للعريس والعروسة: 8 أنواع من الأكل ابعدوا عنها يوم الفرح الأكلة رقم 4 مفاجأة

Large

يوم الفرح لازم العريس والعروسة يكونوا في أفضل حالاتهم، واليوم ده تحديدا له طقوس خاصة مش بس إنكم تبعدوا عن التوتر وتناموا كويس، لا كمان فيه طقوس خاصة بنوعية الأكل، إيه الأكل اللي تبعدوا عنه وإيه الأكل الصحي المفضل في يوم الفرح.

طبعا الوقت بيكون مضغوط جدا في اليوم ده بين البدلة، الفستان، المكياج، والمواعيد، كل ده ممكن يخلي العروسة والعريس ينسوا ياكلوا، وعلى الرغم من الأكل ممكن يهدي الأعصاب والتوتر، لكن مش أي نوع من الأكل مسموح به يوم الفرح، لأن في بعض الأكلات اللي ممكن تسبب رائحة فم كريهة أو انتفاخات وغازات، وطبعا كل ده العريس والعروسة في غنى عنه.

النهاردة هنقولكم على 9 أنواع من الأكل ابعدوا عنها يوم الفرح.

1- السكريات: 

ابعدوا عن السكريات تماما يوم الفرح، بلاش الأنسولين، بلاش تاكلوا أي نوع من أنواع السكريات قبل الفرح، كدة كدة البوفيه هيكون فيه أنواع كثيرة من الحلويات، ده طبعا غير التورتة. زيادة السكر في الجسم هتتسبب في زيادة الطاقة، سرعة الانفعال والرغبة في النوم، وطبعا الأعراض دي انتوا في غنى عنها يوم الفرح. إذا احتاجتوا سكريات قبل الفرح، من الأفضل تاكلوا فاكهة، لكن ابعدوا عن الموز والعنب، لأن فيهم نسبة عالية جدا من السكريات.

2- الجبن: 

مفيش حد مش بيحب الجبن، وساندويتشات الجبنة بأنواعها هو الخيار الأول عند الكل سواء في الفطار أو في العشاء، لكن اللي كثير ما يعرفهوش إن الجبن فيها دهون كثيرة وثقيلة صعبة الهضم. خبير التغذية الأمريكي براد ديفيدسون، بيأكد إنه بالرغم من إن طبق الجبن فاتح للشهية، لكنه بيسبب بعض الآثار الجانبية الغير لطيفة، فهي ممكن تعرضك للغثيان والانتفاخ. بلاش تاكلوا جبنة يوم الفرح خاصة العروسة، علشان ما تتعرضيش للانتفاخ وانتي لابسة الفستان.

3- الكفايين:

مين فينا مش بيحب فنجان القهوة الصبح بعد الفطار علشان يعدل مزاجه وبيدأ يومه بنشاط، لكن يوم الفرح من الأفضل الابتعاد عنه. للأسف فنجان القهوة يوم الفرح ممكن يعلي عندكم الشعور بالارتباك والقلق، والأفضل شرب فنجان من الأعشاب المهدئة للأعصاب.

4- الكشري: 

من أسهل وأشهى الأكلات المصرية، محدش مش بيحب الكشري، ورغم إنها أكلة صحية متكاملة لكن يوم الفرح ابعدوا عنها خالص، ولا حتى قبل الفرح بأيام. الكشري بسبب مكوناته من الثوم والعدس بيساعد على انتفاخ البطن، ويخليها مليانة غازات، وبالتالي يوم الفرح ممكن تقضوه في الحمام مش في وسط أصحابك وحبايبكم.

صورة من: كوشريستا

5- المأكولات الحارة: 

الناس اللي بتحب الأكل الحار، حاول تبعد عنه اليوم ده. خبيرة التغذية اللأمريكية أنجيلا أوسجارد أكدت إن المأكولات الحارة بتسبب حموضة وارتجاع في المريء، وده للأسف بيساهم في رائحة كريهة للفم. أكيد انتوا في غنى عن الموضوع ده يوم الفرح.

شوف أكتر: للعريس والعروسة هتفطروا إيه يوم الفرح؟

6- المشروبات الغازية: 

بالرغم من إن المشروبات الغازية غير مضرة يوم الفرح، لكنها بتساعد في تهيج المعدة، والانتفاخ في بعض الأحيان للناس اللي عضلات بطنها ضعيفة، فمن الأفضل الابتعاد عنها، أوسجارد بتنصح استبدال المشروبات الغازية يوم الفرح بالمية أو الشاي أو الأعشاب لمنع الانتفاخ.

7- المأكولات المقلية: 

ابعدوا خالص عن الأكل المقلي بكل أشكاله يوم الفرح، ومن الأفضل تناول الخضار والسلطات مع صوص يدخل فيه الزيوت النباتية علشان تساعدك على الطاقة، زي زيت جوز الهند وزيت الزيتون والأفوكادو، الزيوت دي هتخلي نسبة السكر في دم مستقرة لفترة طويلة.

8- الكربوهيدرات: 

آخر نوع من الأكلات اللي نبعد عنها يوم الفرح، البسكويت والبطاطس المقلية بتحتوي على كمية غير صحية من الكربوهيدرات، خبيرة التغذية أونسجارد أكدت إن الأكلات الكربوهيدراتية اللي فيها كمية من الألياف بتؤدي لانتاج الغازات أثناء عملية الهضم. من الأفضل الحبوب الكربوهيدراتية سهلة الهضم، الأرز أو المكرونة أو الكينوا، علشان نبعد عن الانتفاخات والغازات يوم الفرح.