشاعر أو الشكل، لكن بلاش تعملوا التغيير ده يوم الفرح حتى لو أصحابكم أو متخصصين فرحكم بيشجعوكم عليه، لأن ببساطة عمرك ما هتعرف التغيير حلو أو لأ غير لما يحصل. خليها ليوم تانى بلاش مخاطرة يوم الفرح.

3- نسيان الأكل

تخطي أي وجبة من الوجبات الأساسية تعتبر أسوأ فكرة في العالم ممكن تعملوها، خصوصا لو يوم الفرح! أكيد مش عاوزين تشعروا بدوخة أو غثيان أو حتى كسل قبل الفرح. لازم تفطروا كويس جدا، ولو مش عارفين تاكلوا إيه ممكن تقروا  للعريس والعروسة هتفطروا إيه يوم الفرح؟

4- خدوا نفس عميق واهدوا كده

بعد فترة طويلة من الإرهاق وعمل كل حاجة بنفسكم، بلاش تحسسوا نفسكم بمسؤولية يوم الفرح، سيبوا كل المسؤوليات لأشخاص تانيين. اهدوا ابعدوا عن أي حاجة ممكن توتركم وتعصبكم ، كل حاجة هتتعمل.

5- الحركة والتمرين

لو متعودين على التمرينات والحركة بشكل كبير خلال اليوم العادي، حاولوا في اليوم ده تبعدوا عن أي تدريبات صعبة أو بتحتاج لمجهود كبير. ممكن تعملوا يوجا أو استشريتشات، علشان ما توصلوش الفرح وانتوا مجهدين.

6- توصلوا بدري أو متأخر

كل حاجة بالعقل حلوة، يعني ما توصلوش الفرح بدري ولا تتأخروا بشكل كبير. إدوا الضيوف فرصة من 30 لـ 40 دقيقة بعد المعاد المحدد في الدعوة الفرح. في نفس الوقت بلاش تتأخروا بشكل كبير وتخلوا الضيوف تسأل عليكم وعلى سبب التأخير.

شوفي أكتر: النهارده فرحي يا جدعان!

7- خارج عن السيطرة

في حاجات ممكن تحصل اليوم ده مش في الحسبان، ولا حتى في إيدك إنك تقدر تسيطر عليها! زي إن الدنيا تمطر! ده مش معناه إن الفرح باظ أو اتدمر، بلاش تضايقوا وطلعوا أي حاجة من دماغكم، انبسطوا بلاش تضيعوا وقت ممكن تنبسطوا فيه.

8- اختفاء مطول

نداء الطبيعة هو الاختفاء الوحيد المسموح بيه، غير كده ممكن الناس تتضايق والأقاويل تتكاثر وبعدين محبكتش تستفردوا ببعض دلوقتي. قدامكم العمر كله إن شاء الله.

9- ركزوا مع بعض وبس

انتم الاتنين في اليوم ده هتكونوا الوحيدين اللي عندكم شعور وإحساس واحد بين كل الناس اللي حواليكم، خليكم حوالين بعض، ركزوا مع بعض، لأن اليوم ده هو يوم احتفالكم بحبكم لبعض.

10- دراما المعازيم 

ممكن ناس توصل متأخر، وممكن ناس تانية ما تجيش الفرح من الأساس، وتاس تانية ممكن تقلبها دراما! نصيحة، ملكوش دعوة بأي حاجة، لازم تقنعوا نفسكم إن أي حاجة من الحاجات دي مش هتأثر عليكم بأي شكل من الأشكال، بلاش تخلوا حد يضايقكم أو يشد أعصابكم في اليوم ده.

11- تحضير الشنط

تحضير شنطة يوم الفرح أو شهر العسل تكون قبل الفرح بأيام، لازم تحضروها قبل الفرح بكام يوم ومش يوم الفرح، علشان ما تنسوش أي حاجة لأن ممكن تنسوا حاجات من كتر الاستعجال.