١٠ حاجات مينفعش تحصل في شهر العسل

Large

تحضيرات شهر العسل مش بتخلص في يوم وليلة، من حجوزات فنادق، تذاكر طيران وتحضير الشنط كل ده بياخد وقت كتير بس كل التعب ده مش بيقلل من حماسك وفرحتك انتي وجوزك لشهر العسل. 

أكيد هدفك إن شكلك يفضل جميل طول الوقت، لكن كلام الناس على الحوادث اللي بتحصل في شهر العسل مخليكي خايفه، قلقانة ومش عارفة إيه ممكن يحصل؟! مثلا طيارة تفوتكوا، إنك تنسي تأجلي الحمل، أو شكلك قدام جوزك يطلع بصوره مش لطيفة بسبب موقف ما، كل ده يديكى الحق إنك تقلقي، علشان كده هنقولك على 10 حاجات لازم تحصل في شهر العسل وحاجات تانية مينفعش تحصلك  وبالتالي هتعرفي تتجنبيها.

1- لازم تكوني مرتاحة فى شهر العسل:

إنتي وعريسك بتخرجوا من الفرح مرهقين جدا، وبالتالي أول يومين من شهر العسل بيكونوا متعبين جدا ليكم، تنفسي الصعداء كده ونامي كويس، قدامكوا العمر كله مع بعض.

2- بلاش تستعجلوا على الحمل:

ساعات وجود طفل في أول الجواز مش بيكون مناسب للبعض، علشان كدة لازم تعملي حسابك في موانع حمل قبل ما تسافري لو واخدة قرار التأجيل.

3- لازم تحافظي على نعومة جسمك:

إعملي حسابك في شفرة حلاقة أو سيلك أبيل، علشان يفضل جسمك دايما ناعم وتقدري تلبسي اللي نفسك فيه

4- مينفعش يكون في زهق فى شهر العسل

حضري الأغاني المفضلة اللي بتربط بينكم بمواقف مميزة، زى مثلا أول أغنية رقصتوا عليها مع بعض، استمتعوا بالبلد اللي انتوا فيها وزوروا الأماكن السياحية والأثرية لو فيه.

5- مينفعش تنسوا مواقف حصلت فى شهر العسل

وثقي رحلة شهر العسل بالطريقة المناسبة ليكي، لو بتحبي تكتبي، خدي معاكي مذكرة ولو بتحبي التصوير يبقى متنسيش الكاميرا، المهم تسجلي وتحتفظي بذكريات تفتكريها دايما بعد سنين طويلة من الزواج.

أقرا أكتر: قبل الفرح بـ5 شهور: 10 حاجات هتساعدك تحدد مكان شهر العسل

6- مينفعش تتعبي فى شهر العسل

تغيير الجو والأكل ممكن يسبب حساسية أو تعب لبعض الناس، علشان كده لازم تخدى معاكي أدوية، للحساسية، البرد، الحرارة ومطهر معوي، بعد الشر عليكوا طبعا بس الاحتياط واجب.

7- خليكي خفيفة فى شهر العسل

الكعب والشنط  أكثر حاجات بتعطلنا واحنا ماشيين، علشان كدة لازم تاخدي معاكي كوتشي مريح وشنطه waist، وتيشيرتات قطن. 

8- خليكي متجددة في شهر العسل

ما تنسيش تاخدي معاكي قطع من اللانجيري بموديلات وألوان مختلفة إنتي إنهم هيعجبوه، وطبعا أكتر من فستان للسهرات.

9- مينفعش يحصلك مفاجآت في شهر العسل

قبل ما تسافري لازم تقعدي على الانترنت وتدوري على أفضل الأماكن والنشاطات اللي بتتعمل في البلد اللي هتقضوا فيها شهر العسل، لازم تعرفي  اخبار جو حر ولا شتاء، لإن لو مش عاملة حسابك في لبس شتوي مثلا ممكن الدنيا تمطر فجأة ويومك يبوظ.

10- خليكي مميزة في شهر العسل

 خدي معاكي عطر وشاور جل برائحة مميزة، زي ما شكلك ولبسك لازم يميزوكي، ريحتك كمان لازم تكون مميزة، الروائح من الحاجات اللي بترجعنا وتفكرنا بأمكان ومواقف عشناها قبل كده، خلي ريحتك هي اللي تفكروا دايما بشهر العسل.

بعد كل التحضيرات دي، هيكون نفسك حياتك كلها تبقى شهر عسل مع جوزك، وكوني متأكدة إن الأيام اللي هتقضيها مع جوزك هناك هتكون من أجمل أيامكوا مع بعض. 

 

 

تحضيرات شهر العسل مش بتخلص في يوم وليلة، من حجوزات فنادق، تذاكر طيران وتحضير الشنط كل ده بياخد وقت كتير بس كل التعب ده مش بيقلل من حماسك وفرحتك انتي وجوزك لشهر العسل. 

أكيد هدفك إن شكلك يفضل جميل طول الوقت، لكن كلام الناس على الحوادث اللي بتحصل في شهر العسل مخليكي خايفه، قلقانة ومش عارفة إيه ممكن يحصل؟! مثلا طيارة تفوتكوا، إنك تنسي تأجلي الحمل، أو شكلك قدام جوزك يطلع بصوره مش لطيفة بسبب موقف ما، كل ده يديكى الحق إنك تقلقي، علشان كده هنقولك على 10 حاجات لازم تحصل في شهر العسل وحاجات تانية مينفعش تحصلك  وبالتالي هتعرفي تتجنبيها.

1- لازم تكوني مرتاحة فى شهر العسل:

إنتي وعريسك بتخرجوا من الفرح مرهقين جدا، وبالتالي أول يومين من شهر العسل بيكونوا متعبين جدا ليكم، تنفسي الصعداء كده ونامي كويس، قدامكوا العمر كله مع بعض.

2- بلاش تستعجلوا على الحمل:

ساعات وجود طفل في أول الجواز مش بيكون مناسب للبعض، علشان كدة لازم تعملي حسابك في موانع حمل قبل ما تسافري لو واخدة قرار التأجيل.