للعروسة قبل 3 أسابيع من الفرح: 7 حاجات اعمليها لو الست الوالدة موتراكي!

Large

من أول ما دخلتي كعروسة في دايرة تحضيرات الفرح، بدأت مامتك تتخيل شكله، عدد المعازيم، فستانك عامل إزاي، البوفيه هيكون فيه إيه،  يا ريتها جت على الفرح بس، هتلاقيها كمان نزلت تختار لك عفش البيت وحاجات تانية كتيرة، ممكن تكون بتاخد قرارات تخصك انتي وخطيبك، ولو ما طلبتيش رأيها في حاجة تزعل منك، وده أكيد هيأثر على نفسيتك خصوصا إنك مضغوطة بما فيه الكفاية.

لو مامتك معملتش كده يبقى إنتي محظوظة، لكن لو الكلام ده بيوصف علاقتك مع الست الوالدة وإزاي توترها زايد قبل فرحك، يبقى ده أنسب مكان ليكي. 

عاوزة تعرفي تتعاملي معاها إزاي من غير ما أي حد منكم يزعل من التاني، 

هنا هنقولك على 7 طرق تتعاملي بيها مع توتر أم العروسة قبل الفرح.

تصوير محمد عاطف

1- السؤال هي بتعمل كدة ليه؟:

زي ما مينفعش تاخدي دوا من غير ما تعرفي سبب تعبك، يبقى مينفعش تتصرفي مع مامتك من غير ما تفهمي الأول سبب توترها، أوقات بنشوف أراء وقرارات أهالينا  غير مبررة، بس عمرنا ما بنفكر في السبب لأننا مش بنحط نفسنا مكانهم، وفي الوقت نفسه هي بتكون فرحانة بيكي وشايفة أنها بتساعدك، 

لكن لو مامتك خرجت عن قالب التصرفات اللي مسموح تعملها من وجهه نظرك افتكري إنها بتضايق، بتحب، بتزعل وعندها حساسيه زيادة زيك بالظبط، ويمكن أكتر كمان. فمثلا لو عزمت صاحبتها اللي مش بتحبيها، اعرفي إنها نفسها تشارك أهم فرحة في حياتها مع الناس المهمين بالنسبة ليها. 

2- خليها تاخد القرار يا ستي:

خلي كلمتها تمشي من غير ما تتنفذ! إيه اللخبطة دي بقى! ..في تكنيك سيكولوجي كده بيخدع بعض الناس علشان يقتنعوا بأي حاجة، مثلا هتلاقيها بتنتقد معظم اختياراتك من أول مفرش السرير لحد فستان الفرح، اتناقشي معاها اسأليها  ليه البورسلين أحسن من الباركيه اللي إنتي عاوزاه؟. خدي بالك إن وجهة نظرها مرتبطة بخبرتها الطويلة، خليها تختار معاكي وتشاركك خبرتها، بالطريقة دي هتحس إنك أخدتي رأيها في الاعتبار وتبقي اخترتي اللي انتي عاوزاه برضه وبدون أي خساير.

تصوير ريمون الماركيز

3- اهتمام يعني مشاركة:

وانتي مشغولة بتحضيرات الفرح والبيت، ما عندكيش وقت تقابلي معظم معارفك وأصحابك، بس طبعا لو الانشغال ده وصل لمامتك هتبقى في مشكلة كبيرة. شاركي مع مامتك اختياراتك حتى لو بعاد عن بعض، ابعتلها صور الحاجات اللي اختارتيها مع خطيبك، خليكي على تواصل معاها، خدي بنصيحتها من غير ما تكسفيها، ولما تيجي تفرشي بيتك اطلبي مساعدتها، اختاري معاها الفستان اللي هتلبسه في فرحك، شاركيها في كل التفاصيل، زي ما وصلتك لليوم ده وكانت جزء من كل مراحل حياتك، مينفعش تبقى زيها زي الضيوف، لازم أم العروسة تحس إنها صاحبة الفرح.

4- مسؤولية كاملة:

خلي مامتك مسؤولة مسؤولية كاملة عن حاجة معينة، زي مثلا أدوات المطبخ وترتيبها، ترتيب دولابك كعروسة، أكيد عندها خبرة كبيرة في الأمور دي، لأن أكيد مامتك هتحتاج شيء ملموس تحس في بمشاركتها معاكي. 

5- اسمعيها طول الوقت: 

اسمعيها حتى لو مش سامعاها، اسمعيها طول الوقت، معظم الأمهات مبتبطلش كلام، لو مامتك غير كده يبقى حظك من السما، بس لو مامتك بتحب تحكيلك وتكلم معاكي كتير في الحاله دي لازم تسمعيها، دي طريقة ممكن تعبر عن حبك ليها، اسمعيها وهي بتشتكي وتنتقد تصرفاتك حتى لو قلبتها دراما، اسمعيها لو بتديكي نصائح للمرة المليون، اسمعيها في كل الحالات.

