ما تعمليش الحاجات دي قبل الفرح بأسبوع.. هتشكري نفسك في الآخر

Large

العروسة تعتبر واقفة على قمة الهرم يوم فرحها، وده بيخليها دايما متوترة كل ما يقرب معاد الفرح، لأنها دايما بتفكر في إيه المفروض كان يتعمل وإيه اللي ما اتعملش، لكن إنت كعروسة فكرتي في إيه اللي المفروض ما تعملهوش وتبعدي عنه خالص خاصة قبل الفرح بأسبوع.

 هتشكري نفسك لأنك قدرتي تخلصيها من التوتر، بعد ما تعملي الخطوات دي:

1- روتين رياضي جديد:

نصيحتنا مش إنك تقللي من الروتين الرياضي بتاعك، لكن بلاش تدخلي في روتين رياضي جديد قبل الفرح بأسبوع، وإذا كنت عاوزة تغيري شكل الروتين الرياضي بتاعك، يبقى أقل فترة تكون قبل الفرح بشهر ونص، وما ننصحكيش بيها كمان. بلاش تحضري فرحك وإنت مصابة بأي إصابة رياضية ما تخلكيش تقدري تستمتعي بفرحك.

2- تغيير طريقة العناية بالشعر أو تسريحته: 

علشان ما تشعريش بالندم، بلاش تاخدي خطوة التغيير المفاجئ في استايل، لون أو روتين العناية بشعرك قبل الفرح بأسبوع، علشان ما تندميش، خليكي حريصة على إن أي تغيير عاوزة تعمليه في شعرك يكون قبل الفرح على الأقل بـ6 شهور، علشان يكون عندك فترة كافية تغيريه لو ما عجبكيش.

3- تغيير منتجات العناية بالبشرة:  

دي نصيحة تانية متعلقة بالجزء الجمالي، بلاش تجربي أي منتجات جديدة على بشرتك، وخلي دايما مواعيد التقشير الكيميائي لبشرتك بعيد بفترة كافية عن معاد الفرح،  وابعدي عن أي منتجات جديدة تماما ما جربتيهاش قبل كدة، لأن محدش عارف إيه ممكن يحصل لبشرتك خاصة لو كانت حساسة.

شوف أكتر: لكل عروسة 6 طرق لبشرة نضرة خلال نومك

4- حمام الشمس: 

إذا كنتي ناوية تقضي وقت طويل في الشمس علشان جسمك ياخد اللون البرونزي، لازم تكوني حريصة أنه يكون معاكي الـSunscreen أو كريم واقي الشمس على الأقل حماية 30 SPF، مش بس علشان تحمي بشترك من الحروق، لكن كمان علشان بشترك ما تقشرش وتظهري بمظهر مش لطيف يوم فرحك.

5- تنسي تاكلي: 

أوعي تنسي تاكلي أو تتخطي أي وجبة رئيسية في أكلك أو حتى السناكس، خلي دايما الوجبات الخفيفة معاكي إذا لزم الأمر، الأكل هو البزنين اللي بيحركك، خصوصا في فترة التحضيرات الأخيرة بيكون المجهود كبير، بالإضافة إلى ان العروسة الجعانة بتقرب من مرحلة خطر وهو خط الـ"bridezilla"، وهي العروسة اللي بيصعب التعامل معاها لأنها بتكون عصبية جدا، بلاش توصلي نفسك للمرحلة الصعبة دي.

6- النوم طار؟!:

طبيعي جدا لكل عروسة بتقرب من يوم الفرح النوم بيقل لدرجة إنها تشتكي، وده لأنك بتفضلي تفكري كثير في كل التفاصيل اللي خلصت واللي لسة، لكن ده لا يعني الاستسلام لعدم النوم. لازم تنامي مش أقل من 8 ساعات، مش بس علشان تكوني هادية، كمان علشان تتغلبي على الهالات السوداء اللي هتظهر تحت عنيكي، وتأثير عدم النوم على البشرة وتسقاط الشعر.

7- الإفراط في الكفايين: 

كمية الكافيين المعقولة هتساعدك على تجنب الجفاف، لكن الإفراط والمبالغة في تناول الكفايين ممكن يزود حالة التوتر اللي بتمري بيها الفترة دي، وده يعني إن تناول الكافيين بشكل معقول هيوصلك لهدفك.

8- الكلام في موضوعات تعمل مشاكل: 

بلاش تستني لما يبقى فاضل أسبوع أو 10 أيام على الفرح علشان تتكلمي مع خطيبك في موضوعات جادة ممكن تعمل بينكم مشاكل، ورغم أن محدش بيحب المشاكل، لكن في بعض الأمور والموضوعات لازم يتم مناقشتها بعد الخطوبة أو قبلها مباشرة، زي فكرة الشغل بعد الزواج، تفاصيل مهنتكم وهل كل واحد فيكم هيقدر يتحمل متاعبها ولا لأ.

9- كل حاجة تعمليها بنفسك: 

إذا كنتي من الشخصيات اللي بتعمل كل حاجة بنفسها، جه الوقت اللي لازم تفوضي شخص بتثقي فيه يعمل الأمور دي علشان تركزي على المهام الخاصة بيكي بشكل شخصي جدا. خلي أختك أو مامتك أو صاحبتك القريبة منك يتابعوا بعض المهام الأخيرة، وهي مش هتكون أكثر من متابعة والتأكد من إن كل الأمور ماشية صح، ولو في أي حاجة محتاجة وجودك لازم هيبلغوكي.

10- ما تركزيش على الأمور الصغيرة: 

عارفين أنه صعب على أي عروسة ما تلاقيش اللي طلبته اتعمل، أو تفاصيل صغيرة تعصبها بالرغم أنها لو ما ركزتش فيها مش هيحصل حاجة، زي مثلا أنك كنتي عاوزة لون ورد معين، لكن مش موجود وتم استبداله بلون تاني مشابه له، دي تفصيله صغيرة بلاش تتعصبي وتتوتري، دي أمور وتفاصيل صغيرة لو ما ركزتيش فيها ووقفتي عندها هترحمك من التوتر والعصبية اللي مش محببين قبل الفرح بأسبوع.

 

العروسة تعتبر واقفة على قمة الهرم يوم فرحها، وده بيخليها دايما متوترة كل ما يقرب معاد الفرح، لأنها دايما بتفكر في إيه المفروض كان يتعمل وإيه اللي ما اتعملش، لكن إنت كعروسة فكرتي في إيه اللي المفروض ما تعملهوش وتبعدي عنه خالص خاصة قبل الفرح بأسبوع.

 هتشكري نفسك لأنك قدرتي تخلصيها من التوتر، بعد ما تعملي الخطوات دي:

1- روتين رياضي جديد:

نصيحتنا مش إنك تقللي من الروتين الرياضي بتاعك، لكن بلاش تدخلي في روتين رياضي جديد قبل الفرح بأسبوع، وإذا كنت عاوزة تغيري شكل الروتين الرياضي بتاعك، يبقى أقل فترة تكون قبل الفرح بشهر ونص، وما ننصحكيش بيها كمان. بلاش تحضري فرحك وإنت مصابة بأي إصابة رياضية ما تخلكيش تقدري تستمتعي بفرحك.