نصايح عشان تظبط بدلة فرحك.. خد مقاساتك بالسنتى

Large

زي ما العروسة بتاخد بالها من كل تفصيلة في اللوك علشان تبقى ساحرة، العريس برضه لازم ياخد باله من كل تفصيلة في بدلة الفرح علشان يبقى الأشيك. البدلة المظبوطة بتراعى كل التفاصيل الصغيرة سواء في المقاسات أو في الطول أو حتى الإكسسوارات. وأقل غلطة فى المقاس ممكن تخلى شكلك بعيد عن أي أناقة يوم الفرح. لازم تتأكد إنك بتختار المقاس الصح، ولو هتفصل إختار ترزي ياخد مقاساتك بالسنتي. متسيبش نفسك لآخر لحظة عشان يبقي عندك وقت تعدل أو تغير فى الموديل. إكمل قراية علشان تعرف إيه المطلوب بالظبط في بدلة الفرح.

خد بالك من السيزون 

على حسب الوقت الى هتتجوز فيه، لون بدلتك وقماشها والستايل بتاعها لازم يناسب السيزون والجو في الوقت ده. سمك ونوع قماش البدلة بيفرق فى شكلها ومظهرها عليك. افتكر دايما إن بدل الفرح مش شرط تكون سودا، وممكن تبقى زرقا أو رمادى، من بين ألوان تانيه كتير.

المقاس بالستني

من أكتر الأخطاء المنتشرة في بدلة العريس هي المقاس اللي مش مظبوط وموديلها مش مناسب لجسمك، الحاجتين دول لازم تركز فيهم كويس جدا وإنت بتختار بدلة الفرح. نقطة تانية مهمة لازم تعرفها، البدلة الضيقة نقطة سيئة جدا إن لم تكن هي أسوأ حاجة. لازم تختار بدلة تريحك في القعاد والحركة خصوصا عند الكتاف.

إقرا أكتر: 8 قواعد لاختيار بدلة فرحك

الكوى بالبخار