تصوير محمد عاطف

6- الروتين المعتاد:

علاقة الترابط بينك وبين مامتك مش بس عبارة عن أم وبنتها، ولا أم بتساعد بنتها العروسة في تحضيرات فرحها وبيتها، لا العلاقة بين الأم وبنتها بتتحول لعلاقة اثنين أصحاب، فانتي بالنسبة لها مش بس بنتها لا كمان أقرب صديقة ليها، وأكيد في بينكم روتين معين، مثلا لما بترجعي من الشغل بتحكي لها على اللي حصل معاكي في الشغل، إحساسها إن أقرب صديقة ليها هتسيبها والساعة اللي بتقعدوا تتكلموا فيها مع بعض مش هتكون موجودة بعد كام أسبوع، كل ده ممكن يأثر على نفسيتها، طمنيها وأكدلها إن شكل علاقتكم والروتين المعتاد مش هيتغير بعد جوازك. 

7- شكرا..

اشكريها طول الوقت، على مساعدتها، على إنها موجودة دايما في ضهرك، على مشاركتها ليكي من أول الخطوبة ليوم فرحك، على تركزها معاكي. خليكي فاكرة دايما إن كل تصرف من مامتك نابع من حبها ليكي، وتوترها سببه إنها عاوزة أفضل حاجة ليكي، ونفسها يوم فرحك يبقى أجمل يوم في حياتك وحياتها.

تصوير ريمون الماركيز

من أول ما دخلتي كعروسة في دايرة تحضيرات الفرح، بدأت مامتك تتخيل شكله، عدد المعازيم، فستانك عامل إزاي، البوفيه هيكون فيه إيه،  يا ريتها جت على الفرح بس، هتلاقيها كمان نزلت تختار لك عفش البيت وحاجات تانية كتيرة، ممكن تكون بتاخد قرارات تخصك انتي وخطيبك، ولو ما طلبتيش رأيها في حاجة تزعل منك، وده أكيد هيأثر على نفسيتك خصوصا إنك مضغوطة بما فيه الكفاية.

لو مامتك معملتش كده يبقى إنتي محظوظة، لكن لو الكلام ده بيوصف علاقتك مع الست الوالدة وإزاي توترها زايد قبل فرحك، يبقى ده أنسب مكان ليكي. 

عاوزة تعرفي تتعاملي معاها إزاي من غير ما أي حد منكم يزعل من التاني، 

هنا هنقولك على 7 طرق تتعاملي بيها مع توتر أم العروسة قبل الفرح.

تصوير محمد عاطف

1- السؤال هي بتعمل كدة ليه؟:

زي ما مينفعش تاخدي دوا من غير ما تعرفي سبب تعبك، يبقى مينفعش تتصرفي مع مامتك من غير ما تفهمي الأول سبب توترها، أوقات بنشوف أراء وقرارات أهالينا  غير مبررة، بس عمرنا ما بنفكر في السبب لأننا مش بنحط نفسنا مكانهم، وفي الوقت نفسه هي بتكون فرحانة بيكي وشايفة أنها بتساعدك، 

لكن لو مامتك خرجت عن قالب التصرفات اللي مسموح تعملها من وجهه نظرك افتكري إنها بتضايق، بتحب، بتزعل وعندها حساسيه زيادة زيك بالظبط، ويمكن أكتر كمان. فمثلا لو عزمت صاحبتها اللي مش بتحبيها، اعرفي إنها نفسها تشارك أهم فرحة في حياتها مع الناس المهمين بالنسبة ليها. 

2- خليها تاخد القرار يا ستي:

خلي كلمتها تمشي من غير ما تتنفذ! إيه اللخبطة دي بقى! ..في تكنيك سيكولوجي كده بيخدع بعض الناس علشان يقتنعوا بأي حاجة، مثلا هتلاقيها بتنتقد معظم اختياراتك من أول مفرش السرير لحد فستان الفرح، اتناقشي معاها اسأليها  ليه البورسلين أحسن من الباركيه اللي إنتي عاوزاه؟. خدي بالك إن وجهة نظرها مرتبطة بخبرتها الطويلة، خليها تختار معاكي وتشاركك خبرتها، بالطريقة دي هتحس إنك أخدتي رأيها في الاعتبار وتبقي اخترتي اللي انتي عاوزاه برضه وبدون أي خساير.

