يومين قبل ليلة الحنة 8 حاجات لازم تعمليها يا عروسة

من اللبس لغاية لستة الأغاني

Large

ليلة الحنة من أهم الليالي بالنسبة للعروسة، والاهتمام بيها بيبقى زي الاهتمام بالفرح، لكن الاختلاف بيكون في شكل الاهتمام، خصوصا إنها تعتبر آخر تجمع للعروسة مع صاحباتها قبل الفرح، وعلشان كدة ليها اهتمام وخصوصية مختلفة.

تجهزي نفسك إزاي لليلة الحنة.. وهل في تفاصيل معينة لازم تهتمي بيها.. تحضري إيه وهل التحضيرات دي صعبة وبتاخد وقت؟، كل ده هنقولك عليه باختصار في 8 خطوات سهلة، علشان ما تشليش هم وتبعدي عن أي حاجة ممكن توترك في ليلة الحنة.

إيه الـ8 حاجات اللي المفروض تعملها العروسة قبل ليلة الحنة بيومين؟: 

1- جاهزة يا عروسة!

قبل الحنة بيومين لازم تخضعي لإزالة شعر الجسم بالكامل، وده مش بدري زي ما انتي متخيلة، لأن ده هيدي فرصة لبشرتك إنها تهدى من الاحمرار قبل الحنة والفرح، وفي الوقت نفسه لو حصل أي حاجة أثناء إزالة الشعر تلحقي تعالجيها.

2- السكراب وترطيب الجسم قبل الحنة:

اتخصلي من الجلد الميت عن طريق السكراب قبل إزالة الشعر، وكمان ده بيدي فرصة لأي شعر موجود تحت الجلد يظهر فوق الجلد، وبالتالي عملية إزالة الشعر بتكون أسهل وغير مؤلمة.

الترطيب، بيكون بعد إزالة شعر الجسم، مسام البشرة بيكون مفتوح وده بيساعد على امتصاص المرطب فبشرتك بتكون أنعم بكتير.

3- بلاش استسهال: 

بلاش استسهال في اختيار اللبس اللي هتلبسيه في ليلة الحنة، وعلشان الوقت ما يبقاش ضيق يوم الحنة، حضري لبسك قبلها بيومين، خاصة لو ناوية تعملي حفلة لها ستايل ولبس مخصوص، سواء تسعيناتي سبعيناتي أو حتى ناوية تكوني شخصية خيالية، لازم تحضري لبسك وتجربيه قبل بيومين.

4- إنتي دي جي ليلة الحنة:

اعملي لستة بالأغاني اللي عاوزة ترقصي عليها في ليلة الحنة، وقسميها، يعني لو فكرة ليلة الحنة تسعيناتي اعملي فايل فيه أجمل أغاني التسعينات، وفايل تاني للأغاني اللي حابة ترقصي وتهيصي عليها مع أصحابك، والأفضل إنك تحطي الفايلات دي على USB لوحدها وما تشغليش الأغاني من الانترنت بشكل مباشر علشان لو فصل أو حصل أي ظرف.

شوفي أكتر: تختاري ليلة حنة تقليدية ولا حاجات آخر شقاوة؟

5- القاعدة الحلوة تحلى بالأكل:

تجميعة الأصحاب بتحلى بالأكل والسناكس، لو ناوية في الحنة يكون فيه عشاء، لازم تكوني جهزتي كل حاجة، وعملتي الأوردر من أسبوع، لكن قبل الحنة بيومين تأكدي على المكان اللي عاملة أوردر العشاء من عنده على الكميات والمواعيد.

6- أكدي على صاحباتك:

أكدي على صاحباتك يوم ومعاد الحنة، ولو متفقة معاهم على لوك ولبس معين فكريهم.

7- سجلي اللحظات الحلوة: 

ما تنسيش تسجلي كل لحظة في ليلة الحنة، ويا سلام لو كان من أول ما تصحي من النوم، سواء بالصور أو الفيديو، إوعي تفوتي لحظة في اليوم ده من غير ما تسجليها، لأنها هتكون ذكرى حلوة تفتكريها بعد سنين كتير، خلي أختك أو بنت خالتك أو صديقتك المقربة تتولى تسجيل اللحظات دي، وتكون ضلك في ليلة الحنة.

