لو عاوزين علاقة صحية! خدوا القرارات دي

Large

سنة جديدة يعني بداية جديدة لعلاقتك الزوجية. إعمل ريفريش لعلاقتك في 2021 بقايمة جديدة من القرارات علشان تخليها علاقة صحية. بلاش قرارات تحط قايمة القرارات لوحدك، حطوها مع بعض، وهتكون خطوة مفيدة إن كل واحد فيكم يجرب حاجة، ده هيكسر روتين العلاقة بين المتجوزين.

بغض النظر عن حجم القرارات كبيرة أو صغيرة، اقعد كدا وفكر في اللي عاوز تعمله، أكيد هيكون في حاجات جديدة تتعلموها وتكتشفوها سوا لو قررتوا فعلا تكون علاقتكم علاقة صحية. السؤال اللي ممكن تكون بتفكر فيه دلوقتي هو "إبدأ منين؟"، هنقولك على شوية قرارات لازم أي إتنين متجوزين ياخدوها علشان تكون علاقة زوجية صحية:

إقرا أكتر: ستايكيشن! علشان متملوش.. إزاي ممكن تتبسطوا فى البيت

سهرة كل أسبوع: 

بمرور الوقت مع المسؤولية والروتين، بتوصل حالة المتجوزين للكسل. بلاش تستسلم للكسل، إكسروا حالة الكسل والملل بسهرة وعشاء في أي مكان شيك، جربوا أمكان وأكلات جديدة، وخلي السهرة دي تكون مرة كل أسبوع.

التواصل بشكل أكبر: 

التكنولوجيا! من أكتر الأسباب اللي بعدت بين الناس. ابعدوا عنها شوية واتقربوا لبعض واتعرفوا على بعض بشكل أكبر. كل ما كان في تواصل كل ما المشاكل قلت. اعرفوا إيه هي لغة الحب اللي بيفضلها الطرف التاني، وخليه يشوفها مش بس يحسها.

وقت لنفسي:

على قد ما في اختلاف حولين نظرية "وقت لنفسي" لكن منقدرش ننكر أهمية إن الواحد لازم ياخد استراحة بشكل دوري. العلاقة هي وظيفة بدوام لمدة 24 ساعة يوميا، وبالتالي إنت محتاج تاخد وقت لنفسك تفصل فيه وتشحن طاقتك وتعيد ترتيب أمورك. ممكن تخرج مع أصحابك أو تتمشى لوحدك. خلي 2021 تديك الراحة وقت ما تحتاجها.

اكتشفوا هوايتكم مع بعض: