يا ترى الجواز شكله إيه في حظر الكورونا؟ إتعرفوا على بعض من أول وجديد..

مش هنسلم مش هنبوس مش حننشر الفيروس!

Large

تقريبا معظمنا دلوقتي بيشتغل من البيت بسبب حظر فيروس الكورونا والشغل من البيت ليه مميزاته وليه عيوبه، صحيح القاعدة ما بين أربع حيطان لمدة أسابيع صعبة لكنها في نفس الوقت راحة اجبرتها الكورونا على العالم كله! الواحد قاعد في بيته بيحاول يشوف الأمور بشكل إيجابي ويحاقظ على صحته وصحة عيلته وفي نفس الوقت العالم برا البيت شكله هينتهي قريب أوي. في كل الجنان والهستيريا اللي بتحصل حوالينا لازم نشوف نص الكباية المليان.

بالنسبة للمتجوزين بقى الموضوع مختلف شوية، لإن مرة واحدة هيتضطروا يقضوا وقت أكتر بكتير من الطبيعي مع بعض، وزي ما هي ممكن تكون حاجة مش سهلة لكن هي برضه فرصة هايلة إن الواحد يقدر يشتغل على علاقته ويركز في التفاصيل اللي مكنش ليها وقت ولا إهتمام قبل كده. دلوقتي الوقت المناسب إنكم تتعرفوا على بعض أكتر وتقضوا وقت سوا.

1- الطبيخ وشغل البيت:

أيوا مفهوم طبعا إن معظم الناس مش بتحب شغل البيت لكن إحنا في حجر وفي الأغلب إنتم الإتنين قاعدين في البيت معظم الوقت فمن الافضل إنكم تشوفوا الموضوع بشكل مختلف، إعتبروها حاجة بتشاركوها وممكن كمان تحبوها علشان بتعملوها سوا، وعلشان تخلوا العملية أقل ملل ممكن تلعبوا لعبة وإنتوا بتنضفوا أو بتطبخوا زي عروستي أوعشرين سؤال.

2- تمرينات رياضية:

الحجر فرصة ما تتعوضش في إنكم تقدروا تتمرنوا مع بعض في البيت كل يوم. التمرين سوا مش بس هيخلى صحتكم ومناعتكم كويسة علشان تحاربوا الكورونا، كمان هيقربكوا لبعض أكتر وهيقوى الإحساس بالرغبة ما بينكم، ده غير إن التمرين كمان ممكن يبقى ممتع جدا وهيرفع روحكم المعنوية بشكل عام. ودي فرصة كويسة ليكم إنكوا تشتغلوا على الشيب بتاع جسمكم.

3- العاب وحركات:

مش فارق إنتوا متجوزين بقالكم عشر سنين ولا عشر شهور علشان دايما هيكون فيه حاجة جديدة ممكن تعرفوها عن شريك حياتكم، قاعدين على الكنبة زهقانين؟ ولا شغالين هاتك يا طبخ وكنس ومسح، ممكن مثلا تلعبوا لعبة كل واحد في دوره بيقول للتاني معلومتين صح والتالتة كدب وساعتها لازم التاني يحاول يعرف انهي معلومة فيهم هي الكدب. ممكن برضه تلعبوا لعب مثيرة أكتر زي الأحكام وتتحدوا بعض.

إقرا أكتر: 10 حاجات تخليك تخصص وقت لنفسك بعد الجواز

4) سينما وأكشنات:

أكيد فيه قائمة أفلام قد كده إنتوا الإتنين كنتوا عايزين تشوفوها وقت عرضها في السينمات وملحقتوهش علشان الوقت ضيق، الفرصة جت لحد عندكم علشان تعلموا سهرات السينما في البيت تتفرجوا على كل اللي فات من على الكنبة ومعاكوا طبق الفشار والتسالي. 

5- عيدوا ترتيب البيت:

خلاص الأفكارا خلصت وزهقتوا من بعض؟ لا إستنوا فيه لسة حاجة ممكن تعملوها وقت الحظر وهي إعادة ترتيب العفش والتخلص من الكركبة، بالمرة بقى وإنتوا بتدعبسوا في حاجتكم طلعوا صوركم القديمة مع بعض وكمان صور الطفولة، هتفتكروا أجمل الذكريات اللي قصيتوها سوا، هتضحكوا على صوركم وإنتوا صغيرين، وهتحكوا لبعض الحكايات اللي كل واحد فيكم شايلها معاه من صغره.

6- إزرعوا البيت:

الزراعة مثبت علميا إن ليها تأثير إيجابي على نفسيتنا وعلشان كده هي فكرة كويسة جدا إنكم تزرعوا حاجة في البيت مع بعض حتى لو كانت بسيطة زي الريحان والنعناع، الزرع من الحاجات اللي بترد السلبيات اللي موجودة في أي مكان وعلشان كده الإهتمام بالنباتات تعتبر هواية مشتركة مناسبة جدا لرفع المعنويات خصوصا في الأوقات اللي ممكن تسبب إحباط بسبب الكورونا والحظر.

