ليه بنتخن بعد الجواز؟!

المتجوزين قالوا إيه اما سألناهم عن زيادة الوزن بعد الجواز؟

Large

الموضوع بيجي على الجرح مش كده؟ عمرك سألت نفسك ليه الناس بعد الجواز وزنها بيزيد؟ طيب عمرك خفت أنك تعاني من زيادة الوزن بعد ما تتجوز أو تتجوزي.

بتلاقي نفسك بتقول أكيد لما أتجوز مش هدي فرصه لنفسي أتخن زي ما بيحصل مع باقي الناس!، بس كلنا عارفين إيه اللي ييحصل بعدها!، خلينا نعترف إن كلنا بنقع في الورطة دي مهما حصل ومهما كانت الأسباب.. مرة واحدة الموضوع بيخرج من إيدينا تماما وما بنبقاش فاهمين الجناب دي ظهرت أمتى وفين وليه؟!، ولا الكرش، مش هنجيب سيرته أحسن الجرح يزيد. للأسف يا بنلحق يا ما بنلحقش..!

المتجوزين قالوا إيه لما سألناهم عن زيادة الوزن بعد الجواز؟

سألنا عشر أشخاص مختلفين من سن 25 لـ 40، عن تجربتهم مع الميزان بعد الجواز والنتيجة أكدت فعلا إن 90% من الناس بتتخن بعد الجواز، الشيء المبشر إن 60% قدروا يرجعوا تاني لميزانهم الطبيعي أو قريب منه، وفيه اللي عمل معجزة وقدر يخس عن قبل الجواز كمان، لكن فيه البعض اللي مازال بيواجه صعوبات في التنظيم. 

إيه الأسباب اللي بتخلي الوزن يزيد بعد الجواز؟: 

الحقيقة هي إن معظم الناس بتتخن في بداية الجواز لأسباب بسيطة، غير في ناس الأكل بالنسبة لها متعة، وكمان مع الحب والجواز بتبقى عاوزة تنبسط أكتر وأكتر، دولت -31 سنة-  قالت "البدايات دايما جميلة وتفتح النفس، أنا بحب الطبخ وإحنا الإتنين بنحب الأكل، كنت عاوزاه ياكل طول الوقت لإن الطبخ والأكل مربوطين بالحب من وجهة نظري".

أكيد في سبب هو اللي بيدفعنا إننا نخسر وزن قبل الجواز، ورغم إننا كلنا عارفينه، لكن محدش جاتله الشجاعة إنه يكشف عنه، السبب إننا عاوزين نعجب الطرف التاني، أما بقى بعد الجواز بترجع ريما لعادتها القديمة، وكل المجهود اللي اتعمل علشان خسارة الوزن راح، لأننا ببساطة شديدة حسينا بالأمان، وده اللي قاله وائل- 40 سنة- بنوع من الهزار لكن بمنتهي الصراحة "محاولات إني أخس قبل الجواز كانت علشان أعجبها، بس دلوقتي ما بقاش لها داعي، هي وقعت خلاص"، أما آلاء- 26 سنة- أسبابها مختلفة، "بقيت باكل أكتر وبقيت بعمل أكل كله سعرات حرارية لأني بحب النوع ده من الأكل، والسبب والدتي، لأنها كانت بتأكلنا أكل صحي فحبيت أعوض ده بطبخ أكلات دسمة جدا، غير إن جوزي كمان بيحب الأكل زيي، فوصلنا دلوقتي لمرحلة إحنا الإتنين عاملين دايت عشان ننقذ الموقف". 

حالة آلاء منتشرة بشكل كبير بين العرسان في أول الجواز، وأسباب طبعا خارجة عن إرادة أي عروسة، زي الحمل والبعبع الكبير "هرمون الإستروجين".

- الأزمة الحقيقية "إمتى عرفت إنك تخنت؟

لما سألنا البعض إمتى لاحظت زيادة وزنك؟ الإجابات كانت دايما بتدور حوالين مشكلة اللبس! "مقاس الهدوم بقى ضيق!"، كان برضه فيه إجابات عن الإحساس بزيادة الوزن وقت الحركة والشعور بتقل الجسم، وده اللي أكده محمد -28 سنة- "الكيلو الواحد بيفرق في الحركة، وأنا بلعب كورة لقيت حركتي تقيلة".

