للعرسان: إزاي تعملوا فورمة قبل الفرح بـ 6 شهور

Large

أول ما بنسمع كلمة "الفورمة" تنط  في دماغنا على طول فورمة الساحل، لإن الصيف بصفة عامة أكبر دافع يخلينا نغير شكل جسمنا، لكن الفورمة اللي بنتكلم عليها دي فورمة الفرح، المقصود بيها شكلك يوم فرحك، إلى جانب الاهتمام بالفستان، البدلة، الميك آب، الشعر.. إلخ، الحقيقية إن كل دول يعتبروا إكسسورات، الأساسي شكل جسمك. زي ما بتتعبوا علشان كل حاجة في الفرح تبقى الأفضل، لازم جسمكم إنتوا كمان يبقى في أفضل صورة.

الفورمة اللي ممكن يوصلها الجسم مش هتحصل في يوم وليلة، أقل وقت ممكن تلاحظوا الفرق فيه هو 6 شهور، وده معناه إن رحلة تظبيط الفورمة هتبدأ قبل الفرح بـ6 شهور.

5 خطوات لو مشيتوا عليهم هتوصلوا لفورمة الفرح:

صوره من: TD Athletics

المشكلة والهدف: 

أول خطوه لازم تحديد الفورمة اللي عاوزين توصلوا ليها، وتعرفوا إيه هي المشكلة الحقيقية اللي وصلت جسمكم لشكل انتوا مش حابينه. لازم تعملوا in-body، دي طريقة القياس الأشهر استخدام دلوقتي، بتبين الجسم فيه عضلات ودهون قد إيه، ومحتاج يخسر قد إيه ونسبة العضلات اللي المفروض تكون موجودة علشان توصلوا للشكل المثالي. تاني حاجة تحديد الهدف، مثلا معظم الشباب عايزين يزودوا عضلات لجسمهم من فوق أكتر، لكن البنات بتحب تشد جسمها ويكون متناسق، لكن الأكيد إن كل واحد عنده أهدافه الخاصة، حدد هدفك وحدد إزاي هتوصله، سواء بالاستعانة بأخصائي تغذية ومدرب، أو بالاعتماد على نفسك وعلى الانترنت.

تبديل العادات القديمة بعادات صحية وعملية:  

أكيد كلنا شوفنا صور لناس قبل وبعد الشكل والوزن المثالي، بس قصاد النتيجة الهايلة اللي بنقف قدامها، كان في تعب ومجهود وحرمان من أكل وعادات حبوها، لو فكرتوا للحظة في صعوبة الرحلة مش هتعملوا حاجة، مفيش نجاح من غير صعوبة.

 أول حاجة في الخطوة التانية تبديل العادات السيئة بعادات صحية، الامتناع عن السكر واستبداله بالعسل والفاكهة، الابتعاد عن الأكلات اللي كلها دهون ونركز على الخضار والمشوي والسلطة، استغلوا أي فرصة للحركة سواء طلوع أو نزول السلم، المشي، شرب على الأقل 2 لتر ميه في اليوم، اليوم يكون فيه ٣ وجبات و٢ سناكس صحية، تقليل الملح في الأكل قدر الإمكان لإنه بيخزن ميه في الجسم.

يمكن في الأول العادات دي هتكون صعبة لكن مع الاستمرارية هتكون الايف ستايل بتاعكم.

اعرف المناسب ليك: 

لازم كل واحد يعرف إيه المناسب له، سواء تمرين أو أكل، كلنا جربنا أنظمة دايت، فيها اللي نفع معانا وفيها اللي ما ظبطش، نفس الشيء في الأنظمة الرياضية، خاصة لو مش مع مدرب متخصص، أكيد جربنا عدد كبير من التمرينات لغاية ما عرفنا إيه المناسب لجسمنا، لازم من الأول تعرفوا إيه المناسب ليكم علشان ما تضيعوش وقت.

 المتابعة والتشجيع: 

مش لازم يكون في تغيير جذري علشان تشجعوا نفسكم وتتصوروا قبل وبعد، ببساطة شديدة إدراكك بالتحسن في جسمك وإحساس إن الهدوم شكلها اتغيرعليكم ده في حد ذاته تشجيع، وحافز إنكم تكملوا رحلة الشكل والوزن المثالي، سجلوا كل تغيير بيحصل سواء الوزن أو مقاسات الجسم، شجعوا بعض لو لاحظتم أي تغيير.

