مفيش أحلى من فرح على البحر في شهر نوفمبر! فرح الأسبوع ده ماهي وزياد إختاروا أحلى موسم يتجوزوا فيه ببساطة علشان كلنا عارفين إن نوفمبر أجمل شهر في السنة في مصر. الموضة دلوقتي بدأت تميل بشكل كبير للأفراح اللي على البحر ومن أكتر الأماكن المناسبة للستايل ده من الأفراح هي العين السخنة، مش بس علشان قريبة وسكتها تعتبر سهلة من نسبة لفرح برة القاهرة، لكن كمان علشان طبيعيتها الخلابة.
الفرح الخريفي إتعمل في ستيلا دي ميري في العين السخنة، واللي نظمه بشكل هايل Bloem Events لتنظيم الأفراح، هو صحيح كان فرح على البحر بستايله الكاجوال وبساطة تنظيمه خصوصا في الديكور اللي أبرز جمال الطبيعة اللي حواليه بشكل كبير، بس ده ما يمنعش خالص إن مكنش فيه ستايل بوهيمي وتروبيكال كمان في الديكور والتيمة.
نيجي بقى لتنظيم المكان، أول حاجة كانت ترابيزات المعازيم واللي كانوا متوزعين على مكانين، خيمة على شكل هندسي ومتعلق من سقفها لمض بنور أصفر نازلة من إتجاهات مختلفة، المكان التاني كان هيكل خشبي أزرق بعمدان من نفس اللون ملفوف حواليهم ونازل من السقف نباتات كتير أضافت لطبيعة المكان، لون الترابيزات في الخيمتين كان أبيض، حواليهم كراسي شفافة، وعليهم مفارش طويلة نفس درجة لون الخشب الأزرق، متزينيين بسنتر بيس فازات بأشكال مختلفة فيهم ورد أصفر، أحمر، وبرتقاني. أما ركن الحلويات تنظيمه أظهر تفاصيل تيمة الفرح أكتر، الحلويات اتنظمت بشكل يفتح النفس على براميل خشب، كان منهم مرسوم عليه رسومات أفريقية ملونة، وحوالين البراميل كان فيه نباتات ولمض نور متعلقة للإضاءة والزينة.
إقرا أكتر: المرة دي وديان محي هتكون هي العروسة مش حد تاني
قبل غروب الشمس على طول العرسان نوروا حفلتهم ودخلوا ماشيين من ناحية الشط على سجاد قش مفروش على الرمل، ومروا من تحت مدخل بديكور بوهيمي، وده كان الممر اللي ميشيوا فيه العرسان. المعازيم إاستقبلوا ماهي وزياد بأكبر فرحة وزغاريط لحد ما وصلوا للدانس فلور الخشب واالي كان متزين بشرايط وورود بألوان صيفي، لمض منورة أصفر، ونباتات متعلقة من السقف، أول ما الرقصة السلو للعرسان بدأت الحفلة وإستمر الرقص، الضحك، والفرحة لغاية الساعت الأولى من تاني يوم..
في أول الفرح ماهي لبست فستان شكل A مشغول بالدانتيل وتطريزات رقيقة، فتحة الصدر كانت على شكل قلب، الضهر كان شفاف بخط زراير لولي في النص، الجيب مفتوحة من ناحية واحدة، أما الكمام شفافة ومشغولة. إختارت ألوان ترابية بسيطة للمكياج أظهروا جمالها الطبيعي، أما شعرها القصير كان ستايله مموج طبيعي وفيه هيد بيس مربوطة بالطرحة. البوكيه كان مجموعة من الورد الأصفر، البطيخي، البنفسجي، والبرتقاني ومعاهم نباتات برية.
وعلشان الجزء التاني من الفرح كان أكتر حميمية ومرح ورقص، ماهي غيرت شكلها ولبست فستان صيفي مريح لونه أبيض وقصير بحمالات، أما زياد فكمل الليلة بنفس البدلة الصيفي المبهجة اللي كان لونها أزرق فاتح لايق جدا على تيمة وألوان الفرح، لبس معاها حمالات، جزمة موكاسين، ساعة جلد، وبيبيونة بني.
