يومين بعد الفرح: المرحلة دي في حياتك اسمها العريس والمدام

Large

فات يومين على الفرح وأخدت أول خطوتين في حياتك الجديدة ومستقبلك. من يومين بالظبط خلصت مرحلة ما في حياتك ودخلت في جزء جديد، جزء مختلف تماما وغالبا مربك. كل حاجة اتغيرت حواليك، حتى الطريقة اللي الناس بتناديلك بيها في الشارع. دلوقتي اتحولت من "أستاذ" لـ "عريس" –هتفضل كده كتير على فكرة- وأنتي اتحولتي من "أستاذة" لـ "مدام" وخلاص محتاجة تقبلي اللقب الجديد وتتعاملي معاه. 

في يومكم التالت من الجواز، دي الحاجات اللي ممكن تبدأوا تعملوها.

 

Chronicle Studios: تصوير

استمر في حالة الراحة والاهتمام بالنفس:

دي أهم وأحلى نصايح ممكن نقدمهالك دلوقتي. 

١- استمتع بنوم هادي ولمدة طويلة على قد ما تقدر.

٢- استمر في حالة الراحة والاسترخاء. 

٣- اعمل روتين جديد للاهتمام بنفسك، فيه الحاجات اللي بتخليك مبسوط. ممكن تعمل زيارة سريعة للـ Spa علشان تكمل اليوم.

٤- ما تستعجلش على السفر، لو تقدر تأجل شهر العسل يوم كمان، اعمل كده.

٥- استمتعوا بكل الوقت اللي بتقضوه سوا، استمتعوا بإنها يمكن تكون المرات الأولى اللي بتقضوا فيها أيام كاملة مع بعض.

خلي بالك من:

بعد الفرح بيومين، فيه حاجات بسيطة اخلص منها وشيلها من حساباتك. 

١- اللي باقي من تورتة الفرح والبوفيه. لو بعد يومين لسه فيه أكل باقي، يبقى غالبا مش هيتاكل خلاص والأفضل إنك تتخلص منه. 

٢- هدايا الجواز. لو لسه ما فتحتش الهدايا، ممكن تبدأ تفتحها تالت يوم وتقرأ اللي مكتوب على كل حاجة.

٣- قائمة الهدايا بتاعتك. بعد ما تعرف إيه الهدايا اللي جتلك، شيلها من قائمة الهدايا اللي أصحابك شايفينها أونلاين، علشان اللي هيجيب لسه هدية ميكررش الأفكار. 

٤- لو عندك رسايل تكتبها أو تبعتها للمعازيم أو للناس اللي بعتتلك هدايا، تالت يوم مناسب جدا إنك تعمل كده. 

٥- رأيك وتقييمك بالنسبة لمتخصصين الفرح اللي ساعدوك زي المصور ومنظم الفرح والمكان وهكذا. اكتب تعليقك وتقييمك على صفحاتهم للناس. 

٦- السوشيال ميديا بتاعتك، لو أنت شخص متفاعل أونلاين وموجود بشكل دائم يبقى أكيد أصحابك مستنيين اللحظة اللي هتدخل تكتب فيها "Married". 

أكد على:

هتحتاج تعمل كام مكالمة سريعة وتأكد على كذا حاجة زي:

١- حجز شهر العسل.

٢- تذاكر السفر، سواء طيارة، أوتوبيس أو قطر. 

٣- ورق الجواز والسفر الرسمي، زي الباسبور وقسيمة الجواز.

٤- تجهيز وتحضير شنط السفر.

 

ما تفوتش:

دي اللحظات اللي مينفعش تفوتها. 

١- ليلة كاملة في الشارع سوا. دي فرصتكم إنكم تخرجوا وتقضوا الليلة كلها برا البيت من غير ما حد يقول لأ. اخرجوا في مكان جديد واستمتعوا بالسهر.

٢- اطلب الأكل من برا طول اليوم، فطار، غدا، عشا وحتى القهوة والمشروبات. دلع نفسك!

٣- ما تفوتش تسجيل اللحظة والإحساس. صوروا فيديو، اتصوروا صور كتير، سجلوا صوت أو أغنية وممكن حتى تكتبوا اللي حاسينه، المهم إن يكون فيه طريقة لتخليد وتوصيف المشاعر اللي حاسينها في أول الجواز. أنتم الاتنين هترجعوا كتير للحاجات دي بعد كده. 

٤- اتفرجوا على فيديوهات وصور الفرح وكتاب المعازيم اللي فيه رسايلهم. جمع كل الحاجات اللي اتبعتتلكم اليومين اللي فاتوا، واختاروا ركن مريح كده مع الفشار وابدأوا اتفرجوا. يمكن تستمتعوا باللحظات دي أكتر من الفرح نفسه.

٥- اتكلموا عن الفرح. ده أحسن وقت تتكلموا فيه عن اليوم، إيه اللي عملتوه، قد إيه كان الموقف غريب عليكم ويمكن محرج، قد إيه كنتم متحمسين وإزاي المعازيم كانوا متفاعلين معاكم. اتكلموا عن ده، اتكلموا عن تفاصيل اليوم وما تفوتش أبدا فرصة زي دي لكلام من القلب من غير أي تفكير ولا تزويق.

 

فات يومين على الفرح وأخدت أول خطوتين في حياتك الجديدة ومستقبلك. من يومين بالظبط خلصت مرحلة ما في حياتك ودخلت في جزء جديد، جزء مختلف تماما وغالبا مربك. كل حاجة اتغيرت حواليك، حتى الطريقة اللي الناس بتناديلك بيها في الشارع. دلوقتي اتحولت من "أستاذ" لـ "عريس" –هتفضل كده كتير على فكرة- وأنتي اتحولتي من "أستاذة" لـ "مدام" وخلاص محتاجة تقبلي اللقب الجديد وتتعاملي معاه. 

في يومكم التالت من الجواز، دي الحاجات اللي ممكن تبدأوا تعملوها.

 

Chronicle Studios: تصوير

استمر في حالة الراحة والاهتمام بالنفس:

دي أهم وأحلى نصايح ممكن نقدمهالك دلوقتي. 

١- استمتع بنوم هادي ولمدة طويلة على قد ما تقدر.

٢- استمر في حالة الراحة والاسترخاء. 

٣- اعمل روتين جديد للاهتمام بنفسك، فيه الحاجات اللي بتخليك مبسوط. ممكن تعمل زيارة سريعة للـ Spa علشان تكمل اليوم.

٤- ما تستعجلش على السفر، لو تقدر تأجل شهر العسل يوم كمان، اعمل كده.

٥- استمتعوا بكل الوقت اللي بتقضوه سوا، استمتعوا بإنها يمكن تكون المرات الأولى اللي بتقضوا فيها أيام كاملة مع بعض.