ليه تقضي شهر العسل في كروز؟ المتعة في رحلة واحدة

Large

تخيل تصحى كل يوم في مدينة جديدة؟ الكروز فى شهر العسل تجربة ممتعة لأى كابل يستكشفوا فيها حاجات كتير من غير تعب، خصوصا مع انتشار السفن السياحية وتصميماتها الجميلة في العالم كله، المتعة مش بس انك توصل لوجهتك، لأن طول الرحلة فيه وسائل ترفيه كتير تعملها على السفينة هتبسطك، ودى أهم الأسباب إلى هتخليك تعمل الهنى مون في كروز :

أماكن كتير 

على عكس شهر العسل إلى بتقضيه فى بلد أو مكان واحد، هتقدر تستكشف أماكن كتير لما تعمل كروز، وعادة السفينه بتعدى على أكتر من مكان، في الوقت ده هتقدر تستكشف كل واحد فيهم وتجرب حاجات جديدة كلها مغامرة، وبكده هتشيل بلاد كتير من لستة الأماكن إلى نفسك تزورها في رحلة واحدة.

أنشطة مختلفة

سفن الكروز دلوقتي بقت ممتعة وبتعمل أوبشنز جديدة ومختلفة، وبتتميز بأن فيها حمامات سباحة وجيم ومساحة للمشى وبتنظم عروض تخليك تستمتع. كمان في سفن بتعمل رياضات ترفيهيه زى الإنزلاق بالحبل أو تسلق الصخور، عشان تتبسط بوقتك كل يوم حتى وانت مش على البر، لا إنت في نص البحر.

مفيش توتر

الكروز مش محتاجة منك مجهود كبير وبتديك فرصة تستمتع بالهدوء مع شريك حياتك وتفصل عن العالم تماما، هتحس بالاسترخاء وانت بتتفرج على المناظر الخلابه فى البحر.

إقرا أكتر: تعرفوا إيه عن الـ"سولومون"؟.. شهر عسل قبل الفرح!

الراحة

آخر حاجة، مش مضطر تعمل حاجات كتير عشان تستمتع بشهر العسل، لأن الخدمة هايلة ومتاحة طول الوقت بسهوله، هتلاقي المطاعم الفاخرة، وهتقدر تتبسط بكل لحظه بتقضيها على الكروز، ومش هتحتاج تحضر الشنط أو تفضيها كل شوية عشان اوضتك بتسافر معاك!

تخيل تصحى كل يوم في مدينة جديدة؟ الكروز فى شهر العسل تجربة ممتعة لأى كابل يستكشفوا فيها حاجات كتير من غير تعب، خصوصا مع انتشار السفن السياحية وتصميماتها الجميلة في العالم كله، المتعة مش بس انك توصل لوجهتك، لأن طول الرحلة فيه وسائل ترفيه كتير تعملها على السفينة هتبسطك، ودى أهم الأسباب إلى هتخليك تعمل الهنى مون في كروز :

أماكن كتير 

على عكس شهر العسل إلى بتقضيه فى بلد أو مكان واحد، هتقدر تستكشف أماكن كتير لما تعمل كروز، وعادة السفينه بتعدى على أكتر من مكان، في الوقت ده هتقدر تستكشف كل واحد فيهم وتجرب حاجات جديدة كلها مغامرة، وبكده هتشيل بلاد كتير من لستة الأماكن إلى نفسك تزورها في رحلة واحدة.

أنشطة مختلفة

سفن الكروز دلوقتي بقت ممتعة وبتعمل أوبشنز جديدة ومختلفة، وبتتميز بأن فيها حمامات سباحة وجيم ومساحة للمشى وبتنظم عروض تخليك تستمتع. كمان في سفن بتعمل رياضات ترفيهيه زى الإنزلاق بالحبل أو تسلق الصخور، عشان تتبسط بوقتك كل يوم حتى وانت مش على البر، لا إنت في نص البحر.

مفيش توتر

الكروز مش محتاجة منك مجهود كبير وبتديك فرصة تستمتع بالهدوء مع شريك حياتك وتفصل عن العالم تماما، هتحس بالاسترخاء وانت بتتفرج على المناظر الخلابه فى البحر.

إقرا أكتر: تعرفوا إيه عن الـ"سولومون"؟.. شهر عسل قبل الفرح!

الراحة

آخر حاجة، مش مضطر تعمل حاجات كتير عشان تستمتع بشهر العسل، لأن الخدمة هايلة ومتاحة طول الوقت بسهوله، هتلاقي المطاعم الفاخرة، وهتقدر تتبسط بكل لحظه بتقضيها على الكروز، ومش هتحتاج تحضر الشنط أو تفضيها كل شوية عشان اوضتك بتسافر معاك!