هتنام زى البيبى قبل يوم الفرح.. نصايح تضيع القلق

Large

لو فرحك قرب عارفين كويس حالة القلق اللى هتخليك صاحي طول الليل، والنوم قبل يوم الفرح جزء من التحضيرات، لإن قلة النوم هتأثر على مودك وطاقتك يوم الفرح. مهم أوي فى اليوم ده إن أعصابك تكون هادية وتفضي دماغك علشان تعرف تنام كويس وجسمك يرتاح، من غير ما تتقلبوا فى السرير كتير، متستسلموش للحالة دى، واقروا النصايح الى جمعنهالكم هتساعدكم تناموا كويس فى الليلة اللى قبل الفرح :

إعملوا روتين يومي

قبل يوم الفرح العرسان بيكونوا فى سباق، عشان كده لازم تعودوا نفسكم على جدول نوم محدد ويكون فيه كمان وقت تناموا فيه شوية بعد الضهر، لحد ما جسمكم يتعود على روتين النوم، وده هيخليكم تناموا مرتاحين فى الليلة الى قبل يوم الفرح.

التأمل

دى خطوة مهمه،لأن كل العرسان بيفكروا كتير ويتخيلوا تفاصيل فرحهم هتكون إزاى وده يخليهم يسهروا لحد الفجر. التفكير الزيادة بالشكل ده هيخليهم متوترين وقلقانين، بطلوا تفكروا فى أى حاجه عشان تقدروا تركزوا.

إقرا أكتر: للعريس: إزاي تبعد عن قلق الفرح

إعملوا تغيير فى الأوضه 

خلوا الإضاءة بسيطة، واقفلوا التلفزيون عشان تتأكدوا أن الأوضة هادية وممكن تناموا فيها من غير أي مصدر إزعاج. ممكن كمان تولعوا شموع أو تشغلوا مزيكا هاديه عشان تخلى موودكم حلو ورايق وقت النوم.

خدوا نفس عميق