محدش هيقولها.. 5 حاجات عن الجواز لازم تعرفوها

Large

مين فينا مش عايز يعيش قصة حب خيالية زى الأفلام ويعيش حياة مستقرة على طول، العلاقة الزوجية أكبر بكتير من إنها تكون فرح جميل، بالعكس هو مفاجأة كبيرة لمعظم الناس. حماس العرسان وقت تحضيرات الفرح مبيفكروش في إيه المتطلبات الحقيقية للجواز، ولا بيكون عندهم فكرة عن العلاقة اللي المفروض تكون بين أي اتنين متجوزين بعد ما تخلص الهيصة ويتقفل عليهم باب واحد. محدش هيقولك إن الصبر والتفاهم  حاجتين مهمين ومحتاجينهم في العلاقة الزوجية، ولو فرحكم قرب هنقولكم على 5 حاجات عن الجواز محدش هيقولكم عليها: 

مهمة صعبه

الجواز خصوصا لو كنت سنجل لفترة طويلة بيحتاج مجهود كبير وصبر. لازم تتعلم وتتعود  تعيش مع شخص تانى بكل عاداته اللى ممكن تكون مزعجه حتى لو بيمر بفترة سيئة! العلاقات الطبيعية عموما بيكون فيها "ups and downs"، وطبعا ده هيحصل في الجواز. وده الوقت اللى لازم تبذلوا فيه كل طاقتكم عشان تعيشوا سوا فى هدوء وسعاده.

مينفعش تغير شريك حياتك

محدش يقدر يغير ذوق حد مثلا فى المزيكا ... تخيلوا بقي تغيير عاداته أو طبعه؟ هتتعلموا بأصعب الطرق إن الناس مبتتغيرش إلا لو هما عايزين يتغيروا من جواهم. الاحتمال الأكبر إنك لو فرضت التغيير بالعافيه هتكون النتيجة عكسية، أو طاقتك هتروح على الفاضى. الاعتراف بعيوب شريك حياتك وتقبلها هو الأسلوب الأكتر واقعية للتعامل.

إقرا أكتر: 11 حقيقة عن أول سنة جواز

الحلول الوسط

عايزين علاقة زوجية مستقرة وسعيد على طول! استعد للتنازل عن حاجات كتير طول الوقت وتقبلوا الحلول الوسط. مفيش مكان للأنانية في الجواز، حياتكم دلوقتي مرتبطة ببعض، أي قرار هيتاخد هيأثر على الطرف التاني. 

حياة تانية مستقلة

من أول الخطوبة هتبقى دايما عايز شريك حياتك موجود طول الوقت ويشاركك كل حاجة، لكن مع الوقت هيبقى في ملل فى العلاقة، وممكن يحصل أسرع مما تتخيل!.. ممكن يحصل بعد شهر العسل! عشان كده لازم تكون العلاقة بينكم صحية، لازم يكون في اهتمامات تانية فى حياتكم وهوايات بعيدة عن العلاقة العاطفية. ابعدوا عن بعض شوية، وخلوا يكون في استقلالية في الحياة.  

أحيانا مش هتحبوهم 

أي جواز بيعدى بمراحل كتير، أوقات حلوة وأوقات صعبة، وكل التغييرات دي هتغير علاقتكم كل شوية، ممكن يجي عليك وقت مش حابب شريك حياتك، ودي حاجة طبيعية وقت الزعل والعصبية. لازم تعودوا نفسكم إن هيكون فى أيام حلوة وأيام مش حلوة، بس في الآخر دي حالة مؤقتة وهتعدي.

مين فينا مش عايز يعيش قصة حب خيالية زى الأفلام ويعيش حياة مستقرة على طول، العلاقة الزوجية أكبر بكتير من إنها تكون فرح جميل، بالعكس هو مفاجأة كبيرة لمعظم الناس. حماس العرسان وقت تحضيرات الفرح مبيفكروش في إيه المتطلبات الحقيقية للجواز، ولا بيكون عندهم فكرة عن العلاقة اللي المفروض تكون بين أي اتنين متجوزين بعد ما تخلص الهيصة ويتقفل عليهم باب واحد. محدش هيقولك إن الصبر والتفاهم  حاجتين مهمين ومحتاجينهم في العلاقة الزوجية، ولو فرحكم قرب هنقولكم على 5 حاجات عن الجواز محدش هيقولكم عليها: 

مهمة صعبه

الجواز خصوصا لو كنت سنجل لفترة طويلة بيحتاج مجهود كبير وصبر. لازم تتعلم وتتعود  تعيش مع شخص تانى بكل عاداته اللى ممكن تكون مزعجه حتى لو بيمر بفترة سيئة! العلاقات الطبيعية عموما بيكون فيها "ups and downs"، وطبعا ده هيحصل في الجواز. وده الوقت اللى لازم تبذلوا فيه كل طاقتكم عشان تعيشوا سوا فى هدوء وسعاده.

مينفعش تغير شريك حياتك

محدش يقدر يغير ذوق حد مثلا فى المزيكا ... تخيلوا بقي تغيير عاداته أو طبعه؟ هتتعلموا بأصعب الطرق إن الناس مبتتغيرش إلا لو هما عايزين يتغيروا من جواهم. الاحتمال الأكبر إنك لو فرضت التغيير بالعافيه هتكون النتيجة عكسية، أو طاقتك هتروح على الفاضى. الاعتراف بعيوب شريك حياتك وتقبلها هو الأسلوب الأكتر واقعية للتعامل.

إقرا أكتر: 11 حقيقة عن أول سنة جواز

الحلول الوسط

عايزين علاقة زوجية مستقرة وسعيد على طول! استعد للتنازل عن حاجات كتير طول الوقت وتقبلوا الحلول الوسط. مفيش مكان للأنانية في الجواز، حياتكم دلوقتي مرتبطة ببعض، أي قرار هيتاخد هيأثر على الطرف التاني. 

حياة تانية مستقلة

من أول الخطوبة هتبقى دايما عايز شريك حياتك موجود طول الوقت ويشاركك كل حاجة، لكن مع الوقت هيبقى في ملل فى العلاقة، وممكن يحصل أسرع مما تتخيل!.. ممكن يحصل بعد شهر العسل! عشان كده لازم تكون العلاقة بينكم صحية، لازم يكون في اهتمامات تانية فى حياتكم وهوايات بعيدة عن العلاقة العاطفية. ابعدوا عن بعض شوية، وخلوا يكون في استقلالية في الحياة.