 من أكتر الإجابات المدهشة على سؤال زيادة الوزن بعد الجواز كانت لأيمن -30 سنة-  "قبل الجواز كنت ٩٤ كيلو، لكن بعد الجواز بقيت ٨٥ كيلو، خسيت من الرياضة مش من حرقة الدم"، و ده كان عكس شادي -33 سنة-  واللي يعتبر بيمثل معظمنا، "وزني زاد علشان ما بقتش أتمرن زي قبل كده". 

- "دلع الزوجة في الأول وفتحة النفس": 

 أقلها القاعدة سوا على الكنبة قدام التلفزيون بتتفرجوا على برنامج أو فيلم بتحبوه، وأكيد من غير التسالي مش ها يبقي فيه طعم لأي حاجة من دول!.

 للأسف الموضوع ده بالذات مش هيبقي مجرد فترة وتعدي في أول الجواز وخلاص، لا ده هيفضل على طول، ممكن نغير شكل التسالي، بدل اللب والسوداني تبقى أطباق خيار وجزر وفاكهة وممكن فشار، مش لازم كل مرة السويس رول وأم علي، ممكن تعمليه بطريقة صحية برضه.

دولت شايفة الأكل تعبير عن الحب والاهتمام: " يعني مفيش أي مناسبة في الدنيا مش بيبقى فيها أكل جت على الحب والجواز؟!"، ده طبعا غير العزومات ودلع الطنطات، والحلويات والشيكولاتة.. كفاية مش كده!.

- إزاي بعد ما فترة المشاعر دي تعدي نقدر نرجع تاني زي الأول؟:

عادة علشان ناخد قرار إننا نخس ونرجع للوزن اللي كنا عليه قبل الجواز، الموضوع بياخد وقت ومجهود وطبعا إرادة، مش بس مجهود بدني، لا وكمان ذهني ونفسي، ما بين الصراع الداخلي علشان نوصل للي إحنا عاوزينه وما بين الإغراءات الخارجية اللي بتكون قدمنا، واللي في الغالب بتكون وهمية، لازم نحاول ندي لعقلنا أمر بالإستغناء عن الإغراءات ونشوفها بشكل مختلف، بمعنى إن مش الأكل اللي بيتخن هو اللي هيشعرنا بالسعادة.

جيم IGNITE

الحوار اللي هنقراه دلوقتي، هو اللي دايما بيدور بين عقلنا ورغبتنا، الحوار ده متاخد من تصريحات الناس اللي إتكلمنا معاهم في التحقيق، إقرواه وشاركونا هل هو ده نفس الحوار الداخلي اللي بيحصل بينكم وبين نفسكم ولا إيه؟:

- آخد القرار: "عشان معنديش إرادة أقلل أكلي أوي ولما ببقى متضايقة ما بحبش أحرم نفسي من حاجة نفسي فيها وكمان ما بلعبش رياضة خالص"

- المحاولة: "نزل شوية بسبب إني بدأت أرجع أتمرن بس لسة زايد"

- المثابرة: "لأ ما رجعش بس بحاول أخس"

- التركيز: "ركزت شوية ففهمت إني كنت في مرحلة خطر"

- الثبات: "بيزيد ويقل" ويزيد ويقل "لكن في نفس الحدود حوالي ٧ كيلو"

- الصبر: "لسه شوية، بيحتاج وقت"

- النتيجة: "رجع الحمد لله"

أهم حاجة تشجعوا بعض علشان تخلقوا لنفسكم نظام وأسلوب حياة صحية تقدروا تتغلبوا على زيادة الوزن اللي بيحصل دايما بعد الجواز، وتلاحظوا الخطر القادم وتتغلبوا عليه قبل فوات الأوان، هتشوفوا الدنيا بعين تانية، غير اللي كنتوا شايفينها الأول.

 

الموضوع بيجي على الجرح مش كده؟ عمرك سألت نفسك ليه الناس بعد الجواز وزنها بيزيد؟ طيب عمرك خفت أنك تعاني من زيادة الوزن بعد ما تتجوز أو تتجوزي.

بتلاقي نفسك بتقول أكيد لما أتجوز مش هدي فرصه لنفسي أتخن زي ما بيحصل مع باقي الناس!، بس كلنا عارفين إيه اللي ييحصل بعدها!، خلينا نعترف إن كلنا بنقع في الورطة دي مهما حصل ومهما كانت الأسباب.. مرة واحدة الموضوع بيخرج من إيدينا تماما وما بنبقاش فاهمين الجناب دي ظهرت أمتى وفين وليه؟!، ولا الكرش، مش هنجيب سيرته أحسن الجرح يزيد. للأسف يا بنلحق يا ما بنلحقش..!

