من غير تأشيرة… أفضل دول سياحية تعمل فرحك فيها!

Large

تعمل فرحك في دولة سياحية حلم كل العرسان، لأنه عذر هايل للسفر  وتجربة مختلفة لاكتشاف ثقافة جديدة وانت بتحتفل بأجمل يوم فى عمرك، سواء هتعمل فرحك فى بلد تانية، أو معزوم على فرح فيها، فيه مشكلة واحدة هتقابلك، وهى التأشيرة.

الموافقة على تأشيرة السفر، مشكلة بيواجهها معظم المصريين، عشان كده لو بتعمل فرحك فى بلد سياحية، لازم تعرف إن فيه احتمال لرفض تأشيرة أى حد من المعازيم، وده السبب إن أفضل اختيارات هى مكان محلي أو السفر لوجهة جميلة متحتاجش تأشيرة، ودى عدد من الدول السياحية الجميلة المناسبة لفرحك من غير تأشيرة.

ماليزيا

ماليزيا من أجمل الدول السياحية اللي يتعمل فيها فرح، لأسباب كتير منها الغابات المطيرة الخلابة، والثقافة الممتعة، وكل الأنشطة المختلفة إلى ممكن تعملها، عشان كده معظم العرسان بيختاروا يقضوا فيها الهنى مون.

أجمل حاجة فى إقامة الفرح فى ماليزيا هو أنك مش هتسافر لمكان تانى تقضى فيه الهنى مون، وممكن تفضل هناك بعد الفرح وتستمتع بزيارة المعابد الأثرية، أو تجرب الهايكنج فى الجبال الجميلة، وتاخذ صور ممتعة مع القرود المشهورة بيها المنطقة.

إقرا أكتر: لكل المعازيم.. اتيكيت الفرح في الأماكن السياحية

موريشيوس

جزيرة صغيرة تشبه الجنة على الأرض! موريشيوس مشهورة بالشواطيء والبحيرات والمناطق الجبلية الجميلة، وهى خلفية مثالية للصور بأى تيمة فرح تختارها، وألطف حاجة أنها هادية ومريحة بعيد عن الدوشه، لكن مشكلتها الوحيدة إن الوصول ليها محتاج أكتر من طيارة ومركب، لكن طبعا المتعة هناك تستحق التعب.

غير إنها مكان هايل للاسترخاء على الشواطيء الجميلة، موريشيوس كمان فيها مسارات للهايكنج مليانه بالمناظر الطبيعية الخلابة والمتاحف على طول الطريق.

ماكاو

دول الشرق الأقصى مناسبة لو محتار فى اختيار مكان جديد تعمل فيه فرحك، زى ماكاو، وهى جزء من الصين لكن بستايل مختلف تمامًا، لأنها حيوية وفيها ثقافات كتير، عشان كده هتقضى فيها وقت ممتع سواء هتجرب الكازينوهات أو تستمتع بالفرجة عليها واكتشافها، وهى أنسب وجهة لو بتحب المغامرة.

ماكاو فيها فنادق وناطحات سحاب هايلة، ولازم تعمل حسابك عليها لو بتفكر في رحلة فرح كلها نشاط أكتر منها هادية.

تعمل فرحك في دولة سياحية حلم كل العرسان، لأنه عذر هايل للسفر  وتجربة مختلفة لاكتشاف ثقافة جديدة وانت بتحتفل بأجمل يوم فى عمرك، سواء هتعمل فرحك فى بلد تانية، أو معزوم على فرح فيها، فيه مشكلة واحدة هتقابلك، وهى التأشيرة.

الموافقة على تأشيرة السفر، مشكلة بيواجهها معظم المصريين، عشان كده لو بتعمل فرحك فى بلد سياحية، لازم تعرف إن فيه احتمال لرفض تأشيرة أى حد من المعازيم، وده السبب إن أفضل اختيارات هى مكان محلي أو السفر لوجهة جميلة متحتاجش تأشيرة، ودى عدد من الدول السياحية الجميلة المناسبة لفرحك من غير تأشيرة.

ماليزيا