مستحضرات تجميل هتحتاجيها.. حضرتى شنطتك للهنى موون ولا لسه؟

Large

التجهيز لشهر العسل هو أكتر حاجة ممتعة وانتى بتحضرى لفرحك، سواء فى اختيار المكان الى هتسافرى ليه او الأوتيل، أو الأنشطة الى هتعمليها هناك، قدامك قرارات كتير تحسميها ، بس قبل ما تسافرى أهم حاجة لازم تفكرى فيها هى، هتاخدى ايه معاكى؟ أو بالتحديد ايه هى مستحضرات التجميل والعناية بالبشرة الى هتاخدها معاكى، عشان آخر  مشكلة مش عايزه تقابليها هى انك تلاقي حبوب فى وشك تبوظ سفريتك مع جوزك وتخلي موودك وحش فى الاجازه الى المفروض تكون كلها رومانسية، ده الى خلانا نعملك ليسته فيها كل  منتجات التجميل المهمة الى ممكن تحتاجيها في وانتى مسافرة.

 الصن بلوك 

نقدر نقول ان ده أهم حاجة لبشرتك، سواء كنتى هتقضي الهنى موون على البحر أو في جبال الألب السويسرية فى التلج، لازم يكون الصن بلوك هو أول حاجة تحطيها في شنطة الميكب بتاعتك، لانه هيحافظ على بشرتك ويحميها ويديها لمعة لطيفه، عشان كده مفيش داعي تقلقى وتضطرى تعملى روتين عناية كامل لبشرتك.

المرطب

لازم يكون معاكي المرطب بتاعك في أي مكان تسافرى فيه، المرطب هيخلى بشرتك صحية ويغذيها ويطريها، وهو حاجة مهمه هتخلى وشك ينور وتبقي مستعده كل يوم الصبح وشكلك حلو من غير اى مجهود كبير .

الماسكارا

هتخلى شكلك حلو من غير ما تحتاجى تحطى ميكب كامل طول ما انتى مسافرة، عشان كده الماسكارا حاجة مهمة مينفعش تستغنى عنها، سواء هتاخدى نوع واحد او اكتر من واحده، فهى ضرورية جدا في شهر العسل، وبننصحك تختارى نوع يكون ضد المايه، خصوصا لو هتسافرى مكان فيه بحر او احتمال يكون فيه مطر.

إقرا أكتر: ليه تقضي شهر العسل في كروز؟ المتعة في رحلة واحدة

الروج ومرطب الشفايف

من الحاجات الأساسية الى لازم تاخديها معاكى وانتى بتحضرى شنطة سفرك لشهر العسل هو الروج ومرطب الشفايف، عشان مفيش حاجه اهم من ان شفايفك تكون طرية وشكلها حلو، وفيه انواع كتير من مرطب الشفايف، او ممكن تاخدى معاكى كريم للشفايف، او التنت، وطبعا متنسيش الروج.

البيرفيوم والاسبراى

البيرفيوم والاسبراى وال Eau Du Toilettes  برضه من الحاجات المهمه الى لازم تكون فى شنطتك وانتى مسافره، ومهم اوى تاخدى معاكى مجموعة متنوعة تكمل ريحتك الطبيعية، وبننصحك بلاش تجربي نوع جديد لاول مرة وانتى مسافرة عشان ما تتفاجأيش بان ريحته مش حلوه، عشان البيرفيوم اكتر حاجه بتبان وبتديكى ثقه كبيرة فى نفسك، وأكيد مش هتحبى حد يجاملك ويقولك ان ريحته جميلة وهو مش حلو.

حاجه زيادة

لو لسه عندك مكان فى شنطتك لحاجه تانيه زياده ممكن تاخدى معاكى بلشر خفيف، والأحسن يكون كريمى عشان بشرتك تشربه كويس ويبان طبيعى وحلو خصوصا فى ضوء الشمس القوى، وممكن كمان تاخدى بدى سبراى لو هتقعدى على البحر او تتمشى فى الشمس، وكريمات الهاى لايت كمان هتبقى تحفة مع البلشر الكريمى وهتديكى شكل حلو من غير ما يبان انك حاطه ميكب عشان هتبقى خفيفه ورقيقه، وافتكرى تاخدى كل حاجه تانيه محتاجاها وانتى بتحضرى شنطة شهر العسل عشان تضمنى اجازة سعيده وممتعة!

التجهيز لشهر العسل هو أكتر حاجة ممتعة وانتى بتحضرى لفرحك، سواء فى اختيار المكان الى هتسافرى ليه او الأوتيل، أو الأنشطة الى هتعمليها هناك، قدامك قرارات كتير تحسميها ، بس قبل ما تسافرى أهم حاجة لازم تفكرى فيها هى، هتاخدى ايه معاكى؟ أو بالتحديد ايه هى مستحضرات التجميل والعناية بالبشرة الى هتاخدها معاكى، عشان آخر  مشكلة مش عايزه تقابليها هى انك تلاقي حبوب فى وشك تبوظ سفريتك مع جوزك وتخلي موودك وحش فى الاجازه الى المفروض تكون كلها رومانسية، ده الى خلانا نعملك ليسته فيها كل  منتجات التجميل المهمة الى ممكن تحتاجيها في وانتى مسافرة.

 الصن بلوك 

نقدر نقول ان ده أهم حاجة لبشرتك، سواء كنتى هتقضي الهنى موون على البحر أو في جبال الألب السويسرية فى التلج، لازم يكون الصن بلوك هو أول حاجة تحطيها في شنطة الميكب بتاعتك، لانه هيحافظ على بشرتك ويحميها ويديها لمعة لطيفه، عشان كده مفيش داعي تقلقى وتضطرى تعملى روتين عناية كامل لبشرتك.

المرطب