متخصصين الفرح:
المكان: ستيلا دي مير السخنة
مايكب أرتست: شروق كسابي
منظم الفرح: Bloem Events
دي جي: Kiro
تصوير: منجاوي عويس
مفيش أحلى من فرح على البحر في شهر نوفمبر! فرح الأسبوع ده ماهي وزياد إختاروا أحلى موسم يتجوزوا فيه ببساطة علشان كلنا عارفين إن نوفمبر أجمل شهر في السنة في مصر. الموضة دلوقتي بدأت تميل بشكل كبير للأفراح اللي على البحر ومن أكتر الأماكن المناسبة للستايل ده من الأفراح هي العين السخنة، مش بس علشان قريبة وسكتها تعتبر سهلة من نسبة لفرح برة القاهرة، لكن كمان علشان طبيعيتها الخلابة.
الفرح الخريفي إتعمل في ستيلا دي ميري في العين السخنة، واللي نظمه بشكل هايل Bloem Events لتنظيم الأفراح، هو صحيح كان فرح على البحر بستايله الكاجوال وبساطة تنظيمه خصوصا في الديكور اللي أبرز جمال الطبيعة اللي حواليه بشكل كبير، بس ده ما يمنعش خالص إن مكنش فيه ستايل بوهيمي وتروبيكال كمان في الديكور والتيمة.
نيجي بقى لتنظيم المكان، أول حاجة كانت ترابيزات المعازيم واللي كانوا متوزعين على مكانين، خيمة على شكل هندسي ومتعلق من سقفها لمض بنور أصفر نازلة من إتجاهات مختلفة، المكان التاني كان هيكل خشبي أزرق بعمدان من نفس اللون ملفوف حواليهم ونازل من السقف نباتات كتير أضافت لطبيعة المكان، لون الترابيزات في الخيمتين كان أبيض، حواليهم كراسي شفافة، وعليهم مفارش طويلة نفس درجة لون الخشب الأزرق، متزينيين بسنتر بيس فازات بأشكال مختلفة فيهم ورد أصفر، أحمر، وبرتقاني. أما ركن الحلويات تنظيمه أظهر تفاصيل تيمة الفرح أكتر، الحلويات اتنظمت بشكل يفتح النفس على براميل خشب، كان منهم مرسوم عليه رسومات أفريقية ملونة، وحوالين البراميل كان فيه نباتات ولمض نور متعلقة للإضاءة والزينة.
إقرا أكتر: المرة دي وديان محي هتكون هي العروسة مش حد تاني
قبل غروب الشمس على طول العرسان نوروا حفلتهم ودخلوا ماشيين من ناحية الشط على سجاد قش مفروش على الرمل، ومروا من تحت مدخل بديكور بوهيمي، وده كان الممر اللي ميشيوا فيه العرسان. المعازيم إاستقبلوا ماهي وزياد بأكبر فرحة وزغاريط لحد ما وصلوا للدانس فلور الخشب واالي كان متزين بشرايط وورود بألوان صيفي، لمض منورة أصفر، ونباتات متعلقة من السقف، أول ما الرقصة السلو للعرسان بدأت الحفلة وإستمر الرقص، الضحك، والفرحة لغاية الساعت الأولى من تاني يوم..
في أول الفرح ماهي لبست فستان شكل A مشغول بالدانتيل وتطريزات رقيقة، فتحة الصدر كانت على شكل قلب، الضهر كان شفاف بخط زراير لولي في النص، الجيب مفتوحة من ناحية واحدة، أما الكمام شفافة ومشغولة. إختارت ألوان ترابية بسيطة للمكياج أظهروا جمالها الطبيعي، أما شعرها القصير كان ستايله مموج طبيعي وفيه هيد بيس مربوطة بالطرحة. البوكيه كان مجموعة من الورد الأصفر، البطيخي، البنفسجي، والبرتقاني ومعاهم نباتات برية.
وعلشان الجزء التاني من الفرح كان أكتر حميمية ومرح ورقص، ماهي غيرت شكلها ولبست فستان صيفي مريح لونه أبيض وقصير بحمالات، أما زياد فكمل الليلة بنفس البدلة الصيفي المبهجة اللي كان لونها أزرق فاتح لايق جدا على تيمة وألوان الفرح، لبس معاها حمالات، جزمة موكاسين، ساعة جلد، وبيبيونة بني.
متخصصين الفرح:
المكان: ستيلا دي مير السخنة
مايكب أرتست: شروق كسابي
منظم الفرح: Bloem Events
دي جي: Kiro
تصوير: منجاوي عويس
