للعريس والعروسة هتفطروا إيه يوم الفرح؟

10 أفكار لأكلات صحية ومغذية للعرسان

Large

للعريس والعروسة فكرتوا هتفطروا إيه يوم الفرح؟! بلاش تبعدوا عن النظام الغذائي الصحي وأول حاجة تفكروا فيها الوجبات السريعة، وأكيد مش هينفع ما تكلوش حاجة، الحالتين غلط. الهدف الأساسي يوم الفرح النشاط والحيوية علشان تقدورا تكملوا اليوم.

النهاردة هنقولكم على 10 أفكار بسيطة وعملية لفطار يوم الفرح هتكون العمود الفقري ليكم، فطار بتضمن حصول الجسم على بروتين، دهون صحية، ألياف وكربوهيدرات معقدة تخلي سكر الجسم منتظم طول اليوم. 

10 أفكار لفطار صحي ليوم الفرح: 

1- شوفان: 

ينقع الشوفان في اللبن طول الليل، تاني يوم الصبح يتقطع عليه الفاكهة المفضلة ليكم مع معلقة صغيرة زبدة فول سوداني أو زبدة لوز، رشة قرفة ومكسرات. في حالة الرغبة في التحلية ممكن معلقة عسل أبيض صغيرة أو بلح. وصفات أكتر للشوفان

2- سموذي:

في حالة إن المعدة غير مستعدة استقبال وجبة كاملة، ممكن تستبدلها بالسموذي، ويعتبر وجبة بديلة كلها بروتين، ودهون صحية وألياف هتخليكم تشعروا بالشبع، ده غير إنه بيظبط نسبة السكر في الدم. 

الطريقة: سكوب بودرة بروتين فانيليا، معلقتين زبدة لوز، معلقة صغيرة بذور الكتان، 1/2 موزة، لبن. يضربوا كلهم في الخلاط كويس جدا.  لأفكار اكتر 

3- التوست:

أفضل أنواع الخبز هو توست الحبوب الكاملة، فيه منه الحادق والحلو. ممكن يتفرد عليه معلقة زبدة لأي نوع من المكسرات، جبن مهروس مع 1/4 أفوكادو. كله على حسب اختيارك. وصفات أكتر للتوست