ما تقلقوش! هما 5 حاجات بس اللي دايما هيكون الخناق عليهم بعد الجواز

Large

المشاكل والخناقات بين أي إتنين متجوزين أسبابها كتيرة، فلوس، حماوات، شغل، العلاقة الحميمة، التواصل، المباديء، الغيرة، العيال، القناعات الشخصية، ضغوط الحياه، الأصحاب، وحتى التوت البري بيكونوا أسباب كافية لافتعال مشاكل وخناقات. في كم كبير من المواضيع اللي ممكن يحصل عليها خناق، الحقيقة في بعض من الأسباب دول مفيش أي إتنين مش بيتخانقوا عليهم، وفي نفس الوقت فيه مواضيع تانية بتبقى محددة أوي، على حسب نوع العلاقة زي التوت البري بالظبط. 

في المقالة دي هنشرح لكم ليه فيه مواضيع كده بعينها بتكون سبب للمشاكل، المواضيع دي بتكون معروفة بشكل كبير علشان ببساطة هم يعتبروا أعمدة أساسية لنجاح أو فشل أي علاقة زوجية، خلونا نشوف إزاي نقدر نتعامل مع المواضيع دي بأفضل طريقة صحية وحكيمة.

المشكلة رقم 1: الفلوس

زي ما ناس كتير بتقول إن الفلوس مش كل حاجة وإنها ما بتشتريش الحب بالذات، الناس دول نسيوا إن الفلوس بتشتري أكل، هدوم، سقف فوق راسنا، علاج، تأمينات، والله أعلم إيه ولا إيه تاني، لما بيبقى فيه ضيق في الفلوس بنكون مضغوطين نفسيا وعصبيا وبالتالي المشاكل بتحصل. 

الطبيعي إن الشخص اللي بيصرف بيكون عنده سيطرة أكتر في البيت، وده ممكن يخلي الشخص التاني يحس بضعف أو يهز ثقته بنفسه، المفروض إن أنتوا الإتنين تشاركوا في ميزانية البيت وإدارتها مع بعض علشان تتفادوا الحساسيات اللي ممكن تحصل ما بينكم.

الفلوس برضه سلطة، وعلشان كده لازم يبقى ليكم حسابكم الشخصي في البنك بعيد عن فلوس البيت ومصاريفه، كده ممكن تصرفوا على أي حاجة شخصية انتم محتاجينها من غير ما تحسوا إنكم مش قادرين تصرفوا حتى على نفسكم، خليكوا فاكرين إن الإعتماد المادي التام على بعض هيسبب مشاكل كتيرة أكتر مما تتخيلوا بعد كده! 

غير كده الفلوس والصرف ممكن يسببوا مشاكل في الثقة بين الزوجين خصوصا لو فيه حد مسرف وبيصرف من ميزانية البيت بعشوائية، علشان كده برضه فكرة الحساب الشخصي مهمة جدا، غير كمان إنكم لازم تحطوا قواعد للميزانية بتاعة الشهر، حاولوا تتناقشوا في مصاريفكم مع بعض بشكل مستمر. 

إقرا أكتر: "إيد لوحدها ما تصقفش! الجواز شركة ما بينكم والبيت مشروعكم"

المشكلة رقم 2: الحموات

خلينا نعترف إن فيه ناس كتير جدا بيخافوا من فكرة إن يبقى عندهم حموات أكتر من أي حاجة تانية لما يقرروا يتجوزوا، المشاكل الحقيقية بتبدأ تحصل مع الحموات لما بيحاولوا يسيطروا على قرارتكم أو يتدخلوا في حياتكم بشكل مبالغ فيه، وده طبعا هيسبب مشاكل وخناقات ياما. 