تصوير ريمون الماركيز

3- اهتمام يعني مشاركة:

وانتي مشغولة بتحضيرات الفرح والبيت، ما عندكيش وقت تقابلي معظم معارفك وأصحابك، بس طبعا لو الانشغال ده وصل لمامتك هتبقى في مشكلة كبيرة. شاركي مع مامتك اختياراتك حتى لو بعاد عن بعض، ابعتلها صور الحاجات اللي اختارتيها مع خطيبك، خليكي على تواصل معاها، خدي بنصيحتها من غير ما تكسفيها، ولما تيجي تفرشي بيتك اطلبي مساعدتها، اختاري معاها الفستان اللي هتلبسه في فرحك، شاركيها في كل التفاصيل، زي ما وصلتك لليوم ده وكانت جزء من كل مراحل حياتك، مينفعش تبقى زيها زي الضيوف، لازم أم العروسة تحس إنها صاحبة الفرح.

4- مسؤولية كاملة:

خلي مامتك مسؤولة مسؤولية كاملة عن حاجة معينة، زي مثلا أدوات المطبخ وترتيبها، ترتيب دولابك كعروسة، أكيد عندها خبرة كبيرة في الأمور دي، لأن أكيد مامتك هتحتاج شيء ملموس تحس في بمشاركتها معاكي. 

5- اسمعيها طول الوقت: 

اسمعيها حتى لو مش سامعاها، اسمعيها طول الوقت، معظم الأمهات مبتبطلش كلام، لو مامتك غير كده يبقى حظك من السما، بس لو مامتك بتحب تحكيلك وتكلم معاكي كتير في الحاله دي لازم تسمعيها، دي طريقة ممكن تعبر عن حبك ليها، اسمعيها وهي بتشتكي وتنتقد تصرفاتك حتى لو قلبتها دراما، اسمعيها لو بتديكي نصائح للمرة المليون، اسمعيها في كل الحالات.

تصوير محمد عاطف

6- الروتين المعتاد:

علاقة الترابط بينك وبين مامتك مش بس عبارة عن أم وبنتها، ولا أم بتساعد بنتها العروسة في تحضيرات فرحها وبيتها، لا العلاقة بين الأم وبنتها بتتحول لعلاقة اثنين أصحاب، فانتي بالنسبة لها مش بس بنتها لا كمان أقرب صديقة ليها، وأكيد في بينكم روتين معين، مثلا لما بترجعي من الشغل بتحكي لها على اللي حصل معاكي في الشغل، إحساسها إن أقرب صديقة ليها هتسيبها والساعة اللي بتقعدوا تتكلموا فيها مع بعض مش هتكون موجودة بعد كام أسبوع، كل ده ممكن يأثر على نفسيتها، طمنيها وأكدلها إن شكل علاقتكم والروتين المعتاد مش هيتغير بعد جوازك. 

7- شكرا..

اشكريها طول الوقت، على مساعدتها، على إنها موجودة دايما في ضهرك، على مشاركتها ليكي من أول الخطوبة ليوم فرحك، على تركزها معاكي. خليكي فاكرة دايما إن كل تصرف من مامتك نابع من حبها ليكي، وتوترها سببه إنها عاوزة أفضل حاجة ليكي، ونفسها يوم فرحك يبقى أجمل يوم في حياتك وحياتها.

تصوير ريمون الماركيز

الترتيب لفرحك أسهل كتير مع Weds360. لأننا عارفين إيه المهم، تقدر تعتمد علينا في كل تفصيلة.

Tools website

موقع الفرح

ده المكان اللي هتحتفظ فيه بكل الأوقات الحلوة وكل صور الفرح للأبد وتتحكم في كل التفاصيل. وهتقدر تختار تصميمه، وتخلي المعازيم يبعتولك عليه الصور والفيديوهات واللحظات المميزة في فرحك. اختار موقع الفرح
Tools budgeter

تكاليف الفرح

لو محدد الرقم اللي هتصرفه في الفرح، هنساعدك هنا تعرف تستغله صح وترتب التكاليف صح. اتحكم في فلوس فرحك
Tools checklist

جدول المهام

حدد الحاجات اللي وراك، اعمل لنفسك جدول بالمهم منها وبأولوياتك في تنظيم الفرح علشان متنساش حاجة. ابدأ من هنا
Tools guestlist

المعازيم

مين اللي جاي الفرح؟ ومين اللي لازم تأكد عليه؟ ومين اعتذر؟ كلها حاجات هتقدر تنظمها، تتحكم فيها وتبعت دعوات فرح مخصصة لكل مجموعة. ابدأ من هنا
Tools vendors

متخصصين الفرح

اعرف أكتر عن متخصصين الأفراح في كل المجالات وشوف شغلهم واختار الأفضل ليك ولفرحك. ابدأ من هنا
Tools registry

هدايا الفرح

جمع كل هدية نفسك فيها، كل محل بتحبه في مكان واحد، وساعد المعازيم يختاروا هدية الجواز من غير مواقف محرجة أو تكرار للهدايا. ابدأ من هنا
× Logo
Weds360
Mobile App
Install now