ما تدوريش هنقولك على أفضل أماكن تشتري منها شوز الفرح

Large

كل حاجه تخص يوم الفرح، بنركز فيها وندور عليها كتير قبل ما نشتريها. من أول الفستان للورد لحد التفاصيل الصغيرة زى الطرحة وشوز الفرح. شوز الفرح ميقلش أهمية عن أي حاجة تخص العروسة، في الأول ممكن تحسي إن اختيار شوز يليق على فستان الفرح مهمة صعبة، ده غير أنه ممكن يطلع أعلى من البادجيت إلى عاملاها، خصوصا إنه هيتلبس مرة واحده بس. ده إلى خلانا ندور على المحلات والأماكن إلى بتبيع أحسن وأجمل جزم أفراح، والحاجه إلى بتميزهم كمان إن موديلاتهم ممكن تتلبس فى أى يوم عادى، لإن الجزم  والشنط موضتها عمرها ما هتبطل.

قبل ما تاخدى قرار فى الشوز إلى هتشتريه، لازم تعرفى الأول إنتى عايزة تلبسي بكعب ولا فلات أو تبدلى فى الاتنين. بعد كده هيبقى سهل تختارى الموديل الى يناسبك ويخليكى مرتاحة طول الفرح. وأهم حاجه إنه يكون لايق على فستانك ومميز، مش لازم يكون مريح أوى بس على الأقل ميخليش رجلك تتعور فى آخر الفرح أو تبقى متضايقة منه.

نيجى للأماكن إلى ممكن تشترى منها شوز فرح حلو ومريح وينفع يتلبس فى يوم فرحك وفى أى وقت تانى. لو محتاجاه يكون مش غالى ومريح، يبقى تشترى من asos.com وده أون لاين ستور موجود فى أوروبا  كلها، وأحسن مكان فيه موديلات كتير بأسعار كويسه، وهتلاقى فيه حاجات تمشى مع كل الأذواق.

إقرا أكتر: 7 نصائح قبل ما تشتري جزمة الفرح لازم تعرفيهم

لو إنتى مش من هواة الشرا أون لاين، وعايزة تشوفى الموديلات كلها قدام عينك قبل ما تقررى إنتى عايزه إيه، بننصحك تروحى Aldo،  وهتلاقى فيه جزم بأسعار معقولة، وكمان فيها ميزة إنك تقدرى تلبسيها مرة تانية فى أى مناسبة أو حتى يوم عادى، وخدى بالك إن البراند ده مفيهوش موديلات كتير زى باقى المحلات، بس هو أحسن مكان تلاقى فيه حاجات مريحة وبسرعه.

عايزة حاجة شيك تتباهى بيها يبقى تشترى من Jimmy Choo، وشهرة البراند الكبيره دي مش من فراغ، لإنك هتلاقى فيه موديلات كتيره وشيك. وكمان عندهم كل موديلات شوز الفرح إلى نفسك فيها، كعب رفيع، أو إلى برباط، وموديلات تانية كتير، هتلاقى إلى انتى عايزاه مفيش كلام، لازم دولابك يكون فيه حاجه من عنده، خصوصا لو السعر مش فارق معاكى. 

كل حاجه تخص يوم الفرح، بنركز فيها وندور عليها كتير قبل ما نشتريها. من أول الفستان للورد لحد التفاصيل الصغيرة زى الطرحة وشوز الفرح. شوز الفرح ميقلش أهمية عن أي حاجة تخص العروسة، في الأول ممكن تحسي إن اختيار شوز يليق على فستان الفرح مهمة صعبة، ده غير أنه ممكن يطلع أعلى من البادجيت إلى عاملاها، خصوصا إنه هيتلبس مرة واحده بس. ده إلى خلانا ندور على المحلات والأماكن إلى بتبيع أحسن وأجمل جزم أفراح، والحاجه إلى بتميزهم كمان إن موديلاتهم ممكن تتلبس فى أى يوم عادى، لإن الجزم والشنط موضتها عمرها ما هتبطل.