لو عاوزة تعملي فرح صديق للبيئة! الموضوع ده يهمك

رقم 4 هتشجعك أكتر

Large

حاجات كتير بنعملها فى الأفراح بتضر البيئة حوالينا، ومن فترة بدأ الناس يهتمو ويراعو البيئة فى كل حاجه بيعملوها، عشان كده الأفراح صديقة البيئة مش موضة هتاخد وقتها وتروح، لكن إزاى تقدر تستفيد منهم يوم فرحك عشان يكون حلو وفى نفس الوقت تقوم بدور فى إنك تحافظ على البيئة إلى بنعيش فيها، دى الحاجه إلى هنساعدك تعملها عشان تعرف إنها مريحه وممكن تتعمل بسهوله لو بس خططتلها كويس.

1- مكان الفرح

أول إقتراح ممكن تعمله هو إنك تدور على مكان للفرح يكون قريب للمعازيم وده هيخليهم يقللوا استخدام الحاجات إلى بتضر البيئة زى البنزين، أو تختار مكان صديق للبيئة، زى فرح على شط البحر مثلا.

Aitch Weddings by Hadeer Ehab

2- هتعمل إيه في ديكور الفرح!

النصيحة التانية  هي الـ "recycling"، لأن استعمال الحاجات مرة تانية بيخلينا نحافظ على موارد البيئة، وممكن مثلا نتبرع بالديكورعشان نساعد العرسان إلى عاملين فرحهم ببادجيت قليلة، وممكن منظم الفرح يساعدنا فى اننا نتبرع بالحاجات دى، وأحسن حاجه إنك مش لازم تتبرع بالديكور بتاع فرحك لفرح تانى، لكن ممكن كمان يروح لحفلات المدارس، أو النوادى، على حسب تيمة الفرح إلى إنت عملته. 

Yasmina Flower

إقرا أكتر: حب أكتر فلوس أقل! علشان الأسباب دي لازم تعملي فرح صغير

3- تقدر تستغنى عن الورد؟

لازم كمان تلغي فكرة أنك تجيب ورد من بره البلد إلى إنت عايش فيها، عشان مهما كان حلو وبيدى شياكة فى فرحك، لكن هتكون سبب فى إنك تضر البيئة، والأحسن تشتريها من المكان إلى إنت عايش فيه وبكده هتبقى بتساعد محلات الورد إلى فى بلدك إنهم يشتغلوا ويبيعوا الورد إلى عندهم وكمان متضيعش الموارد دى، خصوصا لو كنت بتشترى كمية كبيرة.