الأول لازم تفهموا إن ما ينفعش بأي شكل تخيروا شريك حياتكم ما بين أهله وما بينكم، الموضوع ما ينفعش يقلب أبدا بـ "يا أنا يا هم" حتى في أسوأ الحالات، لإن في الحالة دي انت اللي هتخسر! بدل ما تعلنوا الحرب على حمواتكم حطوا قواعد وحدود واضحة وصارمة من الأول لمدى تدخل الأهل من الجهتين في حياتكم وخصوصياتكم، في الآخر وفي الأول مفيش حماة مثالية، ابذلوا مجهود في تقوية علاقتكم معاهم علشان خاطر بعض.

 

المشكلة رقم 3: العلاقة الحميمية

العلاقة الحميمة سلاح ذو حدين، لو العلاقة الحميمية سليمة علاقتكم مع بعض هتكون زي الفل، بس لو العلاقة الحميمية فيها مشاكل يبقى أكيد العلاقة الزوجية هيكون فيها مشاكل، المشكلة بقى إن ساعات حتى الناس اللي بيحبوا بعض مش شرط يكونوا عندهم كمياء جنسية.

في جميع الحالات سواء فيه أو مفيش كمياء، لازم تبذلوا مجهود علشان يبقى عندكم علاقة جنسية ممتعة وصحية، بداية من إنكم تتواصلوا وتتكلموا بشكل صريح ومفتوح عن رغباتكم وإحتياجتكم من بعض وعن الحاجات اللي بتحبوها أو العكس اللي مش عاوزين تمارسوها، بدل ما تقولوا لبعض إنكم مش في المود أو إنكم تعبانين علشان تهربوا من العلاقة إتكلموا! شوفوا إزاي ممكن تعملوا جو ومود مثير تبدأوا بيه العلاقة، اسمعوا وراقبوا بعض علشان تقدروا تعرفوا كل واحد فيكم محتاج إيه بالظبط.

لو المشاكل ما بينكم استمرت من غير ما تعرفوا تحلوها سوا ممكن تلجأوا لمتخصص، مفيش عيب ولا حرام في إنكم تشوفوا حد يقدر يساعدكم بشكل طبي وعلمي، حطوا في بالكم إن العلاقة الزوجية الصحية عامل مهم ومينفعش تستغنوا عنها في حياتكم سوا. 

المشكلة رقم 4: الشغل

المشاكل اللي بتحصل بخصوص الشغل بتبدأ لما حد فيكم شغله بيتطلب سفر كتير ولمدد طويلة أو عدد الساعات بتكون طويلة اوي لدرجة إن مبيبقاش فيه وقت فاضل تقضوه سوا.

علشان تحلوا مشكلة زي دي اعملوا حسابكم على وقت فاضي تقدروا تقضوه مع بعض على الأقل مرة في الأسبوع، تقضية شوية وقت سوا بشكل مستمر بيفرق جدا في تقوية ونجاح العلاقة على المدى الطويل، والعكس بيؤدي لقلة أو فقدان التواصل ما بينكم تماما.

المشكلة رقم 5: عدم إحترام بعض

بعد الجواز فيه حاجات كتير بتطلع كده في النور، إنتوا الإتنين هتتعرفوا على عيوب بعض وهتشوفوا بعض في مواقف مختلفة لأول مرة وده ممكن يخلي إحترامكم لبعض يقل بشكل ما، ما تحكموش على بعض بناءا على معتقداتكم و أفكاركم الشخصية وما تخلوش ده يقلل أو يصغر من صورة حد فيكم قدام التاني.

لو حكمتوا أو حسستوا اللي قدامكم إنكم مش محترمينه كفاية ده هيبني حاجز بينكم، وبكده مش هتقدروا تتواصلوا مع بعض بشكل صحي نهائيا، في الآخر هتلاقوا معظم خناقتكم الزوجية  بتحصل لسبب واحد بس وهو الوجع اللي بيتولد من الفراغ اللي عمال يكبر مابينكم.

 

المشاكل والخناقات بين أي إتنين متجوزين أسبابها كتيرة، فلوس، حماوات، شغل، العلاقة الحميمة، التواصل، المباديء، الغيرة، العيال، القناعات الشخصية، ضغوط الحياه، الأصحاب، وحتى التوت البري بيكونوا أسباب كافية لافتعال مشاكل وخناقات. في كم كبير من المواضيع اللي ممكن يحصل عليها خناق، الحقيقة في بعض من الأسباب دول مفيش أي إتنين مش بيتخانقوا عليهم، وفي نفس الوقت فيه مواضيع تانية بتبقى محددة أوي، على حسب نوع العلاقة زي التوت البري بالظبط. 

في المقالة دي هنشرح لكم ليه فيه مواضيع كده بعينها بتكون سبب للمشاكل، المواضيع دي بتكون معروفة بشكل كبير علشان ببساطة هم يعتبروا أعمدة أساسية لنجاح أو فشل أي علاقة زوجية، خلونا نشوف إزاي نقدر نتعامل مع المواضيع دي بأفضل طريقة صحية وحكيمة.

المشكلة رقم 1: الفلوس

زي ما ناس كتير بتقول إن الفلوس مش كل حاجة وإنها ما بتشتريش الحب بالذات، الناس دول نسيوا إن الفلوس بتشتري أكل، هدوم، سقف فوق راسنا، علاج، تأمينات، والله أعلم إيه ولا إيه تاني، لما بيبقى فيه ضيق في الفلوس بنكون مضغوطين نفسيا وعصبيا وبالتالي المشاكل بتحصل. 

الطبيعي إن الشخص اللي بيصرف بيكون عنده سيطرة أكتر في البيت، وده ممكن يخلي الشخص التاني يحس بضعف أو يهز ثقته بنفسه، المفروض إن أنتوا الإتنين تشاركوا في ميزانية البيت وإدارتها مع بعض علشان تتفادوا الحساسيات اللي ممكن تحصل ما بينكم.

الفلوس برضه سلطة، وعلشان كده لازم يبقى ليكم حسابكم الشخصي في البنك بعيد عن فلوس البيت ومصاريفه، كده ممكن تصرفوا على أي حاجة شخصية انتم محتاجينها من غير ما تحسوا إنكم مش قادرين تصرفوا حتى على نفسكم، خليكوا فاكرين إن الإعتماد المادي التام على بعض هيسبب مشاكل كتيرة أكتر مما تتخيلوا بعد كده! 

غير كده الفلوس والصرف ممكن يسببوا مشاكل في الثقة بين الزوجين خصوصا لو فيه حد مسرف وبيصرف من ميزانية البيت بعشوائية، علشان كده برضه فكرة الحساب الشخصي مهمة جدا، غير كمان إنكم لازم تحطوا قواعد للميزانية بتاعة الشهر، حاولوا تتناقشوا في مصاريفكم مع بعض بشكل مستمر. 

إقرا أكتر: "إيد لوحدها ما تصقفش! الجواز شركة ما بينكم والبيت مشروعكم"

المشكلة رقم 2: الحموات

خلينا نعترف إن فيه ناس كتير جدا بيخافوا من فكرة إن يبقى عندهم حموات أكتر من أي حاجة تانية لما يقرروا يتجوزوا، المشاكل الحقيقية بتبدأ تحصل مع الحموات لما بيحاولوا يسيطروا على قرارتكم أو يتدخلوا في حياتكم بشكل مبالغ فيه، وده طبعا هيسبب مشاكل وخناقات ياما. 

الأول لازم تفهموا إن ما ينفعش بأي شكل تخيروا شريك حياتكم ما بين أهله وما بينكم، الموضوع ما ينفعش يقلب أبدا بـ "يا أنا يا هم" حتى في أسوأ الحالات، لإن في الحالة دي انت اللي هتخسر! بدل ما تعلنوا الحرب على حمواتكم حطوا قواعد وحدود واضحة وصارمة من الأول لمدى تدخل الأهل من الجهتين في حياتكم وخصوصياتكم، في الآخر وفي الأول مفيش حماة مثالية، ابذلوا مجهود في تقوية علاقتكم معاهم علشان خاطر بعض.