متكسوفش المعازيم.. حاجات متحطهاش في ليستة هدايا الفرح

Large

ليسة هدايا الفرح تعتبر جديدة على الثقافة المصرية، وده بيخلي العرسان مش عارفين إيه بالظبط اللي يتحط في الليستة وإيه اللي ما يتحطش. في حاجات كتيرة ممكن تساعدكم علشان تجهزوا بيتكم وتتنقلوا لحياتكم الجديدة، والعرف بيقول إن العرسان يختاروا الحاجات اللي محتاجينها ويكتبوها في ليستة الهدايا ويعرضوها على أصحابهم. بالرغم من إنكم تقدروا تكتبوا كل اللي محتاجينه، لكن في حاجات ما ينفعش تتحط في ليسة هدايا الفرح، وده اللي هنقولكم عليه.

- حاجات غالية أوي

مينفعش تحطوا الحاجات الغالية اللي متقدروش تشتروها. كل واحد عنده ميزانية محددة لازم تحترموها، وإنكم تحطوا حاجة غاليا وماركات عالمية ده بيخليكم تحطوا أصحابكم وأقرايبكم في موقف محرج ومش مريح بالنسبة لهم.

- احتياجات شخصية

ليستة هدايا الفرح معموله مخصوص للعرسان مش للاحتياجات الشخصية للعريس أو للعروسة. بلاش تكتبي الشنطة اللي عجباكي ومش عارفة تجيبيها، وبلاش تكتب إنك محتاج بنطلون جينز الماركة الفلانية، دي ليستة هدايا الفرح مش ليستة عيد ميلادك، خليكوا محترفين وما تكتبوش غير اللي محتاجينه كعرسان، أدوات البيت واحتياجاته أكتر مما تتخيلوا، وهي الأفضل إنها تتكتب في الليستة.

- للفرح

مستحيل إنكم تطلبوا من المعازيم إنهم يشاركوا في دفع مصاريف الفرح، حتى لو بطريقة غير مباشرة، هيتبصله على إنه طلب غريب! أوعى تخلي نخاوفك من مصاريف الفرح تتصدر للمعازيم سواء الأصحاب أو القرايبلو مش قادر تتحمل تكاليف فرحك، يبقى لازم توقف وقفة مع نسفك وتعيد ترتيب الميزانية من أول وجديد.

إقرا أكتر: غلطات ليستة هدايا الفرح لازم تبعدي عنها! رقم 5 هتصدمك!

- الحاجات التريندي

أي حاجة تريندي أو موضة السنة بلاش تحطوها في قايمة هدايا الفرح، لإنها هتفقد قيمتها السنة اللي بعدها وهتغيروها. ركزوا على الحاجات المهمة والطبيعية اللي هتستخدموها في البيت، وبلاش تجروا ورا كل حاجة جديدة

-حاجات مش هتستخدموها

بالظبط زي الحاجات الترندي، لو مش تستخدموها بلاش تشتروها! كلنا عندنا الإحساس بالحاجة لما نيجي نشتريها وعارفين إذا كنا هنستخدمها ولا لأ! إسألوا نفسكم إنتوا فعلا محتاجين مكنة الآيس كريم؟.. في الغالب لأ!. فكروا في احتياجتكم اليومية، والحاجات اللي فعلا هتستخدموها، بدل ما تتصرف فلوس على الفاضي.

ليسة هدايا الفرح تعتبر جديدة على الثقافة المصرية، وده بيخلي العرسان مش عارفين إيه بالظبط اللي يتحط في الليستة وإيه اللي ما يتحطش. في حاجات كتيرة ممكن تساعدكم علشان تجهزوا بيتكم وتتنقلوا لحياتكم الجديدة، والعرف بيقول إن العرسان يختاروا الحاجات اللي محتاجينها ويكتبوها في ليستة الهدايا ويعرضوها على أصحابهم. بالرغم من إنكم تقدروا تكتبوا كل اللي محتاجينه، لكن في حاجات ما ينفعش تتحط في ليسة هدايا الفرح، وده اللي هنقولكم عليه.