المتجوزين قالوا إيه لما سألناهم عن زيادة الوزن بعد الجواز؟

سألنا عشر أشخاص مختلفين من سن 25 لـ 40، عن تجربتهم مع الميزان بعد الجواز والنتيجة أكدت فعلا إن 90% من الناس بتتخن بعد الجواز، الشيء المبشر إن 60% قدروا يرجعوا تاني لميزانهم الطبيعي أو قريب منه، وفيه اللي عمل معجزة وقدر يخس عن قبل الجواز كمان، لكن فيه البعض اللي مازال بيواجه صعوبات في التنظيم. 

إيه الأسباب اللي بتخلي الوزن يزيد بعد الجواز؟: 

الحقيقة هي إن معظم الناس بتتخن في بداية الجواز لأسباب بسيطة، غير في ناس الأكل بالنسبة لها متعة، وكمان مع الحب والجواز بتبقى عاوزة تنبسط أكتر وأكتر، دولت -31 سنة-  قالت "البدايات دايما جميلة وتفتح النفس، أنا بحب الطبخ وإحنا الإتنين بنحب الأكل، كنت عاوزاه ياكل طول الوقت لإن الطبخ والأكل مربوطين بالحب من وجهة نظري".

أكيد في سبب هو اللي بيدفعنا إننا نخسر وزن قبل الجواز، ورغم إننا كلنا عارفينه، لكن محدش جاتله الشجاعة إنه يكشف عنه، السبب إننا عاوزين نعجب الطرف التاني، أما بقى بعد الجواز بترجع ريما لعادتها القديمة، وكل المجهود اللي اتعمل علشان خسارة الوزن راح، لأننا ببساطة شديدة حسينا بالأمان، وده اللي قاله وائل- 40 سنة- بنوع من الهزار لكن بمنتهي الصراحة "محاولات إني أخس قبل الجواز كانت علشان أعجبها، بس دلوقتي ما بقاش لها داعي، هي وقعت خلاص"، أما آلاء- 26 سنة- أسبابها مختلفة، "بقيت باكل أكتر وبقيت بعمل أكل كله سعرات حرارية لأني بحب النوع ده من الأكل، والسبب والدتي، لأنها كانت بتأكلنا أكل صحي فحبيت أعوض ده بطبخ أكلات دسمة جدا، غير إن جوزي كمان بيحب الأكل زيي، فوصلنا دلوقتي لمرحلة إحنا الإتنين عاملين دايت عشان ننقذ الموقف". 

حالة آلاء منتشرة بشكل كبير بين العرسان في أول الجواز، وأسباب طبعا خارجة عن إرادة أي عروسة، زي الحمل والبعبع الكبير "هرمون الإستروجين".

- الأزمة الحقيقية "إمتى عرفت إنك تخنت؟

لما سألنا البعض إمتى لاحظت زيادة وزنك؟ الإجابات كانت دايما بتدور حوالين مشكلة اللبس! "مقاس الهدوم بقى ضيق!"، كان برضه فيه إجابات عن الإحساس بزيادة الوزن وقت الحركة والشعور بتقل الجسم، وده اللي أكده محمد -28 سنة- "الكيلو الواحد بيفرق في الحركة، وأنا بلعب كورة لقيت حركتي تقيلة".

 من أكتر الإجابات المدهشة على سؤال زيادة الوزن بعد الجواز كانت لأيمن -30 سنة-  "قبل الجواز كنت ٩٤ كيلو، لكن بعد الجواز بقيت ٨٥ كيلو، خسيت من الرياضة مش من حرقة الدم"، و ده كان عكس شادي -33 سنة-  واللي يعتبر بيمثل معظمنا، "وزني زاد علشان ما بقتش أتمرن زي قبل كده". 

- "دلع الزوجة في الأول وفتحة النفس": 

 أقلها القاعدة سوا على الكنبة قدام التلفزيون بتتفرجوا على برنامج أو فيلم بتحبوه، وأكيد من غير التسالي مش ها يبقي فيه طعم لأي حاجة من دول!.

 للأسف الموضوع ده بالذات مش هيبقي مجرد فترة وتعدي في أول الجواز وخلاص، لا ده هيفضل على طول، ممكن نغير شكل التسالي، بدل اللب والسوداني تبقى أطباق خيار وجزر وفاكهة وممكن فشار، مش لازم كل مرة السويس رول وأم علي، ممكن تعمليه بطريقة صحية برضه.

