لغات الحب الخمسة.. إعرف إزاي تعبر عن حبك!

Large

لغات الحب هي الطريقة الى بتعبروا بيها عن مشاعركم ناحية الشخص الى بتحبوه. وغالبا بيكون فيه 5 طرق مختلفة تقولوا بيهم نفس الحاجه، "أنا بحبك ، أنت مهم بالنسبالى، عايز أخليك مبسوط".

زى ما الحياة علمتنا، في بعض العلاقات أحيانا ما بتنجحش، ممكن تكون بتحب شخص بس مش عارف تعبر عن الحب ده بالطريقة الى يفهمها، أو الطريقة الى هو بيعبر بيها عن حبه مش طريقتك أو مش ماشية معاك. ده اللي خلانا نتكلم عن لغات الحب الخمسه اللي بيستخدمها الناس، وشرحنا كل واحدة فيهم. نقطة مهمة لازم تعرفوها إن مش لازم الشخص يكون عنده لغة واحدة بس للحب، بالعكس الشخص الواحد عنده كل لغات الحب الـ5 لكن أهميتها ودرجاتها مختلفة. 

إقرا أكتر: 10 حقائق غريبة عن الزواج ما تفوتوش رقم 9

تأكيد حبكم بالكلام

تقدر تقول إن دى أكتر لغة للحب منتشرة. وهى الأساس لو عاوز تكشف عن حبك لشخص، بس الأكيد إنك مش بتقولها مرة واحدة بس. كأنكم قولتوها مرات كتير. تأكيد الحب بالكلام معناها أن في كل مرة عايز تعبر عن حبك، هتقولها أو هو قد إيه شخص مهم بالنسبة لك. دي لغة  لفظية وصوتية بتعبر بيها عن الحب. في كمان المكالمات والرسايل والتعليقات على السوشيال ميديا. وتعتبر دي أكتر طريقة مباشرة تعبر بيها عن حبك للطرف التانى.

الكواليتي تايم

وده معناه تخصيص وقت فى اليوم جدول اليوم للشخص للى بتحبه. إنك تقعد معاه بجد، تسمعه كويس أو تعملوا حاجه تتبسطوا بيها سوا. الوقت ده من أكتر الأوقات اللي هتعبر عن حبكم لبعض وتبنوا ذكرى حلوة مع بعض. ولو عاوز علاقة صحية إتأكد إن "الكواليتي تايم" مهم أكتر من أي حاجة تانية.

إقرا أكتر: ليك في الأسئلة العميقة..! 9 أسئلة إسألها لشريك حياتك قبل الجواز

تعملوا حاجه عشانهم

من أكتر لغات الحب المعقدة اللي ممكن تعبر بيها عن حبك، هى إنك تعمل حاجات للطرف الى بتحبه، زى تمشية الكلب، أو المساعدة في تقديم أوراق رسمية، أو حتى فطار خفيف. وتفسير اللغة دي هنا إنك تخلي حياة الطرف اللي بتحبه أسهل، وسواء عملت حاجات كبيرة أو مجرد حاجة صغيرة أكيد هتعمل فرق. هي لغة حب صامتة بس مفعولها مضمون لو اتعملت صح.

الهدايا

كلنا بنحب الهدايا، لكن بالنسبة لناس كتير، هي أكتر لغة حب تقدر تعبر بيها. ده مش معناه ان الهدايا لازم تكون غاليه زى ما ناس كتير فاكرة، يعنى ممكن تبقى هدية رمزية رقيقة زي وردة، أو القهوة الى بيحبها. الرموز الملموسة للحب بتلعب جامد على أوتار الطرف التاني، ومش مرتبطة بالقيمة المادية خالص، لكن قيمتها العاطفية أكبر.

اللمسة 

اللمسة هي اللغة الخامسة والأخيرة من لغات الحب، وهي أكتر اللغات احتياج في عالم بيعيش حالة التباعد الاجتماعي. وهي لغة حب ممكن ناس كتير يتجاهلوها، لكنها دايما مستخدمة، زي مسكة الإيد، الحضن الطويل، أو حتى سندة الراس على كتف حبيبك. هو ده الاحتياج والراحة اللي بتعمله اللمسة الجسدية.

لغات الحب هي الطريقة الى بتعبروا بيها عن مشاعركم ناحية الشخص الى بتحبوه. وغالبا بيكون فيه 5 طرق مختلفة تقولوا بيهم نفس الحاجه، "أنا بحبك ، أنت مهم بالنسبالى، عايز أخليك مبسوط".

زى ما الحياة علمتنا، في بعض العلاقات أحيانا ما بتنجحش، ممكن تكون بتحب شخص بس مش عارف تعبر عن الحب ده بالطريقة الى يفهمها، أو الطريقة الى هو بيعبر بيها عن حبه مش طريقتك أو مش ماشية معاك. ده اللي خلانا نتكلم عن لغات الحب الخمسه اللي بيستخدمها الناس، وشرحنا كل واحدة فيهم. في نقطة مهمة لازم تعرفوها إن مش لازم الشخص يكون عنده لغة واحدة بس للحب، بالعكس الشخص الواحد عنده كل لغات الحب الـ5 لكن أهميتها ودرجاتها مختلفة. 

إقرا أكتر: 10 حقائق غريبة عن الزواج ما تفوتوش رقم 9

تأكيد حبكم بالكلام