 

تقريبا معظمنا دلوقتي بيشتغل من البيت بسبب حظر فيروس الكورونا والشغل من البيت ليه مميزاته وليه عيوبه، صحيح القاعدة ما بين أربع حيطان لمدة أسابيع صعبة لكنها في نفس الوقت راحة اجبرتها الكورونا على العالم كله! الواحد قاعد في بيته بيحاول يشوف الأمور بشكل إيجابي ويحاقظ على صحته وصحة عيلته وفي نفس الوقت العالم برا البيت شكله هينتهي قريب أوي. في كل الجنان والهستيريا اللي بتحصل حوالينا لازم نشوف نص الكباية المليان.

بالنسبة للمتجوزين بقى الموضوع مختلف شوية، لإن مرة واحدة هيتضطروا يقضوا وقت أكتر بكتير من الطبيعي مع بعض، وزي ما هي ممكن تكون حاجة مش سهلة لكن هي برضه فرصة هايلة إن الواحد يقدر يشتغل على علاقته ويركز في التفاصيل اللي مكنش ليها وقت ولا إهتمام قبل كده. دلوقتي الوقت المناسب إنكم تتعرفوا على بعض أكتر وتقضوا وقت سوا.

1- الطبيخ وشغل البيت:

أيوا مفهوم طبعا إن معظم الناس مش بتحب شغل البيت لكن إحنا في حجر وفي الأغلب إنتم الإتنين قاعدين في البيت معظم الوقت فمن الافضل إنكم تشوفوا الموضوع بشكل مختلف، إعتبروها حاجة بتشاركوها وممكن كمان تحبوها علشان بتعملوها سوا، وعلشان تخلوا العملية أقل ملل ممكن تلعبوا لعبة وإنتوا بتنضفوا أو بتطبخوا زي عروستي أوعشرين سؤال.

2- تمرينات رياضية:

الحجر فرصة ما تتعوضش في إنكم تقدروا تتمرنوا مع بعض في البيت كل يوم. التمرين سوا مش بس هيخلى صحتكم ومناعتكم كويسة علشان تحاربوا الكورونا، كمان هيقربكوا لبعض أكتر وهيقوى الإحساس بالرغبة ما بينكم، ده غير إن التمرين كمان ممكن يبقى ممتع جدا وهيرفع روحكم المعنوية بشكل عام. ودي فرصة كويسة ليكم إنكوا تشتغلوا على الشيب بتاع جسمكم.

3- العاب وحركات:

مش فارق إنتوا متجوزين بقالكم عشر سنين ولا عشر شهور علشان دايما هيكون فيه حاجة جديدة ممكن تعرفوها عن شريك حياتكم، قاعدين على الكنبة زهقانين؟ ولا شغالين هاتك يا طبخ وكنس ومسح، ممكن مثلا تلعبوا لعبة كل واحد في دوره بيقول للتاني معلومتين صح والتالتة كدب وساعتها لازم التاني يحاول يعرف انهي معلومة فيهم هي الكدب. ممكن برضه تلعبوا لعب مثيرة أكتر زي الأحكام وتتحدوا بعض.

إقرا أكتر: 10 حاجات تخليك تخصص وقت لنفسك بعد الجواز

4) سينما وأكشنات:

أكيد فيه قائمة أفلام قد كده إنتوا الإتنين كنتوا عايزين تشوفوها وقت عرضها في السينمات وملحقتوهش علشان الوقت ضيق، الفرصة جت لحد عندكم علشان تعلموا سهرات السينما في البيت تتفرجوا على كل اللي فات من على الكنبة ومعاكوا طبق الفشار والتسالي. 

5- عيدوا ترتيب البيت:

خلاص الأفكارا خلصت وزهقتوا من بعض؟ لا إستنوا فيه لسة حاجة ممكن تعملوها وقت الحظر وهي إعادة ترتيب العفش والتخلص من الكركبة، بالمرة بقى وإنتوا بتدعبسوا في حاجتكم طلعوا صوركم القديمة مع بعض وكمان صور الطفولة، هتفتكروا أجمل الذكريات اللي قصيتوها سوا، هتضحكوا على صوركم وإنتوا صغيرين، وهتحكوا لبعض الحكايات اللي كل واحد فيكم شايلها معاه من صغره.

6- إزرعوا البيت:

الزراعة مثبت علميا إن ليها تأثير إيجابي على نفسيتنا وعلشان كده هي فكرة كويسة جدا إنكم تزرعوا حاجة في البيت مع بعض حتى لو كانت بسيطة زي الريحان والنعناع، الزرع من الحاجات اللي بترد السلبيات اللي موجودة في أي مكان وعلشان كده الإهتمام بالنباتات تعتبر هواية مشتركة مناسبة جدا لرفع المعنويات خصوصا في الأوقات اللي ممكن تسبب إحباط بسبب الكورونا والحظر.