دولت شايفة الأكل تعبير عن الحب والاهتمام: " يعني مفيش أي مناسبة في الدنيا مش بيبقى فيها أكل جت على الحب والجواز؟!"، ده طبعا غير العزومات ودلع الطنطات، والحلويات والشيكولاتة.. كفاية مش كده!.

- إزاي بعد ما فترة المشاعر دي تعدي نقدر نرجع تاني زي الأول؟:

عادة علشان ناخد قرار إننا نخس ونرجع للوزن اللي كنا عليه قبل الجواز، الموضوع بياخد وقت ومجهود وطبعا إرادة، مش بس مجهود بدني، لا وكمان ذهني ونفسي، ما بين الصراع الداخلي علشان نوصل للي إحنا عاوزينه وما بين الإغراءات الخارجية اللي بتكون قدمنا، واللي في الغالب بتكون وهمية، لازم نحاول ندي لعقلنا أمر بالإستغناء عن الإغراءات ونشوفها بشكل مختلف، بمعنى إن مش الأكل اللي بيتخن هو اللي هيشعرنا بالسعادة.

جيم IGNITE

الحوار اللي هنقراه دلوقتي، هو اللي دايما بيدور بين عقلنا ورغبتنا، الحوار ده متاخد من تصريحات الناس اللي إتكلمنا معاهم في التحقيق، إقرواه وشاركونا هل هو ده نفس الحوار الداخلي اللي بيحصل بينكم وبين نفسكم ولا إيه؟:

- آخد القرار: "عشان معنديش إرادة أقلل أكلي أوي ولما ببقى متضايقة ما بحبش أحرم نفسي من حاجة نفسي فيها وكمان ما بلعبش رياضة خالص"

- المحاولة: "نزل شوية بسبب إني بدأت أرجع أتمرن بس لسة زايد"

- المثابرة: "لأ ما رجعش بس بحاول أخس"

- التركيز: "ركزت شوية ففهمت إني كنت في مرحلة خطر"

- الثبات: "بيزيد ويقل" ويزيد ويقل "لكن في نفس الحدود حوالي ٧ كيلو"

- الصبر: "لسه شوية، بيحتاج وقت"

- النتيجة: "رجع الحمد لله"

أهم حاجة تشجعوا بعض علشان تخلقوا لنفسكم نظام وأسلوب حياة صحية تقدروا تتغلبوا على زيادة الوزن اللي بيحصل دايما بعد الجواز، وتلاحظوا الخطر القادم وتتغلبوا عليه قبل فوات الأوان، هتشوفوا الدنيا بعين تانية، غير اللي كنتوا شايفينها الأول.

 

الترتيب لفرحك أسهل كتير مع Weds360. لأننا عارفين إيه المهم، تقدر تعتمد علينا في كل تفصيلة.

Tools website

موقع الفرح

ده المكان اللي هتحتفظ فيه بكل الأوقات الحلوة وكل صور الفرح للأبد وتتحكم في كل التفاصيل. وهتقدر تختار تصميمه، وتخلي المعازيم يبعتولك عليه الصور والفيديوهات واللحظات المميزة في فرحك. اختار موقع الفرح
Tools budgeter

تكاليف الفرح

لو محدد الرقم اللي هتصرفه في الفرح، هنساعدك هنا تعرف تستغله صح وترتب التكاليف صح. اتحكم في فلوس فرحك
Tools checklist

جدول المهام

حدد الحاجات اللي وراك، اعمل لنفسك جدول بالمهم منها وبأولوياتك في تنظيم الفرح علشان متنساش حاجة. ابدأ من هنا
Tools guestlist

المعازيم

مين اللي جاي الفرح؟ ومين اللي لازم تأكد عليه؟ ومين اعتذر؟ كلها حاجات هتقدر تنظمها، تتحكم فيها وتبعت دعوات فرح مخصصة لكل مجموعة. ابدأ من هنا
Tools vendors

متخصصين الفرح

اعرف أكتر عن متخصصين الأفراح في كل المجالات وشوف شغلهم واختار الأفضل ليك ولفرحك. ابدأ من هنا
Tools registry

هدايا الفرح

جمع كل هدية نفسك فيها، كل محل بتحبه في مكان واحد، وساعد المعازيم يختاروا هدية الجواز من غير مواقف محرجة أو تكرار للهدايا. ابدأ من هنا
× Logo
Weds360
Mobile App
Install now