8- الجميلة النائمة: 

لازم تنامي كويس، مش أقل من 8 ساعات، والأفضل إن معاد نومك يكون قبل الساعة 12 بليل، النوم بيساعد على تقليل التوتر والضغوط ، وطبعا في الجزء الجمالي إن الراحة بتأثر بشكل مباشر على البشرة وعلى جمال وصفاء العين.

كل النصائح اللي فاتت من خبرات عرايس سابقة، اعمليهم قبل ليلة الحنة بيومين علشان ما تحسيش بالتوتر، افتكري إن التحضيرات دي وسيلة علشان تكونى مبسوطة، هي ليلة زي ليلة الفرح مش هتتعوض ولا هتتكرر. 

ليلة الحنة من أهم الليالي بالنسبة للعروسة، والاهتمام بيها بيبقى زي الاهتمام بالفرح، لكن الاختلاف بيكون في شكل الاهتمام، خصوصا إنها تعتبر آخر تجمع للعروسة مع صاحباتها قبل الفرح، وعلشان كدة ليها اهتمام وخصوصية مختلفة.

تجهزي نفسك إزاي لليلة الحنة.. وهل في تفاصيل معينة لازم تهتمي بيها.. تحضري إيه وهل التحضيرات دي صعبة وبتاخد وقت؟، كل ده هنقولك عليه باختصار في 8 خطوات سهلة، علشان ما تشليش هم وتبعدي عن أي حاجة ممكن توترك في ليلة الحنة.

إيه الـ8 حاجات اللي المفروض تعملها العروسة قبل ليلة الحنة بيومين؟: 

1- جاهزة يا عروسة!

قبل الحنة بيومين لازم تخضعي لإزالة شعر الجسم بالكامل، وده مش بدري زي ما انتي متخيلة، لأن ده هيدي فرصة لبشرتك إنها تهدى من الاحمرار قبل الحنة والفرح، وفي الوقت نفسه لو حصل أي حاجة أثناء إزالة الشعر تلحقي تعالجيها.

2- السكراب وترطيب الجسم قبل الحنة:

اتخصلي من الجلد الميت عن طريق السكراب قبل إزالة الشعر، وكمان ده بيدي فرصة لأي شعر موجود تحت الجلد يظهر فوق الجلد، وبالتالي عملية إزالة الشعر بتكون أسهل وغير مؤلمة.

الترطيب، بيكون بعد إزالة شعر الجسم، مسام البشرة بيكون مفتوح وده بيساعد على امتصاص المرطب فبشرتك بتكون أنعم بكتير.

3- بلاش استسهال: 

بلاش استسهال في اختيار اللبس اللي هتلبسيه في ليلة الحنة، وعلشان الوقت ما يبقاش ضيق يوم الحنة، حضري لبسك قبلها بيومين، خاصة لو ناوية تعملي حفلة لها ستايل ولبس مخصوص، سواء تسعيناتي سبعيناتي أو حتى ناوية تكوني شخصية خيالية، لازم تحضري لبسك وتجربيه قبل بيومين.

4- إنتي دي جي ليلة الحنة:

اعملي لستة بالأغاني اللي عاوزة ترقصي عليها في ليلة الحنة، وقسميها، يعني لو فكرة ليلة الحنة تسعيناتي اعملي فايل فيه أجمل أغاني التسعينات، وفايل تاني للأغاني اللي حابة ترقصي وتهيصي عليها مع أصحابك، والأفضل إنك تحطي الفايلات دي على USB لوحدها وما تشغليش الأغاني من الانترنت بشكل مباشر علشان لو فصل أو حصل أي ظرف.

شوفي أكتر: تختاري ليلة حنة تقليدية ولا حاجات آخر شقاوة؟

5- القاعدة الحلوة تحلى بالأكل:

تجميعة الأصحاب بتحلى بالأكل والسناكس، لو ناوية في الحنة يكون فيه عشاء، لازم تكوني جهزتي كل حاجة، وعملتي الأوردر من أسبوع، لكن قبل الحنة بيومين تأكدي على المكان اللي عاملة أوردر العشاء من عنده على الكميات والمواعيد.