يا هتكمل.. يا هتكمل! ليه لازم تروح لمستشار علاقات زوجية!

Large

كتير من الناس لما بيقرا جملة "استشارات زوجيه" بيتجاهلوها وبيفتكروا إنها مش ضرورية في الحياة، لكن الحقيقة إن كل المتجوزين محتاجين استشارات زوجيه قبل ووقت الجواز.

العلاج النفسي للزوجين موجود لسبب! وهو إنك تعيش حياة سعيدة مستقرة مليانة حب واحترام وتقدير، مش لازم يكون عندك مشاكل علشان تطلب المساعدة. أي جواز لازم يتأسس له بشكل صح وهو إنك تحط توقعات واقعية وتعرف إزاي تقدر تتعامل معاها بمهارة. بلاش تقلل من أهمية الاستشارات الزوجية، والأسباب اللي هنقولها هي اللي هتخليك تاخد الخطوة اللي إنت مش عاوز تاخدها.

هتحل مشاكلك بطريقة صحية

أي علاقة بيكون فيها مشادات، ممكن تفضل صغيرة وممكن تكبر! إزاي تقدر تتعامل!.. هي دي الصفقة الحقيقية. التواصل والتعامل الصحي والتخفيف من حدة التوتر للمشكلة هتقدر تخليك تشوف مصدر المشكلة الحقيقي. ممكن تبقى المناقشات تقيلة وصعبة، لكن المواقف والتصرفات الصح في الوقت الصح، هتختصر كتير من وقت المشكلة.

هتتعرف أكتر عن شريك حياتك

محدش هيخلص جلسات الاستشارات الزوجيه غير لما يكون فاهم شريك حياته وأكتر كمان. هتعرف كويس بيحب إيه وبيكره إيه، وإيه الدافع ورا كل تصرف أو كلمة. وإنك تفهم شريك حياتك يعني هتخليه يحس براحة وسعادة أكتر معاك، وده لإن مستشار العلاقات هيفتح عينك على جوانب في شخصية الطرف التاني إنت ممكن تكون مش شايفة ولا حتى عارف إنها موجودة.

إقرا أكتر: لغات الحب الخمسة.. إعرف إزاي تعبر عن حبك!

علاقة أقوى 

بنحتاج أحيانا إننا نتناقش مع الطرف التاني مناقشات صعبة علشان نتخلص من أي تراكمات سلبية اتجاهه. ده هيساعدك تنفس عن كل المشاعر المتراكمة علشان تتخلص من التوتر، وهيساعدكم إنكم تبنوا علاقة أقوى مع بعض. دي فرصة قوية إنكم تبتدوا صفحة جديدة في جوازكم تكون أكتر استقرار وراحة.

هتبني مستقبلك