صوره من: Uplift16

اسمع لجسمك: 

يعني إيه تسمع لجسمك؟ مسمعتش أو قولت قبل كده، جسمي محتاج حاجة مسكرة أو عطشان جدا؟، دي رسايل جسمك بيبعتها، وده أصدق احتياج، لأنه مبني على نقص حقيقي في جسمك مش مشاعر مؤقتة. لو حسيت إن جسمك محتاج حاجة حلوه، خد معلقة عسل، أو لو بتتمرن كتير وجسمك تعبان جدا متجيش علي نفسك، ريح جسمك علشان يتفاعل مع مجهودك، جسمنا بيحتاج يرتاح علشان يرجع يتحرك ويتمرن.

ممكن تلاقي نفسك زهقت ووقفت في وسط الطريق مش قادر تكمل، وده طبيعي جدا، افتكر اللي بات مان قالوا لـ بروس واين " ليه بنقع يا سيدي؟ علشان نعرف إزاي نوقف نفسنا على رجلنا مره تاني." 

هتوصلوا لفورمة الفرح في الشكل والوزن المثالي، لإن جوا كل واحد فينا قوة نقدر بيها نغير العالم الصغير الخاص بينا، حددوا الهدف واتبعوا الـ5  خطوات علشان بشكل ووزن مثالي يوم الفرح.

أول ما بنسمع كلمة "الفورمة" تنط  في دماغنا على طول فورمة الساحل، لإن الصيف بصفة عامة أكبر دافع يخلينا نغير شكل جسمنا، لكن الفورمة اللي بنتكلم عليها دي فورمة الفرح، المقصود بيها شكلك يوم فرحك، إلى جانب الاهتمام بالفستان، البدلة، الميك آب، الشعر.. إلخ، الحقيقية إن كل دول يعتبروا إكسسورات، الأساسي شكل جسمك. زي ما بتتعبوا علشان كل حاجة في الفرح تبقى الأفضل، لازم جسمكم إنتوا كمان يبقى في أفضل صورة.

الفورمة اللي ممكن يوصلها الجسم مش هتحصل في يوم وليلة، أقل وقت ممكن تلاحظوا الفرق فيه هو 6 شهور، وده معناه إن رحلة تظبيط الفورمة هتبدأ قبل الفرح بـ6 شهور.

5 خطوات لو مشيتوا عليهم هتوصلوا لفورمة الفرح:

صوره من: TD Athletics

المشكلة والهدف: 

أول خطوه لازم تحديد الفورمة اللي عاوزين توصلوا ليها، وتعرفوا إيه هي المشكلة الحقيقية اللي وصلت جسمكم لشكل انتوا مش حابينه. لازم تعملوا in-body، دي طريقة القياس الأشهر استخدام دلوقتي، بتبين الجسم فيه عضلات ودهون قد إيه، ومحتاج يخسر قد إيه ونسبة العضلات اللي المفروض تكون موجودة علشان توصلوا للشكل المثالي. تاني حاجة تحديد الهدف، مثلا معظم الشباب عايزين يزودوا عضلات لجسمهم من فوق أكتر، لكن البنات بتحب تشد جسمها ويكون متناسق، لكن الأكيد إن كل واحد عنده أهدافه الخاصة، حدد هدفك وحدد إزاي هتوصله، سواء بالاستعانة بأخصائي تغذية ومدرب، أو بالاعتماد على نفسك وعلى الانترنت.

تبديل العادات القديمة بعادات صحية وعملية:  

أكيد كلنا شوفنا صور لناس قبل وبعد الشكل والوزن المثالي، بس قصاد النتيجة الهايلة اللي بنقف قدامها، كان في تعب ومجهود وحرمان من أكل وعادات حبوها، لو فكرتوا للحظة في صعوبة الرحلة مش هتعملوا حاجة، مفيش نجاح من غير صعوبة.

 أول حاجة في الخطوة التانية تبديل العادات السيئة بعادات صحية، الامتناع عن السكر واستبداله بالعسل والفاكهة، الابتعاد عن الأكلات اللي كلها دهون ونركز على الخضار والمشوي والسلطة، استغلوا أي فرصة للحركة سواء طلوع أو نزول السلم، المشي، شرب على الأقل 2 لتر ميه في اليوم، اليوم يكون فيه ٣ وجبات و٢ سناكس صحية، تقليل الملح في الأكل قدر الإمكان لإنه بيخزن ميه في الجسم.

يمكن في الأول العادات دي هتكون صعبة لكن مع الاستمرارية هتكون الايف ستايل بتاعكم.

اعرف المناسب ليك: 

لازم كل واحد يعرف إيه المناسب له، سواء تمرين أو أكل، كلنا جربنا أنظمة دايت، فيها اللي نفع معانا وفيها اللي ما ظبطش، نفس الشيء في الأنظمة الرياضية، خاصة لو مش مع مدرب متخصص، أكيد جربنا عدد كبير من التمرينات لغاية ما عرفنا إيه المناسب لجسمنا، لازم من الأول تعرفوا إيه المناسب ليكم علشان ما تضيعوش وقت.