نداء إستغاثة على السوشيال ميديا من المتجوزين بسبب وقت الحظر!

الحياه الزوجية عاملة إيه معاكوا في الكورونا؟!

Large

الحظر المنزلي خلانا كلنا نتجه إلى السوشيال ميديا علشان نعبر عن الضغوط اللي بنعاني منها وحاسينها في حياتنا الزوجية خلال الفترة دي. كلمة "تحدي" تعبير قليل أوي لوصف حالة المتجوزين في الحظر بعد اتجاه معظم الناس للشغل من البيت، فجأة إضطروا يقضوا وقت أكتر من المعتاد مع بعض! وكعادة المصريين إتجهوا لمواقع السوشيال ميديا واتحول الحظر المنزلي لكوميديا سوداء، أبدعوا في السخرية من نفسهم. ولإن الكورونا (كوفيد19) هي أساس الحالة اللي بنعيشها حاليا، فأكيد هي على رأس قائمة سخرية المصريين.

صحيح الهزار والنكت ممكن يساعدوا الواحد يطلع الواحد من همومه ويخلونا نشوف نص الكباية المليان، ولو حتى لوقت بسيط، لكن الواقع اللي احنا عايشينه دلوقتي هو إن فيه متجوزين كتير بيعانوا في الحظر بشكل كبير. لو بصينا على نص الكباية الفاضي هنلاقي الإحصائيات العالمية أثبتت إن نسبة العنف المنزلي زادت بنسبة 30٪ في بعض البلاد. أمنيتنا إن الكل يكون سالم في البيت لحد ما الأزمة تعدي، ولحد ما ده يحصل خلينا نضحك شوية على السخرية من حالة المتجوزين في الحظر على فيسبوك وتويتر!

 

 

حتى بعد ما الحظر بدأ هنتجوز يعني هنتجوز

حتى بعد ما الحظر بدأ... هنتجوز يعني هنتجوز!

 

ده احنا حتى عملنا دريس كوود بمناسبة الكورونا!