للمبتدئين: إزاي تعملوا ليستة تسجيل هدايا الجواز 

من الألف للطقم الصيني

Large

ليستة تسجيل الهدايا تعتبر ضمن العادات الغربية الجديدة والمبتكرة اللي إحنا كعرب إستلفناها من الغرب. الخبر الحلو هو إنها عادة عملية وتستاهل التبني بصراحة. إيه هي قائمة تسجيل الهدايا؟ وليه هي مهمة للفرح وللجواز في العموم؟ هتعرفوا كل حاجة بس كملوا قراية وبلاش كسل. 

ليستة تسجيل الهدايا هي ليستة طويلة بتعملوها إنتوا الاتنين مع بعض قبل الفرح. الليستة دي المفروض يبقى فيها كل الحاجات اللي ممكن تسهل حياتكم إنتوا الإتنين مع بعض بعد الجواز، غالبا بيتكتب فيها حاجات زي أدوات الحمام، المطبخ، السفر، أوضة النوم، إلخ...من الآخر، دي معمولة عشان تاخدوا فرصتكم وتطلبوا اللي نفسكم فيه. 

ليستة تسجيل الهدايا بتدي فرصة للمعازيم إنهم ينقوا الهدية اللي هما عايزينها من الهدايا الكتير اللي إنتوا حطينها عليها. من مميزات الليستة بردوا إنها بتوفر عليكم إحباط إن حد يجيبلكم هدية إنتوا مش عايزينها أو مش محتاجينها. ده غير إنها بتنقذكم من فكرة إن نفس الهدية تتكرر مرتين عشان الليستة مفتوحة للكل وإنتوا بيبانلكم لما حد بيشتري هدية من الليستة. يلا نبدأ المسيرة.

 



ابدأ قائمة الهدايا من هنا

ما تسيبوهاش لحد أخر لحظة

حتى لو كنتوا لسة ما استقرتوش على كل حاجة هتحطوها في ليستة الهدايا، إبدأوا حضروها بدري، يفضل من 4 لـ٦ شهور قبل الفرح. مش مهم لو بدأتوا بحاجات قليلة. لما بتعملوا كدة، بتسهلوا الدنيا على المعازيم القريبين منكم، بالذات إن في ناس ساعات بتحب تجيبالهدايا بعد الخطوبة على طول. إفتكروا إن إنتوا دايما في إيديكم إنكم تزودوا أو تعدلوا في الليستة، فما تقلقوش من أي حاجة.

ابعت قائمة الهدايا مع المعازيم

ما تضيقوهاش

ما تضيقوهاش على نفسكم وتختاروا  حاجات من محل واحد حتى لو ده أجمد محل في الدنيا. نقوا حاجات متنوعة وبأسعار مختلفة. ليه؟ عشان إنتوا أكيد مش عايزين تحرجوا المعازيم بأسعار الحاجات اللي إنتوا اختارتوها!، عشان كدة إنتوا محتاجين تبقوا مرنين كدة ولذاذ عشان الناس تفضل حباكم ويجولكم الفرح. نصيحة: أحسن لكم تختاروا محلات كبيرة زي كارفور وأيكيا عشان بيبيعوا كل حاجة. بالطريقة دي هتدوا فرصة للي جيبه تقيل إنه يصرف براحته وللغلابة اللي زينا إنهم يجيبوا هدايا حلوة بس من غير ما يعلنوا إفلاسهم.

اقرأ اكتر: قبل الفرح بشهرين: إزاي وإمتى تبعت قائمة هدايا الفرح للمعازيم

إستكشفوا بنفسكم

عايزين تلاقوا أكتر هدايا حلوة لليستة بتاعتكم؟ إمشوا ورا الأربع نصايح دول:

دوروا على حاجات بتتماشى مع أسلوب حياتكم

دوروا على حاجات هتعيش

دوروا على حاجات عملية و بتستعملوها كتير

دوروا على حاجات تضيف لمسة شخصية للبيت

سجلوا الليستة أونلاين

إنتوا حقيقي عرسان محظوظين عشان إحنا بجد سهلنالكم الدنيا على الٰآخر وعملنالكم خدمة العمر. دلوقتي تقدروا تعملوا الليستة بتاعتكم أونلاين بكل سهولة. عندنا تقدروا تزودا وتعدلوا وتشيلوا أي حاجة إنتوا عايزينها على الليستة. مش بس كدة، الليستة هتبقى ظاهرة لكل المعازيم اللي عندهم اللينك بتاعها وهيجيلكوا رسالة أول ما حد يشتري أي حاجة من عليها. لا لا إحنا جامدين بصراحة!

سجل الليستة من هنا

هجوووووم! 

تراهنوني على كام إنكم ما كنتوش تعرفوا إن الإتيكيت بيقول إن مش المفروض تحت أي ظروف تحطوا أي حاجة ليها أي علاقة بالليستة في دعاوي الفرح. أحسن طريقة تعرفوا بيها المعازيم إن الليستة جاهزة هي إنكم يا إما تعملوا ديزاين لطيف لكارت أونلاين في كل المعلومات المهمة، يا إما تبعتوا اللينك للناس القريبة منكم وتسيبولهم هما مهمة إنهم ينشروا الموضوع. دلوقتي مش فاضل حاجة غير إنكم تستمتعوا بالهدايا الكتير اللي جاية في السكة كأنه عيد ميلاد سعيد. 

 

ليستة تسجيل الهدايا تعتبر ضمن العادات الغربية الجديدة والمبتكرة اللي إحنا كعرب إستلفناها من الغرب. الخبر الحلو هو إنها عادة عملية وتستاهل التبني بصراحة. إيه هي قائمة تسجيل الهدايا؟ وليه هي مهمة للفرح وللجواز في العموم؟ هتعرفوا كل حاجة بس كملوا قراية وبلاش كسل. 

ليستة تسجيل الهدايا هي ليستة طويلة بتعملوها إنتوا الاتنين مع بعض قبل الفرح. الليستة دي المفروض يبقى فيها كل الحاجات اللي ممكن تسهل حياتكم إنتوا الإتنين مع بعض بعد الجواز، غالبا بيتكتب فيها حاجات زي أدوات الحمام، المطبخ، السفر، أوضة النوم، إلخ...من الآخر، دي معمولة عشان تاخدوا فرصتكم وتطلبوا اللي نفسكم فيه. 

ليستة تسجيل الهدايا بتدي فرصة للمعازيم إنهم ينقوا الهدية اللي هما عايزينها من الهدايا الكتير اللي إنتوا حطينها عليها. من مميزات الليستة بردوا إنها بتوفر عليكم إحباط إن حد يجيبلكم هدية إنتوا مش عايزينها أو مش محتاجينها. ده غير إنها بتنقذكم من فكرة إن نفس الهدية تتكرر مرتين عشان الليستة مفتوحة للكل وإنتوا بيبانلكم لما حد بيشتري هدية من الليستة. يلا نبدأ المسيرة.